default_image

1 year ago

July 21, 2023

बंगलादेशलाई हराउँदै भारत फाइनलमा

114 views

0 Bookmark

एजेन्सी – स्पिनर निशान्त सिन्धुको घातक बलिङमा भारतले एसिसी इमर्जिङ टिम्स एसिया कपको दोस्रो सेमिफाइनल खेलमा सानदार पूनरागमनका साथ बंगलादेशलाई ५१ रनले हराउँदै फाइनलमा स्थान बनाएको छ । भारतले उपाधिको लागि पाकिस्तानसँग आइतबार खेल्नेछ ।

जितको लागि २ सय १२ रनको विजयी लक्ष्य पछ्याएको बंगलादेश ३४.२ ओभरमा १ सय ६० रनमा अल आउट भयो । बंगलादेशका ओपनर तान्जिद हसनले ५६ बलमा ८ चौकासहित सर्वाधिक ५१ रन बनाए । त्यस्तै अर्का ओपनर मोहम्मद नइमले ४० बलमा ६ चौकासहित ३८ रन जोडे ।

बंगलादेशलाई पहिलो विकेटका लागि मोहम्मद नइम र तान्जिद हसनले १२.४ ओभरमा ७० रनको साझेदारी गर्दै राम्रो सुरुवात दिलाएका थिए । एक समय बंगलादेश १७.२ ओभरमा ९४-१ को अवस्थामा थियो । तर त्यसपछि लगातार विकेट गुमाउँदै पराजित हुन पुगेको हो । अन्य कुनैपनि ब्याटरले राम्रो प्रदर्शन गर्न सकेनन् ।

भारतका निशान्त सिन्धुले ८ ओभरमा २० रन खर्चेर ५ विकेट लिए । मानव सुथारले ८.२ ओभरमा ३२ रन खर्चेर ३ विकेट लिए । अभिषेश शर्माले एक विकेट लिए ।

त्यसअघि टस हारेर पहिला ब्याटिङको निम्तो पाएको भारत ४९.१ ओभरमा २ सय ११ रनमा अल आउट भयो । भारतका कप्तान यश धुलले ८५ बलमा ६ चौकासहित सर्वाधिक ६६ रनको योगदान दिए ।

अभिषेक शर्मा ६३ बलमा २ चौका र १ छक्कासहित ३४, साई सुदर्शन २१, निकिन जोन्स १७ र मानव सुथार २१ रनमा आउट भए । अन्य ब्याटरले राम्रो प्रदर्शन गर्न सकेनन् । बंगलादेशका मेहेदी हसन, तान्जिम हसन सकिब र रकिबुल हसनले समान दुई विकेट लिए ।

July 25, 2024

एसिया कप खेलेर फर्कियो नेपाल

काठमाडौं (हाम्रो खेलकुद) – नेपाली राष्ट्रिय महिला क्रिकेट टोली एसीसी महिला एसिया कप खेलेर विहीबार स्वदेश फर्किएको छ । नेपालले प्रतियोगिताको समूह चरणमा यूएई, पाकिस्तान र भारतसँग प्रतिस्पर्धा गरेको थियो । पहिलो खेलमा यूएईलाई ६ विकेटले हराउँदै नेपालले प्रतियोगिताको इतिहासमा पहिलो जित समेत दर्ता गरेको थियो । त्यसपछि दोस्रो खेलमा पाकिस्तानसँग ९ विकेट र भारतसँग […]

July 24, 2024

दीपेन्द्र र रोहित ग्लोबल टि-२० खेल्न जाँदै

काठमाडौं (हाम्रो खेलकुद) – नेपाल राष्ट्रिय क्रिकेट टोलीका कप्तान रोहित पौडेल र अल-राउन्डर दीपेन्द्र सिंह ऐरी क्यानडियन फ्रेन्चाइज लिग ग्लोबल टि-२० का लागि आज राती प्रस्थान गर्ने भएका छन् । दुवै दिल्लीबाट क्यानडाका लागि प्रस्थान गर्दैछन् । भिसा आउन समय लागेका कारण दीपेन्द्र शुक्रवार देखि सुरु हुने लिगका लागि ढिलो प्रस्थान गर्दैछन् । उनी यसपटक […]

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

Success

Thank you for your time.