काठमाडौं (हाम्रो खेलकुद) – वाई वाई ग्रेट हिमालय क्रिकेट एकेडेमी(जिएचसिए) ले सिन्धुपाल्चोक जिल्लाका दुई युवा क्रिकेटरलाई निशुल्क प्रशिक्षण दिने भएको छ । सिन्धुपाल्चोकका पाँचपोखरी थाङ्गपाल गाउँपालिका करण स्याङ्बो र मेलम्ची नगरपालिका १ का निश्चल थापालाई बानेश्वरको शान्तिनगरमा रहेको जिएचसिएले ६ महिना निशुल्क प्रशिक्षण दिने भएको छ ।

तदर्थ जिल्ला क्रिकेट संघको समन्वय र जिल्ला खेलकुद समितिको समन्वयमा स्याङ्बो र थापालाई ६ महिना निशुल्क प्रशिक्षण गराउने सम्झौता गरेको हो । तदर्थ जिल्ला कृकेट संघ अध्यक्ष विजयकुमार धितालले उक्त सम्झौता भएको जानकारी दिएका छन् ।

जिल्लाका अन्य स्थानीय तहहरुसँग पनि समन्वय भइरहेको छ । संघले जिल्लाका प्रतिभावान् खेलाडीहरुलाई देशका बिभिन्न क्लब तथा एकेडेमीहरु तथा भारतमा समेत प्रशिक्षणका लागी पठाउन सहयोग गर्नेछ, संघका उपाध्यक्ष राजन धितालले भने ।

कार्यक्रममा जिल्ला खेलकुद समिति कोअध्यक्ष सुरेश रानाले क्रिकेट संघले खेलाडी उत्पादन को लागि धेरै राम्रो शुरुवात गरेको र आउने दिनमा पनि खेलकुद विकास समितिले सहयोग र समन्वय गर्ने बताए ।

जिएचसिएका सञ्चालक सुदीप शर्माले नयाँ जिल्लाकोरुपमा सिन्धुपाल्चोकले काम गरेको हुँदा निशुल्क प्रशिक्षण दिएको बताए । ‘सिन्धुपाल्चोकले नयाँ जिल्लाको रुपमा लगातार क्रिकेट गराएको छ । हामीले सिन्धुपाल्चोकलाई सुरुवात देखीनै सुरुवात गरेका थियौं । आउने दिनमा पनि हाम्रो साथ सधैं रहनेछ’, सञ्चालक शर्माले भने ।

केहि महिना अघि युवा ब्याटिङ अलराउन्डर सार्थक धिताल र पासाङ दोर्जे तामाङलाई पाँचपोखरी थाङपाल गाउँपालिकाले आफ्नो खर्चमा भारतमा क्रिकेट अभ्यास गराउन पठाएको थियो ।