12 months ago
July 29, 2023
काठमाडौं (हाम्रा खेलकुद) – नेपाली क्रिकेट टोलीका स्पिनर सन्दीप लामिछानेले ग्लोबल टि२० क्यानडामा सर्रे जागुअर्सबाट तीनै खेलमा अवार्ड जितेका छन् । उत्कृष्ट बलिङ प्रदर्शन गरेका सन्दीपले सर्रेको दुई जित र एक हारमा गरि तीनै खेलमा समान ५ सय डलर (६६ हजार रुपैयाँ) पुरस्कार राशी भएको मोमेन्ट अफ अफ द म्याच अवार्ड जित्न सफल भएका हुन् ।
सन्दीपले शनिबार बिहान मिसिसौगा प्यान्थर्सविरुद्ध पनि उक्त अवार्ड जितेका हुन् । टोलीलाई ५५ रनको सानदार जित दिलाउन सन्दीपले ३ ओभरमा १८ रन खर्चेर ३ विकेट लिएका थिए ।
जितको लागि १ सय ६५ रनको विजयी लक्ष्य पछ्याएको प्यान्थर्स एक समय १२ ओभरमा ८८-३ को बलियो अवस्थामा थियो । १३ औं ओभरमा सन्दीपले दुई महत्वपूर्ण विकेट लिँदै खेलमा सानदार पूनरागमन गराएका थिए ।
सन्दीपले १३ औं ओभरको चौथो बलमा सर्वाधिक ३३ रन बनाएका क्यामरन दीलपोर्ट र एक बलपछि जेम्श निसमलाई स्टम्पिङ आउट गरेका थिए ।
एक समय ८८-३ को बलियो अवस्थामा रहेको प्यान्थर्स १ सय ९ रनमै अल आउट भएको थियो । यसअघि सन्दीपले टोरन्टो नेशनलविरुद्ध ४ ओभरमा २२ रन खर्चेर २ विकेट लिँदै उक्त अवार्ड जितेका थिए ।
सन्दीपले मोन्टरिएलविरुद्ध पनि उक्त अवार्ड प्राप्त पाएका थिए । मोन्टरिएलविरुद्ध हारको बाबजुद सन्दीपले उक्त अवार्ड प्राप्त गरेका थिए । सर्रे ४ खेलमा २ मा जित, १ मा हार र १ खेल वर्षाको कारण रद्द हुन पुगेको थियो ।
नेपाली क्रिकेट टोलीका अलराउन्डर दीपेन्द्रसिंह ऐरी सम्मिलित मोन्टरिएल टाइगर्सले टोरान्टो नेशनलसँग शनिबार साँझ प्रतिस्पर्धा गर्नेछ । सन्दीपको टोलीले आज राती १ः ४५ मा भ्यानकुभर नाइट्ससँग खेल्नेछ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]