default_image

11 months ago

July 22, 2023

ज्ञानेन्द्रसहित चार खेलाडीलाई श्रीलंका पठाउने तयारी

269 views

0 Bookmark

काठमाडौं (हाम्रो खेलकुद) – नेपालले एसिया कपको तयारीको लागि अनुभवी ब्याटर ज्ञानेन्द्र मल्लसहित चार खेलाडीलाई श्रीलंका पठाउने तयारी गरेको छ । नेपालले इमर्जिङ कपमा नभएका चार खेलाडीलाई श्रीलंका पठाउने तयारी गरेको हो ।

दुई साता अघि नेपाली क्रिकेट टोली एसिसी इमर्जिङ टिम्स एसिया कप खेल्न श्रीलंका गएको थियो । नेपाल एसिसी इमर्जिङ टिम्स एसिया कपमा भारत एविरुद्ध ९ र पाकिस्तान ए सँग ४ विकेटले पराजित भएको नेपाल समूह बी बाटै बाहिरिएको थियो ।

युएई एलाई नेपालले ३ विकेटले हराएको थियो । युएई ए विरुद्ध कुशल भुर्तेलले एक्लै ६ विकेट लिएका थिए । नेपाली टोली प्रतियोगिताबाट बाहिरिएपनि श्रीलंकामा नै बसेर एसिया कपको तयारी गरेको छ ।

इमर्जिङ कपमा तीव्र गतिका बलर करण केसी र सर्वाधिक अनुभवी ब्याटर ज्ञानेन्द्र मल्ललाई विश्राम दिएको थियो । आरिफ शेख पारिवारिक कारण नाम फिर्ता लिएका थिए ।

क्यानका कार्यवाहक सचिव दुर्गाराज पाठकका अनुसार क्यानले ज्ञानेन्द्र, करण, आरिफ र तीव्र गतिका बलर कमलसिंह ऐरीलाई श्रीलंका विशेष प्रशिक्षणको लागि पठाउने तयारी गरेको छ ।

‘ज्ञानेन्द्र, आरिफ, करण र कमललाई श्रीलंका पठाउने कुरा भएको छ । नयाँ पासपोर्टको लागि बसेका छन् । सबैलाई एकैपटक पठाउने कुरा भएको छ । भोली सम्ममा को को जाने सबै थाहा हुन्छ’, पाठकले हाम्रो खेलकुदसँग भने ।

कमल नेपालको बन्द प्रशिक्षणमा नियमित रहेपनि अन्तिम टोलीमा मौका पाउन सकेका छैनन् । नेपालले एसिया कपको तयारी स्वरुप तीन साता श्रीलंकामा विशेष बन्द प्रशिक्षण गनेछ ।

जसक्रममा श्रीलंका क्रिकेट बोर्डको समन्वयमा चार अभ्यास खेल खेल्नेछ । नेपालले अभ्यास खेल स्थानीय टोली श्रीलंका डेभलपमेन्टसँग खेल्नेछ । स्तरिय खेलाडी पाउने क्यानले बताएकोछ ।

एसिया कप पाकिस्तान र श्रीलंकामा हुनेछ । नेपालले पहिलो पटक एसिया कप खेल्दैछ । नेपालले र पाकिस्तानबीचको खेल भदौं १३ (अगष्ट ३०) मा मुल्तानमा हुनेछ । पाकिस्तानको मुल्तानमा उक्त खेलपछि नेपाल श्रीलंका जानुपर्ने हुन्छ । नेपाल र भारतबीचको खेल भने श्रीलंकाको काड्नीमा भदौं १८ (सेप्टेम्बर ४) मा हुनेछ ।

समूह ए मा नेपाल, भारत र पाकिस्तान छन् । समूह बी मा बंगलादेश, श्रीलंका र अफगानिस्तान छन् । हरेक समूहको शीर्ष दुई टोली सुपर फोरमा पुग्नेछन् । सुपर फोरपछि शीर्ष दुई टोली फाइनल खेल्नेछन् ।

June 15, 2024

१ रनले हारेसँगै नेपाल विश्वकपबाट बाहिरियो

किङ्गसटाउन (हाम्रो खेलकुद) – दक्षिण अफ्रिका विरुद्ध १ रनले पराजीत भएसँगै नेपाल आइसिसी टि-२० विश्वकपबाट बाहिरिएको छ । दक्षिण अफ्रिका विरुद्धको पहिलो भेटमा नेपाल १ रनको झिनो अन्तरले पराजित हुँदै विश्वकपबाट बाहिरिएको हो । दक्षिण अफ्रिकाले दिएको ११६ रनको मध्यम लक्ष्य पछ्याएको नेपालले ७ विकेटको क्षतिमा ११४ रन मात्र बनाउन सक्यो । अन्तिम दुई ओभरमा […]

June 15, 2024

नेपाललाई १ सय १६ रनको विजय लक्ष्य

किङ्गसटाउन (हाम्रो खेलकुद) – स्पिनरहरुको उत्कृष्ट बलिङ प्रदर्शन सहित नेपालले आइसिसी टि-२० विश्वकपमा दक्षिण अफ्रिकालाई मध्यम योगफलमा रोकेको छ । टस हारेर पहिला ब्याटिङ गरेको दक्षिण अफ्रिकाले निर्धारित २० ओभरमा ७ विकेटको क्षतिमा १ सय १५ रन बनायो । नेपालले पिचमा स्पिनका लागि सहायता भएका कारण चार स्पिनर प्रयोग गर्दै दक्षिण अफ्रिकालाई दबाबमा राखेको थियो […]

June 15, 2024

दीपेन्द्रले तेस्रो विकेट लिए

किङ्गसटाउन (हाम्रो खेलकुद)– नेपालले टि ट्वान्टी विश्व कपको आफ्नो तेस्रो खेलमा दक्षिण अफ्रिकाविरुद्ध कसिलो बलिङ निरन्तरता दिइरहेको छ । दीपेन्द्रसिंह ऐरीले व्यक्तिगत तेस्रो विकेट लिँदा दक्षिण अफ्रिकाले १७.३ ओभरमा ५ विकेटको क्षेतिमा ९७ रन बनाएको छ । दीपेन्द्रले डेभिड मिलरलाई ७ रनमा सन्दीप लामिछानेबाट क्याच गराएका थिए । त्यसअघि दीपेनद्रले सर्वाधिक ४३ रन बनाएका हेन्रिच […]

Success

Thank you for your time.