default_image

10 months ago

July 26, 2023

शफिकको दोहोरो शतकमा पाकिस्तानको विशाल योगफल

118 views

0 Bookmark

एजेन्सी – युवा ब्याटर अब्दुल्लाह शफिकको दोहोरो शतक र अघा सलमानको शतकको सहयोगमा पाकिस्तानले दोस्रो टेस्ट खेलमा घरेलु टोली श्रीलंकाविरुद्ध विशाल योगफल बनाएको छ । तेस्रो दिनको खेल सकिदा पाकिस्तानले पहिलो इनिङमा ३ सय ९७ रनको विशाल अग्रता लिँदै इनिङ अन्तरको जितको सम्भावना उच्च बनाएको छ ।

पाकिस्तानले पहिलो इनिङमा १ सय ३२ ओभरमा ५ विकेट गुमाउँदै ५ सय ६३ रन बनाएको छ । दोस्रो दिन भने वर्षाको कारण पुरै दिन खेल प्रभावित बनेको थियो । पाकिस्तानका २३ वर्षीय युवा ब्याटर अब्दुल्लाह शफिकले ३ सय २६ बलमा १९ चौका र ४ छक्कासहित २ सय १ रनको दोहोरो शतकीय इनिङ खेले ।

उनको यो करिअरको पहिलो अन्तर्राष्ट्रिय दोहोरो शतक समेत हो । अघा सलमान १ सय ४८ बलमा १५ चौका र १ छक्कासहित १ सय ३२ रनमा अविजित छन् । मोहम्मद रिजवान ६१ बलमा १ चौका र १ छक्कासहित ३७ रनमा नट आउट छन् ।

ओपनर इमाम उल हक ६, शन मकसुद ५१, बाबर आजम ३९ र साउद सकिल ५७ रनमा आउट भए । शरफराज अहमद भने १४ रनमा कन्कसनको कारण रिटायर्ट आउट भए । उनलाई असिथा फ्रेनान्डाको बाउन्सर बलले हेलमेटमा लागेको थियो ।

उनी खेल्न नसकेपछि मोहम्मद रिजवानले खेल्ने अवसर पाएका थिए । श्रीलंकाका तीव्र गतिका बलर असिथा फ्रेनान्डोले तीन र प्रभाथ जयसूर्याले दुई विकेट लिए ।

त्यसअघि कोलोम्बोमा टस जितेर पहिला ब्याटिङ रोजेको श्रीलंका पहिलो दिन दोस्रो सेसनमा ४८.४ ओभरमा १ सय ६६ रनमा अल आउट भएको थियो । श्रीलंकाका धनन्जय डि सिल्भाले ६८ बलमा ९ चौका र १ छक्कासहित सर्वाधिक ५७ रन बनाएका थिए ।

पाकिस्तानका स्पिनर अब्रार अहमदले सर्वाधिक चार विकेट लिए । नसिम शाहले तीन र शाहिन शाह अफ्रिदीले एक विकेट लिए । दुई खेलको सिरिजमा पाकिस्तान १-० ले अघि छ । पहिलो खेलमा पाकिस्तान ४ विकेटले विजयी भएको थियो ।

May 24, 2024

बंगलादेशविरुद्ध अमेरिकाको लगातार दोस्रो जित

ह्युस्टन (हाम्रो खेलकुद) – बंगलादेशलाई लगातार दोस्रो खेलमा स्तब्ध पार्दै अमेरिकाले ३ खेलको टि ट्वान्टी शृंखला एक खेल अगावै जितेको छ । प्रेरी भ्यू क्रिकेट कम्प्लेक्समा बिहीबार भएको दोस्रो खेलमा अमेरिकाले बंगलादेशमाथि ६ रनको जित दर्ता गर्दै शृंखला कब्जा गरेको हो । अमेरिकाले दिएको १ सय ४५ रनको लक्ष्य पछ्याएको बंगलादेश ३ बल बाँकी छँदै […]

May 23, 2024

महिला क्रिकेटको प्रारम्भिक टोलीमा २८ खेलाडी

काठमाडौं (हाम्रो खेलकुद) – नेपाल क्रिकेट संघ (क्यान) एसीसी महिला एसिया कपका लागि प्रारम्भिक टोली घोषणा गरेको छ । क्यानले इन्दु वर्माको कप्तानीमा २८ जनालाई समेट्दै बुधबार नेपाली टोली घोषणा गरेको हो । ललितपुर मेयर्स कप खेलेका कोशी प्रदेशका बलर एलिसा खडिया, बागमती प्रदेशकी हेलिसा गुरुङ, सुदूरपश्चिमकी सावित्री धामी, एपीएफकी राजमती ऐरी पहिलो पटक राष्ट्रिय […]

May 23, 2024

सन्दीपलाई अमेरिकाको भिसा दिलाउन पहल सुरु

काठमाडौं (हाम्रो खेलकुद)- क्रिकेटर सन्दीप लामिछानेलाई‌ टि ट्वान्टी विश्वकपको लागि अमेरिकाको भिसा दिलाउन कुटनीतिक पहल हुने भएको छ।युवा तथा खेलकुद मन्त्रालयले परराष्ट्र मन्त्रालयमार्फत प्रक्रिया अघि बढाउने भएको हो । सन्दीपलाई बुधबार अन्तर्वार्तामा बोलाएर अमेरिकी दूतावासले भिसा अस्वीकार गरेको थियो । भिसा नदिइनुको स्पष्ट कारण खुलाइएको छैन । सन्दीपले सामाजिक सन्जालमा स्ट्याटस लेखेर आफूलाई भिसा दिन […]

Success

Thank you for your time.