10 months ago
August 3, 2023
एजेन्सी – वेस्टइन्डिजले पहिलो टि२० आई खेलमा भारतलाई १ सय ५० रनको मध्यम लक्ष्य दिएको छ। ब्रायन लारा क्रिकेट स्टेडियममा टस जितेर पहिला ब्याटिङ रोजेको वेस्टइन्डिजले निर्धारित २० ओभरमा ६ विकेट गुमाउँदै १ सय ४९ रन बनायो ।
वेस्टइन्डिजका कप्तान रोभम्यान पावेलले ३२ बलमा ३ चौका र ३ छक्कासहित सर्वाधिक ४८ रनको योगदान दिए । वेस्टइन्डिजको शीर्षक्रमका ब्याटरले पुन स्पिनर सामु संघर्ष गर्दै कमजोर प्रदर्शन गरेका थिए ।
ओपनर कायल मेयर्सलाई स्पिनर युजभेन्द्र चहलले १ रनमा एलबीडब्लू आउट गरे । उनले ७ बल खेलेका थिए । पहिलो विकेटका लागि मेयर्स र ब्रेन्डन किंगले ४.१ ओभरमा २९ रनको साझेदारी गरेका थिए ।
चहलले पाँचौं ओभरमा दुबै ओपनरलाई एलबीडब्लू आउट गरेका थिए । मेयर्स आउट भएको एक बलपछि किंग २८ रनमा आउट भए । उनले १९ बलमा ४ चौका र १ छक्का प्रहार गरे ।
स्पिनर कुलदीप यादवको बलमा जोनसन चाल्र्स ३ रनमा तिलक बर्माबाट क्याच आउट भए । निकोलस पुरन ३४ बलमा २ चौका र २ छक्कासहित ४१ रनमा क्याच आउट भए । पुरन कप्तान हार्दिक पान्ड्याको बलमा बर्माबाट क्याच आउट भएका थिए ।
रोमारियो शेफर्ड ४ र जेसन होल्डर ६ रनमा अविजित रहे । शिम्रन हेटमायर १२ बलमा १ चौकासहित १० रनमा आउट भए ।
भारतका युजभेन्द्र चहलले ३ ओभरमा २४ रन खर्चेर २ विकेट लिए । अर्शदीप सिंहले ४ ओभरमा ३१ रन खर्चेर २ विकेट लिए । हार्दिक र कुलदीप यादवले समान एक एक विकेट लिए ।
May 18, 2024
काठमाडौं (हाम्रो खेलकुद) – उपाधि विजेता नेपाल एपिएफ क्लबकी कप्तान तथा अल-राउण्डर सिता राना मगर ललितपुर मेयर्स टि-२० च्याम्पियनसिप २०२४ को उत्कृष्ट खेलाडी घोषित भएकी छन् । एपिएफले चौथो पटक उपाधि प्रतियोगितामा सिता अल-राउण्ड प्रदर्शनका साथ उत्कृष्ट खेलाडी घोषित भएकी हुन् । सिताले प्रतियोगितामा ५ खेलमा १४२ रन प्रहार गर्नुका साथै ४ विकेट समेत लिन […]
May 18, 2024
काठमाडौँ (हाम्रो खेलकुद) – नेपाल एपिएफ क्लब अपराजित रहँदै चौथो संस्करणको ललितपुर मेयर्स महिला टि-२० च्याम्पियनसिप २०८१ को उपाधि जितेको छ । शनिवार भएको फाइनलमा सुदुरपश्चिम प्रदेश माथि २ रनको रोमान्चक जित दर्ता गर्दै एपिएफले चौथो संस्करणमा चौथो पटक नै उपाधि जितेको हो । अन्तिम दुई ओभरमा २९ रन चाहिएको अवस्थामा सुदुरकी कविता जोशीले राजमती […]
May 17, 2024
काठमाडौं (हाम्रो खेलकुद) – सुदुरपश्चिम प्रदेश ललितपुर मेयर्स महिला टि-२० च्याम्पियनशिपको फाइनलमा प्रवेश गर्ने दोस्रो टोली बनेको छ । लिग चरणको अन्तिम खेलमा बागमती प्रदेश विरुद्ध १०९ रनको फराकिलो जित दर्ता गर्दै सुदुरपश्चिमले एपिएफ क्लब विरुद्धको उपाधि भिडन्त पक्का गरेको हो । सुदुरपश्चिमले दिएको १५८ रनको विशाल लक्ष्य पछ्याएको बागमती १६.१ ओभरमा ४८ रनमा समेटियो […]
