एजेन्सी – भारतीय युवा ब्याटर पृथ्वी शाले इंग्ल्यान्डको लिष्ट ए मान्यता प्राप्त घरेलु क्रिकेट प्रतियोगिता एकदिवसीय कपमा नर्थह्याम्प्टनशायरबाट धुरहमविरुद्ध सानदार शतक प्रहार गरेका छन् ।

शाको सानदार शतकमा नर्थह्याम्प्टनशायरले ६ विकेटको सहज जित हात पारेको छ । जितको लागि १ सय ९९ रनको मध्यम विजयी लक्ष्य पछ्याएको नर्थह्याम्प्टनशायरले २५.४ ओभरमा ४ विकेट गुमाउँदै पूरा गर्यो ।

पृथ्वी शाले ७६ बलमा १५ चौका र ७ छक्कासहित १ सय २५ रनको सानदार अविजित शतकीय इनिङ खेले । शाले चार दिन अघि मात्रै सोमर्सेटविरुद्ध पृथ्वी शाले १ सय ५३ बलमा २८ चौका र ११ छक्कासहित २ सय ४४ रनको सानदार दोहोरो शतकीय इनिङ खेलेका थिए । थियो त्यो शाको लिष्ट ए करिअरको उत्कृष्ट प्रदर्शन थियो ।

यसअघि शाले २०२१ मा विजय हजारे ट्रफीमा मुम्बईबाट १ सय ५२ बलमा ३१ चौका र ५ छक्कासहित २ सय २७ रनको अविजित दोहोरो शतकीय इनिङ खेलेका थिए । त्यो नै उनको लिष्ट ए करिअरको उच्च प्रदर्शन थियो ।

शा २०२१ श्रीलंका भ्रमणपछि भारतीय टोलीमा छैनन् । यस सिजनको इन्डियन प्रिमियर लिग (आइपिलए) मा दिल्ली क्यापिटल्सबाट सुरुवातमा राम्रो गर्न नसकेपछि बेन्चमा बस्नु परेको थियो ।

शाले भारतबाट ५ टेस्ट, ६ ओडिआई र १ टि२० आई खेल खेलेका छन् । भारतीय क्रिकेटमा मौका नपाउन नसकेपछि शा आफूलाई ब्यस्त राख्न इंग्ल्यान्डमा काउन्टी खेल्न गएका हुन् ।