default_image

10 months ago

August 15, 2023

स्टोक्सले विश्वकप खेल्ने!

1839 views

0 Bookmark

एजेन्सी – इंग्ल्यान्डका सुपरस्टार अलराउन्डर बेन स्टोक्सले आगमी अक्टोबर नोभेम्बमा भारतमा हुने एकदिवसीय विश्वकप खेल्ने भएका छन् । गतवर्ष जुलाईमा ओडिआई क्रिकेटबाट अप्रत्याशित रुपमा सन्न्यास लिएका बेन स्टोक्सले टोलीको आग्रहमा विश्वकपमा फर्किने भएका छन् ।

कप्तान जस बटलर र मुख्य प्रशिक्षक म्याथ्यु मटको स्टोक्सलाई विश्वकप खेल्न आग्रह गरेका थिए । इंग्ल्यान्ड क्रिकेट बोर्डले स्टोक्सले ओडिआई टोलीमा फर्किने आधिकारीक रुपमा जनाएको छैन । तर इंग्ल्यान्डको चर्चित मिडिया स्काइ स्पोर्ट्स लगायत अन्य सञ्चार माध्यमले स्टोक्स विश्वकपको लागि उपलब्ध हुने जनाएका छन् । स्टोक्स इंग्ल्यान्डको ब्याटरको रुपमा खेल्नेछन् । उनले बलिङ भने गर्ने छैनन् ।

इंग्ल्यान्डलाई २०१९ को एकदिवसीय विश्वकप उपाधि जिताउन स्टोक्स हिरो बनेका थिए । उनले फाइनलमा न्युजिल्यान्डविरुद्ध ८४ रन बनाउनुको साथै सुपर ओभरमा पनि सानदार प्रदर्शन गरेका थिए ।

स्टोक्सको सानदार प्रदर्शनको साथ पहिलो पटक इंग्ल्यान्डले एकदिवसीय विश्वकप उपाधि जितेको थियो । उक्त उपाधिलाई निरन्तरता दिन पनि इंग्ल्यान्डले स्टोक्सलाई टोलीमा फर्काउने निर्णय लिएको हो ।

स्टोक्स इंग्ल्यान्डका बिग म्याच प्लेयर हुन् । २०२२ को टि२० विश्वकपको फाइनलमा पाकिस्तानलाई हराउन स्टोक्सले ५२ रनको अविजित इनिङ खेलेका थिए । इंग्ल्यान्डको टेस्ट टोलीको कप्तानी गर्दै विश्वमा आफ्नो प्रभुत्व जमाउँदै आएका छन् ।

स्टोक्सको कप्तानीमा टेस्टलाई पनि इंग्ल्यान्डले आक्रामक शैलीमा खेल्दै विश्वमै सनसनी मच्चाउँदै आएको छ । स्टोक्सले प्रदर्शन पनि त्यतिनै सानदार छ । द एसेजमा सानदार प्रदर्शन पछि इंग्ल्यान्डले उनलाई विश्वकपमा ल्याउने निर्णय लिएको हो ।

टेस्ट क्रिकेटको कप्तानीमा ध्यान दिने र युवा खेलाडीलाई मौका दिने भन्दै गत वर्ष जुलाई १८ मा स्टोक्सले ३१ वर्षकै उमेरमा ओडिआईबाट अविश्वसनीय रुपमा सन्न्यास लिएका थिए ।

न्युजिल्यान्डमा जन्मिएर इंग्ल्यान्डबाट क्रिकेट खेलेका स्टोक्सले १ सय ४ ओडिआई खेलमा ३ शतक र २१ अर्धशतकसहित २ हजार ९ सय १९ रन बनाएका छन् । स्टोक्सले २०११ मा आयरल्यान्डविरुद्ध ओडिआईमा डेब्यू गरेका थिए ।

बायाँ हाते विष्फोटक ब्याटर स्टोक्सको आगमनले इंग्ल्यान्डको मध्यक्रम निकै मजबुत बन्नेछ । इंग्ल्यान्डले जोफ्रा आर्चर पनि विश्वकपमा फिट हुने आशा राखेको छ । इंग्ल्यान्ड उपाधि जित्ने टिम निर्माणमा लागेको छ ।

जोनी बेयरस्टो, जो रुट, जस बटलर र बेन स्टोक्स जस्ता अनुभवी ब्याटर टोलीमा हुँदा त्यो सम्भावना देखिन्छ । जोफ्रा आर्चर, मार्क वुड र क्रिस वोक्स जस्ता तीव्र गतिका बलर हुनेछन् । ह्यारी ब्रुक र साम करन जस्ता युवा खेलाडीले झनै मजबुत छ ।

स्टोक्सले २०२४ को आइपिएल भने खेल्ने सम्भावना कमछ । २०२३ को अक्सनमा चेन्नई सुपर किंग्सले स्टोक्सलाई १६ करोड २५ लाख भारुमा किनेको थियो । इंग्ल्यान्डले आगमी सेप्टेम्बर ८ देखी १६ सम्म घरेलु मैदानमा न्युजिल्यान्डसँग चार ओडिआई खेलको सिरिज खेल्नेछ ।

उक्त टोली इंग्ल्यान्डले बुधबार घोषणा गर्ने सम्भावना छ । त्यसपछि इंग्ल्यान्डले आयरल्यान्डसँग तीन ओडिआई खेलको सिरिज खेल्नेछ ।

विश्वकप आगमी अक्टोबर ५ देखी नोभेम्बर १९ सम्म भारतमा हुनेछ । इंग्ल्यान्डले पहिलो खेल अक्टोबर ५ मा न्युजिल्यान्डसँग खेल्नेछ । इंग्ल्यान्डलाई विश्वकप उपाधि दाबेदारको टोलीको रुपमा हेरिएको छ ।

June 19, 2024

दीपेन्द्र आइसिसी वरियतामा थप माथि उक्लिए

काठमाडौं (हाम्रो खेलकुद)- नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले विश्व वरियतामा अहिलेसम्मकै उच्च वरियतामा उक्लिएका छन् । अन्तराष्ट्रिय क्रिकेट परिषद (आइसीसी)ले हालै जारी गरेको टि‌ ट्वान्टी आईको अलराउन्डरतर्फको वरियतामा दीपेन्द्र छैटौं स्थानमा रहेका छन्। यस अघि उनी नवौं स्थानमा थिए। टि‌ ट्वान्टी आईको अलराउन्डरको शीर्ष स्थानमा अस्ट्रेलियाका मार्कस स्टोईनेस उक्लिएका छन् । श्रीलंकाका वानिन्दु […]

June 18, 2024

‘टिम हार्दा कीर्तिमान व्यर्थ लाग्यो’ – सन्दीप

सेन्ट भिन्सेन्ट (हाम्रो खेलकुद) – नेपाली राष्ट्रिय क्रिकेट टोलीका स्पिनर सन्दीप लामिछानेले आइसीसी टि२० विश्वकप अन्तर्गत आइतबार सम्पन्न खेलमा बंगलादेशविरुद्ध आफ्नो टि२०आई करिअरको १ सयौं विकेट लिए । सन्दीपले बंगलादेशविरुद्ध २ विकेट लिँदै करिअरमा १ सय विकेट पूरा गरे । उनले ५४ खेलमा यो उपलब्धि पूरा गरे । उनी ५३ खेलमा १ सय विकेट लिएका […]

June 18, 2024

फर्गुसनको अविश्वसनीय बलिङमा न्युजिल्यान्ड विजयी

एजेन्सी – तीव्र गतिका बलर लोकी फर्गुसनको सानदार बलिङ प्रदर्शनमा न्युजिल्यान्डले आइसीसी टि२० विश्वकप अन्तर्गत समूहको अन्तिम खेलमा पपुवा न्यु गिनीलाई पराजित गरेको छ । टस जितेर पहिलो फिल्ड गर्ने निर्णय लिएको न्युजिल्यान्डले पिएनजीलाई १९.४ ओभरमा ७८ रनमा अलआउट गर्यो । न्युजिल्यान्डका लागि फर्गुसनले ४ ओभरमा कुनै रन नखर्ची ३ विकेट लिएका थिए । उनी […]

Success

Thank you for your time.