9 months ago
August 17, 2023
एजेन्सी – घरेलु टोली संयुक्त अरव इमिरेट्स (युएई) ले पहिलो टि२० आई खेलमा आज न्युजिल्यान्डसँग खेल्दैछ । खेल साँझ ७ : ४५ मा दुबई इन्टरनेशल क्रिकेट स्टेडियममा सुरु हुनेछ । खेल तीन टि२० आई सिरिजको हुनेछ ।
युएई घरेलु मैदान र कन्डिसनको फाइदा उठाउन चाहन्छ । न्युजिल्यान्ड सहज जित हात पार्ने सोचमा हुनेछ । न्युजिल्यान्ड युएईको क्रिकेट विकासमा हातेमालो गर्न सिरिज खेल्न लागेको हो । युएईको मोहम्मद वासिम र न्युजिल्यान्डको टिम साउथीले कप्तानी गर्नेछन् ।
न्युजिल्यान्डले आफ्नो पहिलो रोजाईको टोली भने पठाएको छैन । पहिलो रोजाईबाट खेल्दै आएका टिम साउथी, मिचेल सान्टनार, जेम्श निसम र काइल जेमिसन छन् । स्टार अलराउन्डर जेमिसन चोटपछि लामो समयपछि टोलीमा फर्किएका छन् । टिम सिफर्ट, मार्क च्यापम्यान र विल योंग न्युजिल्यान्डका प्रमुख बलर हुन् ।
उता युएईमा मोहम्मद वासिम, वृत्य अरविन्द र आसिफ खान प्रमुख ब्याटर हुन् । ओडिआई क्रिकेटमा सानदार प्रदर्शन गर्दै आएका आसिफ खानको टि२० आईमा डेब्यू खेल हुनेछ ।
युएई बिना दबाब खुलेर खेल्न चाहन्छ । मध्यक्रम र तल्लोक्रम ब्याटिङ युएईको लागि ठूलो चिन्ताको विषय बन्दै आएको छ । अली नासिर, आयन खान र बासिल हामीद अलराउन्डरको रुपमा छन् । युएईले रोहन मुस्तफालाई टोलीबाट बाहिर राखेको छ ।
न्युजिल्यान्डको तीव्र गतिको बलमा साउथी, बेन लिस्टर, जाकोब डुफी र चाद बोवेस छन् । उता युएईमा मोहम्मद जवादुल्लाह, जहुर खान, अली नासिर र जुनैद सिद्दिक तीव्र गतिका बलरको रुपमा छन् । दोस्रो खेल खेल शनिबार र तेस्रो खेल आइतबार हुनेछ ।
युएईको टोली :
मोहम्मद वासिम (कप्तान), अली नासिर, अंश टन्डन, अर्यांश शर्मा, आसिफ खान, आयन खान, बासिल हामिद, एथान डि सोल्झा, मोहम्मद फराजुदीन, जेश जियानानी, जुनैद सिद्दिक, लवप्रीत सिंह, मोहम्मद जवादुल्लाह, सन्चित शर्मा, वृत्य अरविन्द र जहुर खान ।
न्युजिल्यान्डको टोली :
टिम साउथी (कप्तान), आदी अशोक, चाद बोवेस, मार्क च्यापम्यान, डेन क्लेभर, जाकोब डफी, डेन फक्सक्रोफ्ट, काइल जेमिसन, बेन लिस्टर, कोल म्याकोन्ची, जेमी निशम, रचिन रविन्द्र, मिचेल सान्टनार, टिम सिफर्ट र विल योंग ।
May 19, 2024
एजेन्सी – चेन्नाई सुपर किंग्सलाई पराजित गर्दै रोयल च्यालेनजर्स बेंगलूरु (आरसीबी) इंडियन प्रिमियर लिग (आईपिएल) को प्लेअफमा पुग्न सफल भएको छ । लिग चरणको आफ्नो अन्तिम खेलमा शनिबार चेन्नाई माथि २७ रनको जित दर्ता गर्दै आरसीबी प्लेअफका लागि छनोट भएको हो । पहिलो ८ खेलमा १ खेल मात्र जितेको आरसीबीले त्यसपछिका लगातार ६ खेल जित्दै […]
May 18, 2024
काठमाडौं (हाम्रो खेलकुद) – विश्वकप तयारीका लागि सेन्ट भिन्सेन्ट एण्ड द ग्रेनाडिन्स पुगेको नेपाली टोलीले विनवार्ड्स भोलक्यानोज विरुद्धको तेस्रो तथा अन्तिम अभ्यास खेलमा टस हारेको छ । घरेलु टोलीका कप्तानले टस जितेर ब्याटिङ गर्ने निर्णय गरेपछि नेपालले पहिला फिल्डिङ गर्ने भएको छ । नेपालले टोलीमा तीन परिवर्तन गरेको छ । पछिल्लो खेल खेलेका ललित राजवंशी, दीपेन्द्र […]
May 18, 2024
काठमाडौं (हाम्रो खेलकुद) – उपाधि विजेता नेपाल एपिएफ क्लबकी कप्तान तथा अल-राउण्डर सिता राना मगर ललितपुर मेयर्स टि-२० च्याम्पियनसिप २०२४ को उत्कृष्ट खेलाडी घोषित भएकी छन् । एपिएफले चौथो पटक उपाधि प्रतियोगितामा सिता अल-राउण्ड प्रदर्शनका साथ उत्कृष्ट खेलाडी घोषित भएकी हुन् । सिताले प्रतियोगितामा ५ खेलमा १४२ रन प्रहार गर्नुका साथै ४ विकेट समेत लिन […]