12 months ago
August 16, 2023
काठमाडौं (हाम्रो खेलकुद) – नेपाली क्रिकेट टोलीका कप्तान रोहित पौडेल एसिया कप २०२३ का सबैभन्दा कान्छा कप्तान हुने भएका छन् । आगमी अगष्ट ३० देखी सुरु हुने एसिया कपमा ६ टोलीको सहभागीता छ । नेपालले रोहित पौडेलको कप्तानीमा १७ सदस्य टोली घोषणा गरेको छ ।
प्रतियोगिता सुरु हुन दुई साता बाँकी रहँदा रोहित झन्डै २१ वर्ष (२० वर्ष ३ सय ४८) दिनका भएका छन् । नेपालका रोहितपछि पाकिस्तानका कप्तान बाबर आजम २८ वर्ष ३ सय ५ दिन र अफगानिस्तानका कप्तान हश्मातुल्लाह शाहिदी २८ वर्ष २ सय ८४ दिनका भएका छन् ।
भारतका कप्तान रोहित शर्मा ३६ वर्ष १ सय ८ दिन, श्रीलंकाका कप्तान दासुन शानका झण्डै ३२ वर्ष ( ३१ वर्ष ३ सय ४१ दिन) र बंगलादेशका कप्तान सकीब अल हसन ३६ वर्ष १ सय ४५ दिन छ ।
एसिया कपको लागि नेपाल, पाकिस्तान र बंगलादेशले अन्तिम टोली घोषणा गरेका छन् । भारत, श्रीलंका र अफगानिस्तानले टोली घोषणा गर्न बाँकी छ ।
एसिया कपको समूह ए मा नेपाल, भारत र पाकिस्तान छन् । समूह बी मा अफगानिस्तान, बंगगलादेश र श्रीलंका छन् । नेपालले गत वैशाखमा एसिसी प्रिमियर कपको उपाधि जित्दै एसिया कपमा स्थान बनाएको थियो । नेपालले ३० अगष्टमा पाकिस्तान र ४ सेप्टेम्बरमा भारतसँग खेल्नेछ ।
यदि शीर्ष समूह चरणमा शीर्ष दुईमा पर्न सके नेपाल सुपर फोर खेल्नेछ । नेपालले आफ्नो क्रिकेट इतिहासमा पहिलो पटक एसिया कप खेल्न लागेको हो ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]