2 years ago
August 7, 2023
काठमाडौं (हाम्रो खेलकुद) – नेपाली क्रिकेट टोलीका स्टार अलराउन्डर दीपेन्द्रसिंह ऐरी आफ्नो करिअरको पहिलो विदेशी लिगमै च्याम्पियन बनेका छन् । ग्लोबल टि२० क्यानडामा दीपेन्द्र सम्मिलित मोन्टरिएल टाइगर्सले सन्दीप लामिछाने सम्मिलित सर्रे जागुर्असलाई ५ विकेटले हराउँदै उपाधि जित्यो ।
दीपेन्द्रको यो करिअरको पहिलो विदेशी फ्रेन्चाइज लिग थियो । पहिलो फ्रेन्चाइज लिगमै दीपेन्द्र च्याम्पियन बन्न सफल भएका हुन् । प्रतियोगिताभर दीपेन्द्रले ब्याटिङ, बलिङ र फिल्डिङ तीनै क्षेत्रमा राम्रो प्रभाव छोड्न सफल भए ।
प्रतियोगितामा दीपेन्द्र टाइगर्सको लागि सर्वाधिक रन बनाउने ब्याटरमा तेस्रो नम्बरमा रहे । दीपेन्द्रले ६ इनिङमा १ सय ४३ बल खेल्दा १ सय ४० रन बनाए । उत्कृष्ट प्रदर्शन २८ रहँदा स्ट्राइकरेट १०२.१४ र कुल १२ चौका प्रहार गरे ।
दीपेन्द्रले खेलमा दुई विकेट लिएका थिए । तल्लोक्रममा ब्याटिङ गरेका दीपेन्द्र रन भन्दापनि साझेदारी निर्वाहमा बढी ध्यान दिएका थिए । फिल्डिङ भने दीपेन्द्रको त्यतिनै उत्कृष्ट रह्यो ।
उता सन्दीप लामिछानेले प्रतियोगितामा ८ खेलमा ११ विकेट लिए । उनी प्रतियोगितामा सर्वाधिक विकेट लिने खेलाडीमा चौथो नम्बरमा रहे । सर्रेका तीव्र गतिका बलर म्याथ्यु फर्ड र भ्यानकुभेर नाइट्सका जुनैद सिद्धिकले समान १५ विकेट लिए । नाइट्सका रुवेन ट्रम्पलम्यान १३ र ब्राम्पटन वल्भसका लोगेन भान बीक १२ विकेट लिएका थिए ।
नेपालबाट हालसम्म सन्दीप लामिछाने, कुशल मल्ल, पारस खड्का, करण केसी, सोमपाल कामी र दीपेन्द्रले विदेशी लिग खेलेका छन् । २०१९ मा ग्लोबल टि२० क्यानडामा तीब्र गतिका बलर सोमपाल कामीले पहिलो प्रतियोगितामै विनिपेग हक्सबाट प्रतिनिधित्व गर्दै उपाधि जितेका थिए ।
महिलातर्फ रुबिना क्षेत्री र सीता रानामगरले फेयर ब्रेक टि२० क्रिकेट प्रतियोगिता खेलेका छन् । सीता पनि गतवर्ष पहिलो सहभागीतामै टोर्नाडोसबाट खेल्दै च्याम्पियन बनेकी थिइन् ।
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
December 16, 2025
काठमाडौं (हाम्रो खेलकुद)- लिग चरणमा संघर्ष गर्दै अघि बढेको लुम्बिनी लायन्सलाई सुरुमा नेपाल प्रिमियर लिग (एनपिएल) को दाबेदारका रूपमा हेरिएको थिएन। लिग चरणका ४ खेल सकिँदा मात्र २ अंक जोड्न सकेको लुम्बिनीमाथि प्रश्नचिन्ह खडा भइसकेको थियो। तर पाँचौँ खेलबाट जितको लय समातेपछि लुम्बिनीले पछाडि फर्केर हेर्नु परेन। शनिवार क्रिकेट मैदानबाट टियु रंगशालामा रूपान्तरण गरिएको फ्लडलाइटमा […]
December 15, 2025
काठमाडौं (हाम्रो खेलकुद)- लगातार दोस्रो हारसँगै नेपाली युवा टोली युएईमा जारी एसिसी यु १९ एसिया कपबाट बाहिरिएको छ । समूह चरणको आफ्नो दोस्रो खेलमा नेपालले बंगलादेशसँग ७ विकेटले हार बेहोरेको थियो। समूह लगातार दुई खेल हारेको अफगानिस्तान पनि प्रतियोगिताबाट बाहिरिएको छ। बंगलादेशले र श्रीलंका दुवै टोलीले नेपाल र अफगानिस्तानलाई हराएका छन्। आज नेपालले दिएको १ […]
