default_image

10 months ago

August 6, 2023

पारस बागमती प्रदेशको अध्यक्षमा लड्ने

3437 views

0 Bookmark

काठमाडौं (हाम्रो खेलकुद) – नेपाली क्रिकेट टोलीका पूर्वकप्तान पारस खड्काले नेपाल क्रिकेट संघ (क्यान) को आगमी चुनावमा बागमती प्रदेशको अध्यक्ष पदमा लड्ने भएका छन् । नेपालका सर्वाधिक सफल कप्तान पारसले हाम्रो खेलकुदसँग कुराकानीमा आफूले बागमती प्रदेशको चुनावमा लड्न तयारी गरिरहेको बताएका छन् ।

पारसले केन्द्रिय चुनावका लागि भने हालसम्म केहि नसोचेको र प्रदेशको चुनावपछि मात्रै त्यसतर्फ ध्यान दिने बताएका छन् । पारसले दुई वर्षअघि नेपाली क्रिकेट टोलीबाट सन्न्यास लिएका थिए । त्यसयता उनले क्यानमा आउने इच्छा रहेको बताएका थिए ।

क्यानको विधान अनुसार चुनावमा लड्न राष्ट्रिय क्रिकेट टोलीबाट खेल्न छाडेको दुई वर्ष पुगेको हुनुपर्छ । पारसले सन्न्यास लिएको तीन दिन अघि दुई वर्ष पूरा भएपछि उनलाई चुनावमा सहभागी हुने बाटो खुलेको हो । पारसले आफ्नो गृह जिल्ला काठमाडौं हुँदै बागमती प्रदेशको चुनाव लड्ने तयारी गरेका छन् ।

‘क्रिकेटमै काम गर्ने मेरो इच्छा हो । हालका लागि आफैंले खेलेको बागमती प्रदेशको अध्यक्षमा लड्ने तयारी गरिरहेको छु । केन्द्रिय चुनावबारे अहिले केही पनि सोच छैन । अहिलेलाई प्रदेशको चुनावको लागि तयारी गरिरहेको छु,’ नेपालका लागि अन्तर्राष्ट्रिय स्तरमा सर्वाधिक सफल कप्तान रहेका पारसले भने ।

क्यानले साउन मसान्तसम्म जिल्लाको चुनाव सक्नेछ । त्यसपछि भदौ दोस्रो साता प्रदेशको चुनाव हुनेछ । केन्द्रको चुनाव भने असोजमा हुनेछ । दुई वर्षअघि पारसले अप्रत्याशित सन्न्यास दिनुको मुख्य कारण नै क्यानमा आउनु थियो ।

बागमती प्रदेशमा क्यानको सदस्य मान्यता प्राप्त जिल्लामा मकवानपुर, चितवन, ललितपुर, भक्तपुर, काठमाडौं र नुवाकोट छन् । बागमती प्रदेशमा पारसविरुद्ध चितवन जिल्लाबाट उमेश पिया लड्ने चर्चा छ ।

क्यानको केन्द्रिय चुनावमा कुल ८६ भोट हुनेछ । क्यानको अध्यक्ष जित्न कुल ४४ भोट चाहिन्छ । ४५ जिल्लाबाट एक एक मतभार रहनेछ । प्रदेश चुनावबाट २४ मत, निर्णाक तथा स्कोर संघ र प्रशिक्षक संघबाट एक-एक मत हुनेछ । हालको कार्यसमितिबाट १७ सदस्य मत हुनेछ ।

May 24, 2024

बंगलादेशविरुद्ध अमेरिकाको लगातार दोस्रो जित

ह्युस्टन (हाम्रो खेलकुद) – बंगलादेशलाई लगातार दोस्रो खेलमा स्तब्ध पार्दै अमेरिकाले ३ खेलको टि ट्वान्टी शृंखला एक खेल अगावै जितेको छ । प्रेरी भ्यू क्रिकेट कम्प्लेक्समा बिहीबार भएको दोस्रो खेलमा अमेरिकाले बंगलादेशमाथि ६ रनको जित दर्ता गर्दै शृंखला कब्जा गरेको हो । अमेरिकाले दिएको १ सय ४५ रनको लक्ष्य पछ्याएको बंगलादेश ३ बल बाँकी छँदै […]

May 23, 2024

महिला क्रिकेटको प्रारम्भिक टोलीमा २८ खेलाडी

काठमाडौं (हाम्रो खेलकुद) – नेपाल क्रिकेट संघ (क्यान) एसीसी महिला एसिया कपका लागि प्रारम्भिक टोली घोषणा गरेको छ । क्यानले इन्दु वर्माको कप्तानीमा २८ जनालाई समेट्दै बुधबार नेपाली टोली घोषणा गरेको हो । ललितपुर मेयर्स कप खेलेका कोशी प्रदेशका बलर एलिसा खडिया, बागमती प्रदेशकी हेलिसा गुरुङ, सुदूरपश्चिमकी सावित्री धामी, एपीएफकी राजमती ऐरी पहिलो पटक राष्ट्रिय […]

May 23, 2024

सन्दीपलाई अमेरिकाको भिसा दिलाउन पहल सुरु

काठमाडौं (हाम्रो खेलकुद)- क्रिकेटर सन्दीप लामिछानेलाई‌ टि ट्वान्टी विश्वकपको लागि अमेरिकाको भिसा दिलाउन कुटनीतिक पहल हुने भएको छ।युवा तथा खेलकुद मन्त्रालयले परराष्ट्र मन्त्रालयमार्फत प्रक्रिया अघि बढाउने भएको हो । सन्दीपलाई बुधबार अन्तर्वार्तामा बोलाएर अमेरिकी दूतावासले भिसा अस्वीकार गरेको थियो । भिसा नदिइनुको स्पष्ट कारण खुलाइएको छैन । सन्दीपले सामाजिक सन्जालमा स्ट्याटस लेखेर आफूलाई भिसा दिन […]

Success

Thank you for your time.