default_image

11 months ago

July 28, 2023

अभिनाश, विनोद र विवेकको राष्ट्रिय टोलीमा पूनरागमन

378 views

0 Bookmark

काठमाडौँं (हाम्रो खेलकुद) – तीव्र गतिका बलर अभिनाश बोहरा, विकेटकिपर विनोद भण्डारी र अलराउन्डर विवेक यादवले लामो समयपछि नेपाली क्रिकेट टोलीमा पूनरागमन गरेका छन् ।

चीनको हान्झोउमा दुई महिनापछि सुरु हुने १९ औं एसियन खेलकुदको लागि घोषणा टोलीमा तीन खेलाडी फर्किएका हुन् । १९ औं एसियाली खेलकुद टि२० शैलीमा हुनेछ ।

ओडिआईका तीन नियमित खेलाडी आरिफ शेख, ज्ञानेन्द्र मल्ल र भीम सार्की भने नेपालको टि२० टोलीमा पर्न सकेनन् । विकेटकिपर विनोद भण्डारीले २०२२ जुलाईपछि नेपाली टोलीमा फर्किएका हुन् ।

स्कटल्यान्ड भ्रमणमा राम्रो हुन नसकेपछि उनी टोलीबाट बाहिरिएका थिए । त्यसपछि आसिफ शेख र अर्जुन साउदले राम्रो प्रदर्शन गरेपछि विनोद टोलीमा पर्न सकेका थिएनन् ।

नेपालका हार्ड हिटर विनोद आरिफ शेखको स्थानमा खेल्न सक्छन् । उनी नेपाली टोलीमा फिनिसरको रुपमा खेल्नेछन् । डेथ ओभर स्पेलिष्ट बलर अभिनाश बोहरा पनि टोलीमा फर्किएका छन् । अभिनाशले २०२२ अप्रिलपछि नेपालको अन्तिम टोलीमा पूनरागमन गरेका हुन् ।

नेपाल टि२० लिगमा सर्वाधिक विकेट लिने बलर बनेका अभिनाशलाई नेपालले आइसिसी विश्वकप लिग २ अन्तर्गत स्कटल्यान्ड र नामिबियासँगको सिरिजको लागि नेपालले बन्द प्रशिक्षणमा बोलाएको थियो । घरेलु मैदानमा भएको उक्त सिरिजमा अभिनाशले अन्तिम टोलीमा स्थान बनाउन सकेका थिएनन् ।

नेपालको पहिलो रोजाईमा सोमपाल कामी र करण केसी खेल्दै आएका छन् । गुलशन झाले अलराउन्डरको रुपमा राम्रो गरेपछि अभिनाशले मौका पाएका थिएनन् । नेपालले तीव्र गतिका बलरमा सोमपाल, करण, गुलशन र प्रतिश जि.सीलाई राखेको छ ।

युवा अलराउन्डर विवेक यादवले पनि टोलीमा पूनरागमन गरेका छन् । विवेकले गतवर्ष अगष्टमा केन्या भ्रमणमा अन्तिम पटक नेपाली टोलीबाट खेलेका थिए । विवेक तीव्र गतिसँगै तल्लोक्रममा आक्रामक ब्याटरको रुपमा चिनिन्छन् ।

तर पछिल्लो समय नेपालले उनलाई कुनैपनि खेलमा मौका दिएको थिएन् । नेपालले अन्य टोली भने पछिल्लो समय मौका दिएको खेलाडीलाई नै निरन्तरता दिएको छ ।

नेपालको १९ औं एसियन खेलकुद खेल्ने टोलीमा दुई युवा तीव्र गतिका बलर किशोर महतो र कमलसिंह ऐरीले भने स्थान बनाउन सकेनन् ।

नेपालको टोली :

रोहित कुमार पौडेल (कप्तान), कुशल भुर्तेल, दीपेन्द्रसिंह ऐरी, आसिफ शेख (विकेटकिपर), कुशल मल्ल, गुलशन झा, करण केसी, अभिनाश बोहरा, सन्दीप लामिछाने, ललित नारायण राजवंशी, विवेक कुमार यादव, प्रतिश जि.सी, सोमपाल कामी, सन्दीप जोरा र विनोद भण्डारी (विकेटकिपर) ।

June 15, 2024

१ रनले हारेसँगै नेपाल विश्वकपबाट बाहिरियो

किङ्गसटाउन (हाम्रो खेलकुद) – दक्षिण अफ्रिका विरुद्ध १ रनले पराजीत भएसँगै नेपाल आइसिसी टि-२० विश्वकपबाट बाहिरिएको छ । दक्षिण अफ्रिका विरुद्धको पहिलो भेटमा नेपाल १ रनको झिनो अन्तरले पराजित हुँदै विश्वकपबाट बाहिरिएको हो । दक्षिण अफ्रिकाले दिएको ११६ रनको मध्यम लक्ष्य पछ्याएको नेपालले ७ विकेटको क्षतिमा ११४ रन मात्र बनाउन सक्यो । अन्तिम दुई ओभरमा […]

June 15, 2024

नेपाललाई १ सय १६ रनको विजय लक्ष्य

किङ्गसटाउन (हाम्रो खेलकुद) – स्पिनरहरुको उत्कृष्ट बलिङ प्रदर्शन सहित नेपालले आइसिसी टि-२० विश्वकपमा दक्षिण अफ्रिकालाई मध्यम योगफलमा रोकेको छ । टस हारेर पहिला ब्याटिङ गरेको दक्षिण अफ्रिकाले निर्धारित २० ओभरमा ७ विकेटको क्षतिमा १ सय १५ रन बनायो । नेपालले पिचमा स्पिनका लागि सहायता भएका कारण चार स्पिनर प्रयोग गर्दै दक्षिण अफ्रिकालाई दबाबमा राखेको थियो […]

June 15, 2024

दीपेन्द्रले तेस्रो विकेट लिए

किङ्गसटाउन (हाम्रो खेलकुद)– नेपालले टि ट्वान्टी विश्व कपको आफ्नो तेस्रो खेलमा दक्षिण अफ्रिकाविरुद्ध कसिलो बलिङ निरन्तरता दिइरहेको छ । दीपेन्द्रसिंह ऐरीले व्यक्तिगत तेस्रो विकेट लिँदा दक्षिण अफ्रिकाले १७.३ ओभरमा ५ विकेटको क्षेतिमा ९७ रन बनाएको छ । दीपेन्द्रले डेभिड मिलरलाई ७ रनमा सन्दीप लामिछानेबाट क्याच गराएका थिए । त्यसअघि दीपेनद्रले सर्वाधिक ४३ रन बनाएका हेन्रिच […]

Success

Thank you for your time.