10 months ago
July 24, 2023
काठमाडौं (हाम्रो खेलकुद) – नेपाल क्रिकेट संघ (क्यान) ले विकेटकिपर विनोद भण्डारी, युवा तीव्र गतिका बलर कमलसिंह ऐरी र अलराउन्डर विवेक यादवलाई अभ्यासको लागि भारत पठाउने तयारी गरेको छ । नेपाली क्रिकेट टोली हाल आगमी महिना हुने एसिया कपको लागि विशेष प्रशिक्षणमा श्रीलंकामा छ । इमर्जिङ कप खेल्न गएको नेपाल उतै बसेर प्रशिक्षण गरेको छ […]
काठमाडौं (हाम्रो खेलकुद) – नेपाल क्रिकेट संघ (क्यान) ले विकेटकिपर विनोद भण्डारी, युवा तीव्र गतिका बलर कमलसिंह ऐरी र अलराउन्डर विवेक यादवलाई अभ्यासको लागि भारत पठाउने तयारी गरेको छ ।
नेपाली क्रिकेट टोली हाल आगमी महिना हुने एसिया कपको लागि विशेष प्रशिक्षणमा श्रीलंकामा छ । इमर्जिङ कप खेल्न गएको नेपाल उतै बसेर प्रशिक्षण गरेको छ । वर्षाको कारण नेपालमा सम्भव नभएपछि टोली उतै बसेर विशेष प्रशिक्षण गरेको हो ।
नेपाली टोलीको विशेष प्रशिक्षणको लागि अनुभवी ब्याटर ज्ञानेन्द्र मल्ल, आरिफ शेख, करण केसी र आसिफ शेख श्रीलंका जानेछन् । करण, ज्ञानेन्द्र र आरिफ इमर्जिङ कपमा टोलीमा थिएनन् । आसिफ भने इमर्जिङ कप खेल्न श्रीलंका गए पनि राहदानी (पासपोर्ट) को म्याद थप्न नेपाल आएका थिए ।
नेपालले आगमी अक्टोबर पहिलो साता घरेलु मैदान टियु र मुलपानीमा आइसिसी विश्वकप टि२० एसिया छनोट आयोजना गर्दैछ । नेपालले चीनमा हुने १९ औं एसियाली खेलकुदमा सेप्टेम्बर अक्टोबरमा क्रिकेटमा सहभागी जनाउनेछ ।
नेपालले टि२० विश्वकप छनोटलाई ध्यानमा राख्दै विकेटकिपर विनोद भण्डारी, कमलसिंह ऐरी र विवेक यादव लगायतका खेलाडीलाई भारतमा अभ्यास गर्न पठाउने तयारी गरेको क्यानले जनाएको छ ।
‘भारतमा विनोद, कमल, विवेक लगायत खेलाडीलाई पठाउने कुरा भएकोछ । भारतमा कुन कुन खेलाडी पठाउने पक्का भएको छैन । हामी तयारी गरेका छौं । नेपालमा वर्षाको कारण अहिले तयारी हुन सक्दैन । टि२० को लागि पनि तयारी गर्नुपर्यो’, क्यानका कार्यवाहक सचिव दुर्गाराज पाठकले हाम्रो खेलकुदसँग भने ।
भारतको कुन एकेडेमीमा पठाउने त्यो पक्का नभएको पाठक बताउँछन् । ‘भारतमा अभ्यासको लागि चार पाँच जनालाई पहिलो चरणमा पठाउने तयारी गरेका छौं । दोस्रो चरणमा पनि पठाउँछौं । बेंगलोर र मुम्बईको एकेडेमी हेरेका छौं । दुई तीन वटा राम्रो एकेडेमीसँग कुरा भई राखेको छ । अव एक हप्ताभीत्र भारत पठाउने तयारी गरेका छौं । यहाँ राखेर काम छैन । जहाँ पायो त्यहिँ एकेडेमीमा पठाएर भएन’, पाठकले हाम्रो खेलकुदसँग भने ।
नेपालका दुई प्रमुख खेलाडी सन्दीप लामिछाने र दीपेन्द्रसिंह ऐरी ग्लोबल टि२० खेल्न क्यानडा गएका छन् । ग्लोबल टि२० क्यानडा फाइनल ६ अगष्टमा सकिनेछ । लिगको अन्तिम खेल दीपेन्द्र सम्मिलित मोन्टरिएल टाइगर्सले अगष्ट १ र सन्दीप सम्मिलित सर्रे जागुअर्सले अगष्ट २ मा खेल्नेछ ।
लिगमा टोलीको प्रदर्शनले नेपाली क्रिकेटसँग कहिले जोडिने पक्का हुनेछ । यी दुबै टोली प्लेअफ हुँदै फाइनल खेलेको खण्डमा भने ६ अगष्ट पछि मात्रै टोलीमा जोडिनेछन् ।
दुई साता अघि नेपाली क्रिकेट टोली एसिसी इमर्जिङ टिम्स एसिया कप खेल्न श्रीलंका गएको थियो । करण र ज्ञानेन्द्रलाई विश्राम दिने निर्णय लिएको थियो । आरिफले भने पारिवारिक कारण देखाउँदै नखेल्ने जनाएपछि पवन सरार्फले खेलेका थिए ।
नेपाल एसिसी इमर्जिङ टिम्स एसिया कपमा भारत ए विरुद्ध ९ र पाकिस्तान ए सँग ४ विकेटले पराजित भएको नेपाल समूह बी बाटै बाहिरिएको थियो । नेपाली टोली श्रीलंकामै बसेर विशेष प्रशिक्षण गरेको छ ।
नेपालले श्रीलंकामा रहँदा चार अभ्यास खेल खेल्नेछ । नेपालले अभ्यास खेल स्थानीय टोली श्रीलंका डेभलपमेन्टसँग खेल्नेछ । श्रीलंका क्रिकेट बोर्डको समन्वयमा खेल्न लागेको हुँदा स्तरिय खेलाडी पाउने क्यानले बताएकोछ । त्यसपछि क्रिकेट टोली नेपाल आउनेछ । पाकिस्तान एसिया कप खेल्न जानेछ ।
नेपालले र पाकिस्तानबीचको खेल भदौं १३ (अगष्ट ३०) मा मुल्तानमा हुनेछ । पाकिस्तानको मुल्तानमा उक्त खेलपछि नेपाल श्रीलंका जानुपर्ने हुन्छ । नेपाल र भारतबीचको खेल भने श्रीलंकाको काड्नीमा भदौं १८ (सेप्टेम्बर ४) मा हुनेछ ।
नेपालले र पाकिस्तानबीचको खेल भदौं १३ (अगष्ट ३०) मा मुल्तानमा हुनेछ । पाकिस्तानको मुल्तानमा उक्त खेलपछि नेपाल श्रीलंका जानुपर्ने हुन्छ । नेपाल र भारतबीचको खेल भने श्रीलंकाको काड्नीमा भदौं १८ (सेप्टेम्बर ४) मा हुनेछ ।
इमर्जिङ कप खेल्न श्रीलंका गएको नेपाली क्रिकेट टोली :
कुशल भुर्तेल, आसिफ शेख, अर्जुन साउद, रोहित पौडेल (कप्तान), कुशल मल्ल, पवन सरार्फ , देव खनाल, गुलशन झा, सोमपाल कामी, भीम सार्की, श्याम ढकाल, प्रतिश जि.सी, ललित राजवंशी, किशोर महतो, सन्दीप जोरा र सूर्य तामाङ ।
नेपालबाट श्रीलंका जाने तीन खेलाडी : ज्ञानेन्द्र मल्ल, आरिफ शेख र करण केसी
भारत पठाउने तयारी : विनोद भण्डारी, कमलसिंह ऐरी, विवेक यादव र एक वा दुई खेलाडी (पक्का हुन बाँकी)
ग्लोबल टि२० क्यानडा लिग खेलेका दुई नेपाली खेलाडी : दीपेन्द्रसिंह ऐरी र सन्दीप लामिछाने
May 4, 2024
काठमाडौँ (हाम्रो खेलकुद) – वेस्ट इन्डिज ‘ए’ विरुद्धको टि-२० श्रृंखलाको अन्तिम खेलमा नेपाल विजयी भएको छ । एक खेल अगावै सिरिज गुमाएको नेपाल अन्तिम खेलमा भने ६ विकेटले विजयी भएको हो । नेपालले पाएको १७३ रनको लक्ष्य नेपालले ४ विकेट गुमाएर ७ बल बाँकी छँदै पुरा गर्यो । नेपालको जितमा अनिल साहले ४५ बलमा ५८ […]
May 4, 2024
काठमाडौँ (हाम्रो खेलकुद) – वेस्ट इन्डिज ‘ए’ विरुद्धको टि-२० श्रृंखलाको अन्तिम खेलमा नेपालले बलियो लक्ष्य पाएको छ । टियु क्रिकेट मैदानमा टस जितेर पहिला ब्याटिङ गर्ने निर्णय लिएको वेस्ट इन्डिज ‘ए’ ले निर्धारित २० ओभरमा ७ विकेट गुमाउँदै १ सय ७२ रन बनायो । वेस्ट इन्डिज ‘ए’ का लागि एलिक अथान्जेले २९ बलमा १ चौका […]
May 4, 2024
काठमाडौं (हाम्रो खेलकुद) – वेस्ट इन्डिज ‘ए’ विरुद्ध जारी टि २० सिरिजको पाँचौं खेलमा पनि नेपालले टस हारेको छ । वेस्ट इन्डिज ‘ए’ का कप्तान रोस्टन चेजले टस जितेर पहिलो ब्याटिङ गर्ने निर्णय लिएपछि नेपालले फिल्डिङ गर्ने भएको छ । नेपालले सिरिजको सबै खेलमा पहिला फिल्डिङ गर्ने भएको छ । नेपालले आज पछिल्लो खेलमा हार […]