11 months ago
August 18, 2023
एजेन्सी – अष्ट्रेलियाका प्रमुख ब्याटर स्टिभ स्मिथ दक्षिण अफ्रिका भ्रमण गुमाउने भएका छन् । अघिल्लो महिना द एसेजको क्रममा हातको नाँडीमा चोट लागेको कारण स्मिथले दक्षिण अफ्रिका भ्रमण गुमाउने भएका छन् ।
तर स्मिथ भारतसँगको ओडिआई सिरिज र विश्वकपको लागि भने उपलब्ध हुने छन् । स्मिथ बाहिरिएपछि अष्ट्रेलियाले टि२० आईमा एश्टन टर्नर र ओडिआईमा मार्नस लाबुसेनलाई टोलीमा बोलाएको छ ।
लाबुसेनको लागि विश्वकपमा स्थान बनाउन यो अवसर महत्वपूर्ण हुनसक्छ । किनभने प्रारम्भिक विश्वकप टोलीमा लाबुसेन छैनन् । दक्षिण अफ्रिका भ्रमणमा सानदार प्रदर्शन गर्न सके छनोटकर्ताले विश्वकपमा उनलाई सोच्न सक्छन् ।
अष्ट्रेलियाले स्मिथलाई टि२० मा ओपनिङ गराउने तयारी गरेको थियो । अष्ट्रेलियाले दक्षिण अफ्रिका भ्रमणमा प्याट कमिन्स, मिचेल स्टार्क, जोश हेजलवुड, क्यामरन ग्रीन र डेविड वार्नरलाई विश्वकपलाई ध्यानमा राख्दै टि२० सिरिजमा विश्राम दिएको छ ।
एश्टन अगरले चोटका कारण दक्षिण अफ्रिका भ्रमण गुमाउने छन् । ग्लेन म्याक्सवेलले टि२० आई सिरिज खेल्नेछ । तर पाँच खेलको ओडिआई सिरिज भने पहिलो सन्तानको बुबा बन्न लागेपछि गुमाउने छन् । मिचेल मार्शले पहिलो पटक टि२० आईमा दक्षिण अफ्रिकामा कप्तानी गर्नेछन् ।
अष्ट्रेलियाले घरेलु टोली दक्षिण अफ्रिकासँग तीन टि२० आई खेलको सिरिज ३० अगष्ट, १ र ३ सेप्टेम्बरमा खेल्नेछ । त्यसपछि पाँच ओडिआई खेलको सिरिज हुनेछ । पाँच ओडिआई खेलको सिरिज ७, ९, १२, १५ र १७ सेप्टेम्बरमा खेल्नेछ ।
त्यसपछि अष्ट्रेलिया तीन ओडिआईको लागि भारतमा आउनेछ । विश्वकप ५ अक्टोबर देखी १९ नोभेम्बर सम्म हुनेछ । सर्वाधिक पाँच पटकको विश्वकप विजेता अष्ट्रेलिया उपाधिको प्रमुख दाबेदार हो ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]