default_image

11 months ago

August 12, 2023

मकवानपुरमा क्यानका कार्यवाहक सचिवलाई कालोमोसो दल्ने प्रयास*

2213 views

0 Bookmark

हेटौंडा (हाम्रो खेलकुद) – नेपाल क्रिकेट संघ (क्यान) का कार्यवाहक सचिव दुर्गाराज पाठकलाई हेटौंडामा कालोमोसो दल्ने प्रयास भएको छ ।

जिल्ला क्रिकेट संघ मकवानपुरको आठौं साधारणसभा तथा चौथो जिल्ला अधिवेशनको उद्घाटनका लागि हेटौंडा आएका पाठकलाई शनिबार विहान अपरिचित युवाहरुले कालोमोसो फालेर फरार भएका हुन् । अधिवेशनमा उपस्थित एक प्रत्यक्षदर्शीले हाम्रो खेलकुदलाई घटनाका पुष्टि गरे ।

कार्यवाहक सचिव पाठकले आफूलाई पछाडीबाट मोबिल फ्याँकेर केही व्यक्ति भागेको बताए । ‘म केही साथिहरुसँग खाना खाने ठाउँमा थिएँ ‌। पछाडीबाट केही व्यक्ति आएर मोबिल फ्याँके । मेरो टोपी र कोटमा कालोमोसो लाग्यो, अन्य साथिहरुलाई पनि लाग्यो,’ उनले भने ।

प्रत्यक्षदर्शीका अनुसार हेटौंडास्थित एक होटलमा आयोजित अधिवेशनको उद्घाटन समारोहपश्चात खाना खाने समयमा उक्त घटना भएको हो । स्कुटर चढेर आएका तीन युवाको समूहले उनलाई लक्षित गर्दै कालोमोसो फालेका थिए ।

बागमती प्रदेश क्रिकेट संघका सचिव समेत रहेका पाठकले यस विषयमा जिल्ला प्रहरी कार्यालय मकवानपुरमा उजुरी दर्ता गराउने तयारी गरेका छन् । उनीसहितको टोली हाल प्रहरी कार्यालयमा रहेको छ ।

घटनापश्चात् वडा प्रहरी कार्यालय हेटौंडाबाट परिचालित भएका प्रहरी टोलीले घटनाको विवरण संकलन गरेको छ । प्रहरीले होटलमा रहेको सीसीटीभी क्यामेराको फुटेज संकलन गरेको छ भने फरार रहेका युवाहरुलाई समेत खोजी गरिरहेको छ ।

घटनाको कारण अधिवेशनको दोस्रो सत्र सुरु भएको छैन । दोस्रो सत्र सुरु हुने वा नहुने अन्यौलमा रहेको बुझिएको छ । जिल्ला समन्वय समिति मकवानपुर प्रमुख ललित घलानको प्रमुख आतिथ्यतामा भएको अधिवेशनमा संघ जिल्ला अध्यक्ष बासुलाल श्रेष्ठको सभाध्यक्षता रहेको थियो ।

क्यानको जिल्ला सदस्यहरुको अधिवेशन अन्तिम चरणमा पुग्दा प्रदेश चुनावको समिकरण पनि केही प्रष्ट हुँदै गइरहेको छ ।

*यसअघि कार्यवाहक सचिवसँग सम्पर्क हुन नसक्दा पछिल्लो अपडेटमा विस्तृत घटनाक्रम थपिएको छ । कालोमोसो दल्ने प्रयास हुनुपर्नेमा अन्यथा भएकोले सच्याइएको छ ।सम्पादक १:१९ बजे २७ श्रावण २०८० ।

June 25, 2024

अफगानिस्तान टि-ट्वान्टी विश्वकपको सेमिफाइनलमा

एजेन्सी – बंगलादेशलाई हराउँदै अफगानिस्तान पहिलो पटक आइसिसी टि-ट्वान्टी विश्वकपको सेमिफाइनलमा प्रवेश गरेको छ । वर्षाले प्रभावित भएको सोमबारको खेलमा अफगानिस्तानलाई डकवर्थ लुइसका आधारमा ८ रनले हराएको हो । अफगानिस्तान सेमिफाइनलमा पुग्दा अष्ट्रेलिया भने प्रतियोगिताबाट बाहिरिएको छ । अफगानिस्तान र भारतसँग पराजित अष्ट्रेलिया सुपर एट चरण बाट नै बाहिरिएको हो । समूह १ मा भारत […]

June 25, 2024

भारत सेमिफाइनलमा, अष्ट्रेलियाले अफगानिस्तानको नतिजा कुर्नुपर्ने

एजेन्सी – अष्ट्रेलिया माथि जित हात पर्दै भारत आइसिसी टि-ट्वान्टी विश्वकप २०२४ को सेमिफाइनलमा प्रवेश गरेको छ । सुपर एट चरणको आफ्नो अन्तिम खेलमा भारतले २४ रनको जित दर्ता गर्दै सेमिफाइनलमा स्थान पक्का गरेको हो । उता अष्ट्रेलियाले भने सेमिफाइनलमा पुग्नका लागि अफगानिस्तान र बंगलादेशबीचको खेलको नतिजामा भर पर्नुपर्ने भएको छ । समूह १ मा […]

June 24, 2024

वेस्ट इन्डिजलाई हराउँदै दक्षिण अफ्रिका सेमिफाइनलमा

एजेन्सी – वेस्ट इन्डिज माथि जित दर्ता गर्दै दक्षिण अफ्रिका आइसिसी टि-ट्वान्टी विश्वकप २०२४ को सेमिफाइनलमा प्रवेश गरेको छ । सुपर एट चरणको आफ्नो अन्तिम खेलमा सोमबार ३ विकेटको जित निकालेको दक्षिण अफ्रिका समूह विजेता बन्दै सेमिफाइनलमा प्रवेश गरेको हो । डकवर्थ लुइसका आधारमा १७ ओभरमा १ सय २३ रनको लक्ष्य दक्षिण अफ्रिकाले ५ बल […]

Success

Thank you for your time.