12 months ago
August 12, 2023
काठमाडौं (हाम्रो खेलकुद) – नेपाली क्रिकेट टोलीका स्पिनर सन्दीप लामिछानेले एसिया कपमा नेपालले भारत र पाकिस्तानविरुद्ध एकदमै राम्रो गर्ने बताएका छन् । ग्लोबल टि२० क्यानडामा सानदार प्रदर्शन गरेर स्वदेश फर्किएपछि सन्दीपले उक्त प्रतिक्रिया दिएका हुन् ।
नेपालले एसिया कपमा अगष्ट ३० मा पाकिस्तान र सेप्टेम्बर ४ मा भारतसँग खेल्नेछ । नेपाली क्रिकेट इतिहासमा सबै भन्दामाथिल्लो स्तरको टोलीसँग खेल्नेछ । नेपालको प्रदर्शन कस्तो रहँदा धेरैको लागि कौतहलता छ । सन्दीपले एकदमै राम्रो गर्ने बताउँछन् ।
‘भारत र पाकिस्तानविरुद्ध खेल्दा हामीले एकदमै राम्रो गछौं । इमर्जिङ कपमा हामीले सोचे जस्तो खेल्न सकेनौं । राम्रो फिनिसिङ (अन्त्य) दिएका थियौं । पहिला देखीनै राम्रो फिनिसिङ पाई राखेका थियौं । शीर्षक्रमका ब्याटरले पनि जिम्मेवारी लिएर राम्रो गर्न सके पक्कैपनि हामी यो प्रतियोगिता राम्रो गर्न सक्छौं’, सन्दीपले भने ।
ग्लोबल टि२० क्यानडाको कारण सन्दीप इमर्जिङ कप भने खेलेका थिएनन् । सन्दीपले भारत र पाकिस्तानसँग खेल्दा दबाब नभएर ठूलो अवसर भएको बताउँछन् ।
‘यो दबाब भन्दा पनि राम्रो अवसर हो । म सबैजनालाई दबाब भन्दा पनि एउटा राम्रो अवसरको रुपमा लिन सुझाव दिन्छु । हामी सधैं भारत र पाकिस्तानसँग खेल्न पाउँदैनौं । हामीले विश्वकप छनोटमा जसरी एक खेलमा (जिम्बावे) विरुद्ध एकदमै राम्रो खेल्न पुगेका थियौं । एसिया कपमा पनि एउटा अर्को खेलको रुपमा लिएर हामीले सकेसम्म प्रयास गर्ने हो’, सन्दीपले भने ।
सन्दीपले एकदिनमा धेरै कुराहरु परिवर्तन गर्न नसक्ने बताए । ‘पक्कैपनि हामीले एकदिनमा धेरै कुरा परिवर्तन गर्न सक्दैनौं । राम्रो कुराहरुलाई लिएर हामी दैनिक प्रयास गयौं भने एक दिन नभएपनि एक वर्षमा हुनसक्छ’, उनले भने ।
सन्दीपले इन्डियन प्रिमियर लिग देखी बिग ब्यास लिगसम्म खेलेका छन् । सन्दीपसँग बाबर आजम, विराट कोहली जस्ता विश्वस्तरिय ब्याटरविरुद्ध खेलेको अनुभव छ । तर अन्य नेपाली खेलाडीमा त्यो अनुभव छैन । सन्दीप अन्य खेलाडीहरुले आफूलाई विश्वास गर्नुपर्ने बताउँछन् ।
‘मात्रै आत्माविश्वास हो । आफूसँग जे छ । हो वहाँहरु आफ्नो देशको शीर्ष खेलाडी हुनुन्छ । हामीपनि देशबाट राम्रो खेल्दै गएका छौं । आफ्नो क्षमता वहाँहरुको अगाडि लुकाएर राख्न भन्दा पनि देखाएर प्रस्तुत हुने हो । कुनैपनि यस्तो खेलमा कमजोर टोलीमाथि दबाब हुँदैन । हामीसँग धेरै अवसर छ आफ्नो कला देखाउने हो’, उनले भने ।
त्यसैमा थपे, ‘भोली फरक विदेशी लिगहरुको लागि पनि बाटो खुल्छ । हामीले वहाँबाट कसरी राम्रो टोलीहरुसँग खेल्न पाउने एउटा बाटो बन्छ । त्यसको लागि सामान्य छ । आत्माविश्वास गर्नुपर्छ र राम्रो क्रिकेट खेल्नुपर्छ’, उनले भने ।
सन्दीपको पूरा भिडियो :
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]