9 months ago
August 8, 2023
काठमाडौं (हाम्रो खेलकुद) – नेपाल क्रिकेट संघको केन्द्रिय चुनाव असोज महिनामा हुँदैछ । प्रदेश र जिल्ला कार्यसमितिको चुनाव सम्पन्न भएपछि त्यहाँबाट आउने प्रतिनिधिले केन्द्रिय नेतृत्व चयन गर्नेछन् । हाल विभिन्न जिल्लामा चुनाव भइरहेको अवस्था छ ।
क्यानमा हाल ४५ जिल्ला क्रिकेट संघ रहेका छन् । केन्द्रिय चुनावमा यी ४५ जिल्ला, ७ प्रादेशिक क्रिकेट संघ, अम्पायर र स्कोरर संघ तथा प्रशिक्षक संघ र वर्तमान कार्यसमितिले मतदान गर्ने प्रक्रिया रहेको छ । क्रिकेट संघमा १७ कार्यसमिति सदस्य रहेपनि हाल उपाध्यक्ष राजबाबु श्रेष्ठ र सचिव अशोकनाथ प्याकुरेलको राजिनामासँगै १५ सदस्यले मात्र केन्दीय चुनावमा मतदान गर्नेछन् ।
क्यान निर्वाचनमा कुल ८८ मत रहेकोमा २ कार्यसमिति पद रिक्त हुँदा ८६ मत हुनेछ । प्रदेशको जिल्ला र प्रदेशको मतभार विस्तृत रुपमा यसरी विभाजन गरिएको छ । प्रदेशको हकमा हरेक २ जिल्ला बराबर १ मत प्राप्त गर्नेछन् । त्यसका लागि प्रतिनिधि चयन गर्न भने प्रदेशको चुनाव हुनेछ ।
क्यानको विधानमा खेलाडी संघको प्रतिनिधिका लागि व्यवस्था भएपनि हालसम्म प्रक्रिया भने पूरा भएको छैन । क्रिकेट खेलाडी संघ नेपाल (सीप्यान) ले उक्त मान्यताका लागि क्यानलाई पत्राचार गरेपनि विधान अनुसार प्रक्रिया नपुग्दा यसपटक चुनावमा सहभागी हुने सम्भावना कम छ । प्रशिक्षक संघ र अम्पायर तथा स्कोरर संघले भने १-१ मत हाल्नेछन् ।
केन्द्रिय चुनावमा कहाँको कति भाेट ?
कोशी प्रदेशसँग ८ भोट – जिल्लाबाट ५ र प्रदेशबाट ३ (मोरङ, सुनसरी, इलाम, झापा र उदयपुर)
मधेश प्रदेशसँग १२ भोट – जिल्लाबाट ८ र प्रदेशबाट ४ (सप्तरी, सिराहा, धनुषा, महोत्तरी, सर्लाही, रौतहट, पर्सा र बारा)
बागमती प्रदेश ९ भोट – जिल्लाबाट ६ र प्रदेशबाट ३ (मकवानपुर, चितवन, ललितपुर, भक्तपुर, काठमाडौं र नुवाकोट)
गण्डकी प्रदेशसँग ९ भोट – जिल्लाबाट ६ र प्रदेशबाट ३ (कास्की, तनहुँ, स्याङ्जा, नवलपरासी पूर्व, बाग्लुङ र पर्वत)
लुम्बिनी प्रदेशसँग ११ भोट – ७ जिल्ला र प्रदेशबाट ४ (रुपन्देही, कपिलवस्तु, नवलपरासी पश्चिम, पाल्पा, दाङ, बाँके र बर्दिया)
कर्णाली प्रदेशसँग ८ भोट – जिल्लाबाट ५ र प्रदेशबाट ३ (सुर्खेत, कालिकोट, सल्यान, दैलेख र रुकुम पश्चिम)
सुदूरपश्चिम प्रदेशसँग १२ भोट – जिल्लाबाट ८ र प्रदेशबाट ४ (बैतडी, कैलाली, कंचनपुर, डोटी, डडेलधुरा, दार्चुला, अछाम र बझाङ)
जिल्ला – ४५ मत
प्रदेशको चुनावबाट – २४ मत
निर्णायक तथा स्कोरर संघ -१
प्रशिक्षक संघ – १
कार्यसमिति – १७ सदस्य
कुल मतभार : ८८ मत (२ कार्यसमिति पद रिक्त रहेकाले ८६ मत)
भिडियोमा हेर्नुहोस :
May 17, 2024
काठमाडौं (हाम्रो खेलकुद) – सुदुरपश्चिम प्रदेश ललितपुर मेयर्स महिला टि-२० च्याम्पियनशिपको फाइनलमा प्रवेश गर्ने दोस्रो टोली बनेको छ । लिग चरणको अन्तिम खेलमा बागमती प्रदेश विरुद्ध १०९ रनको फराकिलो जित दर्ता गर्दै सुदुरपश्चिमले एपिएफ क्लब विरुद्धको उपाधि भिडन्त पक्का गरेको हो । सुदुरपश्चिमले दिएको १५८ रनको विशाल लक्ष्य पछ्याएको बागमती १६.१ ओभरमा ४८ रनमा समेटियो […]
May 17, 2024
हिमाल खरेल, बिर्तामोड बुद्धशान्तिको बर्खा स्मृति प्रतिष्ठानले बुद्धशान्तिका युवा क्रिकेट खेलाडीलाई खेल सामग्री प्रदान गरेको छ । झापाको बुधबारेमा आयोजित एक कार्यक्रमका बीच प्रतिष्ठानले पालिकाबाट प्रतिनिधित्व गर्ने युवा क्रिकेटरलाई आवश्यक सामग्री प्रदान गरिएको अध्यक्ष मदन प्रसाईंले बताए । प्रसाईंका अनुसार खेलाडीहरुलाई अभाव रहेको ब्याट, लेदर बल, स्टम्प, ग्लोभ्सलगायत खेल सामग्री हस्तान्तरण गरिएको छ । खेल […]
May 17, 2024
काठमाडौं (हाम्रो खेलकुद)– अमेरिका र वेस्ट इन्डिजमा हुने टि२० विश्वकपको तयारीमा जुटिरहेको नेपाली राष्ट्रिय क्रिकेट टोलीले अमेरिकाको ह्युस्टनमा खेल्ने दुई अभ्यास खेलको प्रत्यक्ष प्रसारण हाम्रो खेलकुदले गर्ने भएको छ । नेपाली टोलीले मे २२ र २३ मा ह्युस्टन हरिकेन्ससँग दुई वटा टि२० अभ्यास खेल खेल्दैछ । हाम्रो खेलकुदले ती दुई खेलको ब्रोडकास्टिङ अधिकार प्राप्त गरेको […]