default_image

11 months ago

July 20, 2023

पहिलो खेलमा पाकिस्तान विजयी

76 views

0 Bookmark

एजेन्सी – मध्यक्रमका ब्याटर साउद शकिलको दोहोरो शतकको सहयोगमा पाकिस्तानले पहिलो टेस्ट खेलमा घरेलु टोली श्रीलंकालाई ४ विकेटले पराजित गरेको छ । योसँगै दुई टेस्ट खेलको सिरिजमा पाकिस्तानले १-० को अग्रता लिएको छ ।

जितको लागि १ सय ३१ रनको विजयी लक्ष्य पाकिस्तानले अन्तिम दिन पहिलो सेसनमा ३२.५ ओभरमा ६ विकेट गुमाउँदै पूरा गर्यो । पाकिस्तानको जितमा इमाम उल हक ८४ बलमा ४ चौका र १ छक्कासहित ५० रनमा नट आउट रहे । अघा सलमानले आफूले सामना गरेको पहिलो बलमै छक्का हान्दै खेल सकाए ।

ओपनर अब्दुल्लाह शफिक ८, शन मसुद ७, बाबर आमज २४ र साउद सकिल ३० रनमा आउट भए । श्रीलंकाका स्पिनर प्रभाथ जयसूर्याले सर्वाधिक ४ विकेट लिएपनि जितको लागि पर्याप्त हुन सकेन ।

त्यसअघि दोस्रो इनिङमा श्रीलंका २ सय ७९ रनमा अल आउट भएको थियो । पहिलो इनिङमा १ सय ४९ रनले पछि परेको हुदा समग्रमा १ सय ३१ रनको लक्ष्य दिन पुगेको थियो । श्रीलंकाका धनन्जय डि सिल्भाले १ सय १८ बलमा १० चौका र २ छक्कासहित ८२ रनको योगदान दिए ।

निशान मदुशाका ५२, दिमुथ करुणारत्ने २०, कुशल मेन्डिस १८, दीनेश चान्डिमल २८ र रमेश मेन्डिसले ४२ रन बनाए । पाकिस्तानका दुई स्पिनर अब्रार अहमद र नौमान अलीले समान तीन विकेट लिए । शाहिन शाह अफ्रिदी र अघा सलमानले समान दुई विकेट लिए ।

पाकिस्तान पहिलो इनिङमा ४ सय ६१ रनमा अल आउट भएको थियो । समग्रमा पाकिस्तानले पहिलो इनिङमा १ सय ४९ रनको बलियो अग्रता लिएको थियो ।


पाकिस्तानको जितमा साउद सकिल ३ सय ६१ बलमा १९ चौकासहित २ सय ८ रनको दोहोरो शतकीय इनिङ खेले । उनको यो पहिलो दोहोरो शतक थियो । साउद सकिल श्रीलंकामा दोहोरो शतक हान्ने पहिलो पाकिस्तानी ब्याटर थिए । अघा समान १ सय १३ बलमा ९ चौका र १ छक्कासहित ८३ रनमा आउट भए ।

छैटौं विकेटका लागि अघा सलमान र साउद सकिलले १ सय ७७ रनको शतकीय साझेदारी गरेका थिए । नवौं विकेटका लागि साउद सकिलले नसिम शाहसँग ९४ रनको साझेदारी गरे । उक्त साझेदारीमा नसिम शाहले ७८ बलमा ६ रन जोडेका थिए ।

ओपनर अब्दुल्लाह शफिक १९, इमाम उल हक १, शन मकसुद ३९, बाबर आजम १३, शरफराज अहमद १७ र नौमान अली २५ रनमा आउट भए । श्रीलंकाका स्पिनर रमेश मेन्डिसले पाँच र प्रवथ जयसूर्याले तीन विकेट लिए ।

त्यसअघि श्रीलंका पहिलो इनिङमा दोस्रो दिन पहिलो सेसनमा ३ सय १२ रनमा अल आउट भएको थियो । श्रीलंका धनन्जय डि सल्भाले २ सय १४ बलमा १२ चैका र ३ छक्कासहित सार्वाधिक १ सय २२ रनको सानदार शतकीय इनिङ खेलेपनि जितको लागि पर्याप्त हुन सकेन । शाहिन शाह अफ्रिदी र नशिम शाह अब्रार अहमदले समान तीन विकेट लिए । दोस्रो टेस्ट सोमबार देखी सुरु हुनेछ ।

June 25, 2024

अफगानिस्तान टि-ट्वान्टी विश्वकपको सेमिफाइनलमा

एजेन्सी – बंगलादेशलाई हराउँदै अफगानिस्तान पहिलो पटक आइसिसी टि-ट्वान्टी विश्वकपको सेमिफाइनलमा प्रवेश गरेको छ । वर्षाले प्रभावित भएको सोमबारको खेलमा अफगानिस्तानलाई डकवर्थ लुइसका आधारमा ८ रनले हराएको हो । अफगानिस्तान सेमिफाइनलमा पुग्दा अष्ट्रेलिया भने प्रतियोगिताबाट बाहिरिएको छ । अफगानिस्तान र भारतसँग पराजित अष्ट्रेलिया सुपर एट चरण बाट नै बाहिरिएको हो । समूह १ मा भारत […]

June 25, 2024

भारत सेमिफाइनलमा, अष्ट्रेलियाले अफगानिस्तानको नतिजा कुर्नुपर्ने

एजेन्सी – अष्ट्रेलिया माथि जित हात पर्दै भारत आइसिसी टि-ट्वान्टी विश्वकप २०२४ को सेमिफाइनलमा प्रवेश गरेको छ । सुपर एट चरणको आफ्नो अन्तिम खेलमा भारतले २४ रनको जित दर्ता गर्दै सेमिफाइनलमा स्थान पक्का गरेको हो । उता अष्ट्रेलियाले भने सेमिफाइनलमा पुग्नका लागि अफगानिस्तान र बंगलादेशबीचको खेलको नतिजामा भर पर्नुपर्ने भएको छ । समूह १ मा […]

June 24, 2024

वेस्ट इन्डिजलाई हराउँदै दक्षिण अफ्रिका सेमिफाइनलमा

एजेन्सी – वेस्ट इन्डिज माथि जित दर्ता गर्दै दक्षिण अफ्रिका आइसिसी टि-ट्वान्टी विश्वकप २०२४ को सेमिफाइनलमा प्रवेश गरेको छ । सुपर एट चरणको आफ्नो अन्तिम खेलमा सोमबार ३ विकेटको जित निकालेको दक्षिण अफ्रिका समूह विजेता बन्दै सेमिफाइनलमा प्रवेश गरेको हो । डकवर्थ लुइसका आधारमा १७ ओभरमा १ सय २३ रनको लक्ष्य दक्षिण अफ्रिकाले ५ बल […]

Success

Thank you for your time.