default_image

10 months ago

July 29, 2023

आयरल्यान्डलाई हराउँदै स्कटल्यान्डले जित्यो उपाधि

328 views

0 Bookmark

एजेन्सी – घरेलु टोली स्कटल्यान्डले आइसिसी टि२० विश्वकप युरोप क्षेत्र छनोटको अन्तिम खेलमा टेस्ट टोलीलाई ८ रनले हराउँदै उपाधि जितेको छ । विजेता स्कटल्यान्ड र उपविजेता आयरल्यान्डले २०२४ मा अमेरिका र वेस्टइन्डिजमा हुने टि२० विश्वकपमा स्थान बनाएका छन् ।

जितका लागि २ सय १४ रनको विशाल विजयी लक्ष्य पछ्याएको आयरल्यान्डले निर्धारित २० ओभरमा ९ विकेट गुमाउँदै २ सय ५ रन बनायो । आयरल्यान्डका तल्लोक्रमका ब्याटर मार्क आदिरले ३६ बलमा ४ चौका र ६ छक्कासहित सर्वाधिक ७२ रनको योगदान दिएपनि टोलीलाई जिताउन एकल प्रदर्शन प्रदर्शन पर्याप्त रहेन ।

उनी बाहेक अन्य कुनैपनि आइरिस ब्याटरले राम्रो प्रदर्शन गर्न सकेनन् । एन्डी बालबर्नी ४, कप्तान पल स्टर्लिङ २१, लोर्कान टकर डक, ह्यारी टेक्टर १, कर्टिस क्याम्फर २८, निल रक २० र जर्ज डोकरेल १७ रनमा आउट भए ।

स्कटल्यान्डका तीव्र गतिका बलर ब्राड्ली करीले ४ ओभरमा १ मेडनसहित १३ रन खर्चेर सर्वाधिक ५ विकेट लिए । माइकल लिस्कले ३ ओभरमा ३० रन खर्चेर २ विकेट लिए ।

त्यसअघि टस हारेर पहिला ब्याटिङको निम्तो पाएको स्कटल्यान्डले निर्धारित २० ओभरमा ६ विकेट गुमाउँदै २ सय १३ रन बनाएको थियो । स्कटल्यान्डका ब्रेन्डन म्याकमुलेनले ३५ बलमा ४ चौका र ५ छक्कासहित सर्वाधिक ६८ रनको योगदान दिए ।
कप्तान रिची बेरिंग्टन २९ बलमा ३ चौका र ४ छक्कासहित ५४, जर्ज मुन्शे २०, म्याथ्यु क्रस ३० र माइकल लिस्क २१ रनमा आउट भए ।

आयरल्यान्डका ब्यारी म्याकार्थी र बेन ह्वाइटले समान दुई विकेट लिए । स्कटल्यान्ड ६ खेलमा १२ अंकका साथ शीर्षस्थानमा रह्यो । आयरल्यान्ड ६ खेलमा ९ अंकका साथ दोस्रो स्थानमा रहेर विश्वकपमा पुगेको हो ।

स्कटल्यान्डका कप्तान रिची बेरिंग्टन प्लेयर अफ द टुनामेन्ट घोषित भए । उनले ५ खेलमा २ सय ४८ रन बनाएका थिए ।

प्रतियोगितामा आयरल्यान्ड, स्कटल्यान्ड, डेनमार्क, जमर्नी, जर्सी, इटाली र अष्ट्रिया थिए । नेपालले पनि आगमी नोभेम्बरमा एसिया कप विश्वकप छनोट आयोजना गर्नेछ ।

प्रतियोगितामा नेपाल, युएई, हङकङ, ओमान, बहराइन, सिंगापुर र एसिया क्षेत्र छनोट ए र बी बाट आउने दुई टोली हुनेछन् । एसिया विश्वकप छनोटबाट शीर्ष दुई टोली विश्वकपमा पुग्नेछन् ।

अव टि२० विश्वकप खेल्ने पाँच टोली टुङ्गो लाग्न बाँकी

May 27, 2024

वार्म अपमा नेपाल र क्यानाडा खेल्दै

ड्यालास (हाम्रो खेलकुद)– टि ट्वान्टी विश्व कप अघि नेपालले खेल्ने दुई मध्ये पहिलो वार्म अफ खेल आज खेल्दैछ । नेपालले पहिलो पटक टि ट्वान्टी विश्व कप खेल्ने तयारीमा रहेको क्यानाडासँग वार्म अप खेल खेल्दैछ । खेल ग्रान्ड प्रेरि मैदानमा स्थानिय समय अनुसार बिहान १०ः३० बजे (नेपाली समय अनुसार राति ९ः१५ बजे ) खेल सुरु हुनेछ […]

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

Success

Thank you for your time.