काठमाडौं (हाम्रो खेलकुद) – नेपाली किकेटका सर्वाधिक सफल खेलाडी तथा कप्तान पारस खड्का नेपाल क्रिकेट संघ (क्यान) मा आउने बाटो खुलेको छ । काठमाडौं जिल्ला क्रिकेट संघबाट सर्वसम्मत रुपमा सदस्यमा निर्वाचित भएसँगै पारस केन्द्रमा आउने बाटो खुलेको हो ।

क्यानको विधान अनुसार कुनैपनि पदाधिकारी केन्द्रमा चुनाव लड्न जिल्लाबाट प्रतिनिधित्व गर्दै आउनु पर्ने हुन्छ । काठमाडौंको सदस्य बनेपछि त्यो बाटो खुलेको हो । अव पारस प्रदेश र केन्द्रको कुनैपनि पदमा लड्न पाउनेछन् ।

पारस अव बागमती प्रदेशको अध्यक्षमा लड्नेछन् । उक्त घोषणा पारसले केहि दिनमै पत्रकार सम्मेलन गर्दै घोषणा गर्नेछन् । बागमती प्रदेशमा कुल ३७ मतमार हुनेछ । बागमतीमा क्यानको सदस्यता मान्यता ६ जिल्ला (काठमाडौं, भक्तपुर, ललितपुर, चितवन, मकवानपुर र नुवाकोट छन् ) । यी ६ जिल्लाको चुनाव सम्पन्न भएको छ ।

हरेक जिल्लाबाट चार जना प्रतिनिधिले प्रदेशको चुनावमा भोट हाल्न पाउँछन् । बागमती प्रदेशको वर्तमान १३ सदस्य कार्यसमितिसँग पनि मतअधिकार हुनेछ । जिल्लाबाट आउने कुल २४ र वर्तमान प्रदेश कार्य समितिको १३ गरि कुल ३७ भोट हुनेछ । पारसले अध्यक्ष जित्न १९ भोट आवश्यक पर्दछ ।

६ जिल्लाको चुनाव सम्पन्न भएसँगै उनको सम्भावना पनि बढेको छ । पारससँग बागमती प्रदेशको अध्यक्षमा चितवनका उमेश पिया भिड्ने चर्चा छ । पारस क्यानको केन्द्रमा बागमतीको नतिजा पछि ध्यान दिने बताउँदै आएका छन् ।

पछिल्लो एक महिनादेखी चुनावी तयारीमा लागेका पारस अव चाहेको खण्डमा केन्द्रमा पनि लड्न सक्छन् । पारस अव काठमाडौंबाट प्रतिनिधित्व गर्दै बागमती र केन्द्रमा लड्नेछन् । केन्द्रमा भने कुल ८८ मतभार हुने गर्दछ ।

पारसले क्यान नेतृत्वमा आउनको लागि नै दुई वर्षअघि नेपाली क्रिकेट टोलीबाट सन्न्यास लिएका थिए । कुनैपनि राष्ट्रिय खेलाडीले क्यान नेतृत्वमा आउन सन्न्यास लिएको दुई वर्ष पुगेको हुनुपर्छ । पर्सा बाहेक अन्य ४४ जिल्लाको निर्वाचन सकिएको छ । अव प्रदेशको चुनाव हुनेछ । त्यसपछि असोज पहिलो साता क्यानको निर्वाचन हुनेछ ।

क्यानको चुनावमा को कस्ले भोट हाल्न पाउँछ पुरा जानकारी :