2 years ago
July 26, 2023
काठमाडौं(हाम्रो खेलकुद) – नेपाली क्रिकेट टोलीका स्पिनर सन्दीप लामिछानेको राम्रो बलिङमा सर्रे जागुअर्सले ग्लोबल टि२० क्यानडामा टोनोन्टो नेशनललाई २० रनले पराजित गरेको छ । यो सन्दीप सम्मिलित सर्रेको पहिलो जित हो ।
टस हारेर पहिला ब्याटिङको निम्तो पाएको सर्रेले निर्धारित २० ओभरमा ६ विकेट गुमाँउँदै १ सय ४१ रन बनायो । उसका लागि इफ्तिखार अहमदले ३५ बलमा ३ चौका र ३ छक्कासहित सर्वाधिक ४७ रनको योगदान दिए । त्यस्तै जतिन्दर सिंह २१, एलेक्स हेल्स १६, लिटन दास २१ र म्याथ्यु फोर्डेले १९ रन बनाए ।
नेशनलका लागि स्पिनर साद बीन जाफरले सर्वाधिक दुई विकेट लिए । जितका लागि १ सय ४२ रनको विजयी लक्ष्य पछ्याएको नेशनलले निर्धारित १८ ओभरमा ९ विकेट गुमाउँदै १ सय २१ रन बनायो । उसका लागि कोलिन मुनरोले २७ बलमा ६ चौका र १ छक्का सहित सर्वाधिक ४३ रन बनाए । मुनरो सन्दीपको बलमा बोल्ड आउट भए ।
शाहिद अफ्रिदीले २१ बलमा २ छक्कासहित २३ रन जोडे । जेजे स्मितले १५ बलमा ३ चौका र १ छक्कासहित २३ रन बनाए । सन्दीपले अर्मान कपुरलाई १६ रनमा जनिन्दर सिंहबाट क्याच आउट समेत गराएका थिए । सन्दीप लामिछानेले ४ ओभरमा मात्रै २२ रन खर्चेर २ विकेट लिए । म्याथ्यु फोर्डले ४ ओभरमा २९ रन खर्चेर ४ विकेट लिए ।
उता दीपेन्द्रसिंह ऐरी सम्मिलित मोन्टिएल टाइगर्सले भ्यानकुभर नाइट्सलाई ६विकेटले हराएको छ । दीपेन्द्रले २२ बलमा २ चौकासहित २२ रन बनाउनुको साथै खेलमा १ विकेट लिए ।
May 18, 2025
सुमन अधिकारी, बुटवल बुटवल उपमहानगरपालिका खेलकुद विकास समितिको आयोजनामा प्रथम मेयर कप विधालयस्तरिय क्रिकेट प्रतियोगिता आइतवार सुरु भएको छ । प्रतियोगिताको उद्घाटन खेल न्यु होराईजनले गार्गी एकेडेमीलाई १ सय ११ रनले हराएको छ। शक्ति गौचनको प्रशिक्षणमा रहेको न्यु होराइजनले टस जितेर पहिले ब्याटिङ गर्दै १४.३ ओभरमा १ सय ४६ रन बनाएको थियो । न्यु होराइजनका […]
May 18, 2025
एजेन्सी – रिकी पोन्टिङले अवरुद्ध सिजनको चुनौतीको सामना कसरी गर्नुपर्दछ भन्ने राम्ररी बुझेका छन् । सन् २०२१ मा जब उनी दिल्ली क्यापिटल्समा थिए । उनले टोलीलाई तालिकाको शीर्षमा पुर्याएका थिए। त्यसपछि कोभिडका कारण सिजनबीचमा खेल स्थगित भएको थियो । आइपिएल फेरि सुरु हुँदा दिल्लीले आफ्नो लय कायम राख्दै शीर्ष दुईमा स्थान बनाएको थियो। तर प्लेअफमा […]
May 17, 2025
एजेन्सी – साविक विजेता कोलकाता नाइट राइडर्स इन्डियन प्रिमियर लिग (आइपिएल) को जारी सिजनबाट बाहिरिएको छ। रोयल च्यालेन्जर्स बैंगलुरु (आरसिबी) सँग शनिवारको खेल वर्षाका रद्द भएसँगै कोलकाता आइपिएलबाट बाहिरिएको हो। वर्षाका कारण टस पनि नभई खेल रद्द भएको हो । रद्दपछि दुबै टोलीले समान १ अंक बाँडेका थिए । १३ खेलमा १२ अंक छोडेपनि कोलकाता […]
