एजेन्सी – आइसिसी विश्वकप लिग–२ र क्वालिफायर प्लेअफमा खराब प्रदर्शनको कारण ओडिआई मान्यता गुमाएको पपुवा न्युगिनीले २०२४ मा अमेरिका र वेस्टइन्डिजमा हुने टि२० विश्वकप खेल्ने उच्च सम्भावना छ ।

पपुवा न्युगिनीले इस्ट एसिया पासिफिक विश्वकप टि२० छनोट आयोजना गर्दैछ । शनिबार देखी सुरु हुने (२२ जुलाई देखी २९) सम्म हुने प्रतियोगितामा चार टोली मात्रै छन् ।

प्रतियोगितामा आयोजक पपुवा न्युगिनी, जापान, फिलिपिन्स र भानुआटु छन् । पपुवा न्युगिनी बाहेक अन्य तीन टोली तुलनात्मक रुपमा निकै कमजोर मानिन्छन् ।

अर्कोतर्फ घरेलु मैदान पनि हुदा पपुवा न्युगिनीले विश्वकप खेल्ने उच्च सम्भावना देखिन्छ । चार टोलीले डबल राउन्ड रोविनमा एक अर्कासँग खेल्नेछन् । हरेक टोलीसँग समान दुई खेलपछि शीर्षस्थानमा रहने टोलीले आगमी वर्ष हुने विश्वकप खेल्न पाउनेछ । पपुवा न्युगिनी प्रमुख दाबेदार हो ।

पपुवा न्युगिनीले २०२१ मा पहिलो पटक टि२० विश्वकपमा डेब्यू गरेकोे थियो । २०२२ मा भने टि२० विश्वकपमा स्थान बनाउन सकेको थिएन । २०२४ देखी टि२० विश्वकपमा २० टोलीले प्रतिस्पर्धा गर्नेछन् । त्यसैको कारण पपुवा न्युगिनीको क्षेत्रको छनोटमा चार टोली मात्रै परेका हुन् ।

पपुवा न्युगिनीले २०१९ देखी २०२३ सम्म चलेको आइसिसी विश्वकप लिग-२ मा ३६ खेलमा ५ मा जित र ३० मा हारका साथ ११ अंकका साथ सात टोली सहभागी प्रतियोगितामा पुछारमा रहेर क्वालिफायर खेलेको थियो ।

आइसिसी विश्वकप प्लेअफ क्वालिफायरमा पाँचै खेलमा हारका साथ ओडिआई मान्यता गुमाएको थियो । टोनी उरा, चाल्स अमिनी, नर्मन भानुवा र असाद भाला जस्ता स्टार खेलाडी हुँदा विश्वकप सहज देखिन्छ ।

त्यस्तै आजदेखी स्कटल्यान्डमा युरोप टि२० विश्वकप छनोट सुरु हुँदैछ । २८ जुलाई सम्म चल्ने प्रतियोगितामा आयोजक स्कटल्यान्ड, अष्ट्रिया, डेनमार्क, जमर्नी, आयरल्यान्ड, इटाली र जर्सी छन् । सिंगल राउन्ड रोविनको आधारमा हुने प्रतियोगिताबाट शीर्ष दुई टोली विश्वकपमा पुग्नेछन् ।

आयरल्यान्ड र स्कटल्यान्ड युरोप टि२० विश्वकप छनोटको प्रमुख दाबेदार हुन् । नेपालले भने एसिया क्षेत्र छनोट खेल्नेछ । नेपालमा यसै वर्ष अन्तिममा हुने एसिया विश्वकप छनोटबाट दुई टोलीले विश्वकपमा स्थान बनाउनेछन् ।