एजेन्सी – भारतका दुई प्रमुख मध्यक्रमका ब्याटर लोकेश राहुल र श्रेयस ऐरले एक महिनापछि श्रीलंका र पाकिस्तानमा हुने एसिया कप पनि खेल्न नसक्ने बुझिएको छ । चोटका कारण पछिल्लो समय टोली देखी बाहिर भएका राहुल र ऐर एसिया कपमा फिट नहुने बुझिएको छ ।

एसिया कप आगमी अगष्ट ३० देखी सेप्टेम्बर १७ सम्म पाकिस्तान र श्रीलंकामा हुनेछ । समूह ए मा नेपाल, भारत र पाकिस्तान छन् । समूह बी मा अफगानिस्तान, बंगलादेश र श्रीलंका छन् ।

यी दुई ब्याटर आगमी विश्वकपको लागि तयार हुने अनुमान गरिएको छ । सेप्टेम्बरमा अष्ट्रेलियासँग हुने तीन ओडिआई खेलको सिरिजबाट टोलीमा पूनरागमन गर्ने अनुमान गरिएको छ ।

भारतले एसिया कपमा आफ्नो पहिलो रोजाईका तीव्र गतिका बलर मोहम्मद शिराज, मोहम्मद शामी र जस्प्रित बुमराहलाई पठाउनेछ । यी तीन तीव्र गतिका बलरको भारतीय टोलीमा पूनरागमन हुनेछ ।

भारतले एसिया कपको अन्तिम तयारी अगष्ट २४ देखी २९ सम्म बेंगलोरमा गर्नेछ । ब्याटिङक्रम भने भारतको केहि अस्थिर भएको छ । वेस्टइन्डिजसँगको सिरिजमा ईशान किशन र शुभमन गिलले ओपनिङ गरेका थिए । किशन प्लेयर अफ द सिरिज चुनिएका थिए । रोहित टोलीमा फर्किदा ईशान र गिल मध्य एक ब्याटरले मध्यक्रममा खेल्नुपर्ने हुन्छ ।

भारतले एसिया कपको टोली यसै साता घोषणा गर्ने सम्भावना छ । भारतले सबै खेल श्रीलंकामा खेल्नेछ । भारतले पहिलो खेल अगष्ट २ मा पाकिस्तान र दोस्रो खेल अगष्ट ४ मा नेपालसँग खेल्नेछ । हरेक समूहका शीर्ष दुई टोली सुपर फोरमा पुग्नेछन् । सुपर फोरपछि शीर्ष दुई टोली फाइनल खेल्नेछन् । यो आगमी अक्टोबर नोभेम्बरमा भारतमा हुने एकदिवसीय विश्वकप अघि एसियाका टोलीको लागि विशेष तयारी समेत हो