default_image

11 months ago

August 8, 2023

पिया चितवन क्रिकेट संघको अध्यक्षमा निर्वाचित

1305 views

0 Bookmark

राकेश तिमल्सिना, चितवन

चितवन जिल्ला क्रिकेट संघको मंगलबार भएको तेस्रो अधिवेशन तथा साधारण सभाबाट कार्यसमितिमा १५ जनाका लागि भएको निर्वाचनमा १४ जना संस्थापन पक्षबाट निर्वाचित भएका छन् ।

१ जना संस्थापनइतर पक्षबाट विजयी भएका छन् । संस्थापनइतर पक्षबाट राजु खड्कामात्रै कार्यसमिति सदस्य निर्वाचित हुँदा अध्यक्षसहित पदाधिकारी र सदस्यहरुमा संस्थापन पक्षले जित हासिल गरेको हो ।

संस्थापन पक्षबाट सुदीप पियाको प्यानल र संस्थापनइतर पक्षबाट मनीष सापकोटाको प्यानलबिच भएको रोमान्चक प्रतिस्पर्धामा भएको थियो । जसमा पिया अध्यक्षमा निर्वाचित भए । सापकोटाले २२ र पियाले २५ मत प्राप्त गरे । पिया अघिल्लो कार्यसमितिमा उपाध्यक्ष थिए ।

उपाध्यक्षमा उमेश पिया विजयी भए । उनले इशानसिंह बानियाँलाई पराजित गरे । पियाले २४ र बानियाँले २३ मत प्राप्त गरे । पिया निवर्तमान कार्यसमितिमा सचिव थिए । सचिव पदका लागि संस्थापन पक्षबाट सुरज ज्ञवाली विजयी भए । ज्ञवालीले २४ र इतरपक्षबाट अनिल अधिकारीले २३ मत प्राप्त गरे । पराजित अधिकारी बागमती प्रदेश क्रिकेट संघका कोषाध्यक्ष हुन् । ज्ञवाली यसअघि जिल्ला संघको सदस्य थिए ।

कोषाध्यक्षमा संस्थापन समुहबाट अर्जुन केसी विजयी भए । केसीले २४ र वचन कार्कीले २३ मत प्राप्त गरे । कार्यसमिति सदस्यका लागि १ महिलासहित ११ जनाका लागि भएको निर्वाचनमा संस्थापन पक्षबाट १० जना निर्वाचित भए ।

महिला सदस्यमा संस्थापन पक्षबाट आर्या अर्याल निर्वाचित भइन् । सदस्यहरुमा अरुण घले, प्रशान्तकुमार पिया, उत्सव श्रेष्ठ, जीवन गुप्ता, ध्रुव शर्मा, प्रितम पिया, विजय बोहोरा, भरतकाजी कुँवर, मेघनाथ उपाध्याय र राजु खड्का निर्वाचित भए ।

नेपाल क्रिकेट संघ (क्यान) को महाधिवेशन नजिकिदै गर्दा जिल्लाहरुको अधिवेशन भएको हो । प्रदेश हुँदै केन्द्रको निर्वाचत असोजका लागि तय छ ।

June 21, 2024

अष्ट्रेलियाको बंगलादेशविरुद्ध जित

एजेन्सी – आइसिसी टि-२० विश्वकप अन्तर्गत सुपर एट को आफ्नो पहिलो खेलमा अष्ट्रेलियाले बंगलादेश माथि जित हात पारेको छ । एन्टिग्वामा वर्षाले प्रभावित खेलमा अष्ट्रेलियाले डकवर्थ-लुइस पद्धति अनुसार २८ रनको जित हार पारेको थियो । बंगलादेशले दिएको १४० रनको लक्ष्य पछ्याउने क्रममा अष्ट्रेलिया ११.२ ओभरमा २ विकेटको क्षतिमा १०० रनको अवस्थामा हुँदा खेल वर्षाका कारण […]

June 21, 2024

भारतद्वारा अफगानिस्तान सहजै पराजित

एजेन्सी – आइसिसी टि-२० विश्वकप २०२४ अन्तर्गत सुपर एट चरणको आफ्नो पहिलो खेलमा भारतले अफगानिस्तान विरुद्ध सहज जित दर्ता गरेको छ । बार्बाडोसमा भएको खेलमा भारतले ४७ रनको फराकिलो अन्तरले जित हात पारेको हो । भारतले दिएको १ सय ८२ रनको लक्ष्य पछ्याउने क्रममा अफगानिस्तान अन्तिम ओभरमा अलआउट हुदै १ सय ३० रनमै रोकियो । […]

June 20, 2024

इङ्ल्यान्डको सुपर एटमा सानदार सुरुवात

एजेन्सी – इङ्ल्यान्डले आइसिसी टि-२० विश्वकपको सुपर एट चरणमा सानदार सुरुवात गरेको छ । इङ्ल्यान्डले बिहीबार बिहान भएको खेलमा घरेलु टोली वेस्ट इन्डिज माथि ८ विकेटको फराकिलो जित दर्ता गरेको हो । एक समय समूह चरणबाट बाहिरिने अवस्थामा रहेको इङ्ल्यान्डले वेस्ट इन्डिजले दिएको १८१ रनको विशाल लक्ष्य १५ बल बाँकी छँदै २ विकेट मात्र गुमाएर […]

Success

Thank you for your time.