default_image

10 months ago

August 18, 2023

‘सुरक्षाको कारण हामीले भारतलाई टियुमा बोलाउन सक्दैनौं’

9002 views

0 Bookmark

डिल्लीराज ओझा, धनगढी

नेपाल क्रिकेट संघ (क्यान) का अध्यक्ष चतुरबहादुर चन्दले सुरक्षाको कारण टियु क्रिकेट मैदानमा भारतलाई बोलाएर खेल्न नसक्ने अवस्था रहेको बताएका छन् । जिल्ला क्रिकेट संघ कैलालीको निर्वाचनको क्रममा चन्दले उक्त प्रतिक्रिया दिएका हुन् ।

‘हामी काठमाडौंको टियुमा पनि भारतलाई बोलाउन सक्दैनौं । किनभने त्यहाँ भीड व्यवस्थापन गर्न सकिदैन । युएई र स्कटल्यान्ड आउँदा त टियुमा नियन्त्रण गर्न नसक्ने भिड छ । श्रीलंका र बंगलादेश आउन तयार छन्, तर हामी भिड नियन्त्रण गर्न सक्दैनौं । तर हामी सबै नेपालीले सरकारलाई जिम्मेवारी गराउन आवश्यक छ । यो देशको राजनीतिक दलहरुले मात्रै गराउन सक्छन्’, चन्दले भने ।

चन्दले पछिल्लो समय विश्व क्रिकेटको नेपाललाई हेर्ने धारणा फेरिएको बताए । ‘सरकारले क्रिकेटमा स्टेडियम नबनाएर गल्ती गर्यो भन्नेहरु छन् । संसदहरु क्रिकेटमा किन पुर्वाधारहरु बनाउनु भएको छैन भनेर बोली राख्नु भएको छ । सुदूरपश्चिमा अहिले पनि स्तरिय स्टेडियम बन्न सकेको छैन । फाप्ला क्रिकेट मैदान बनाए सरकारले कैलाली क्रिकेट संघ वा प्रदेशलाई दियो भने त्यसको सम्पूर्ण खर्च आइसिसीले हेर्छ । १५ जना कर्माचारी राखेर विद्युत र पानी सबै गरेर खेल्न योग्य मैदान बनाउन एक करोड लाग्छ । त्यो रकम आइसिसी दिन तयार छ’, उनले भने ।

फाप्ला अन्तर्राष्ट्रिय क्रिकेट रंगशाला बन्न सक्ने उनले दाबी गरे । ‘फाप्ला अन्तर्राष्ट्रिय क्रिकेट रंगशाला बन्न सक्छ । किनभने हामीसँग उत्कृष्ट एरपोर्ट छ । ढिलो चाँडो यहाँका व्यवसाहिहरुले फाइभ स्टार होटल खोल्छन् । सुरक्षाको हामीसँग कुनै समस्या छैन । अन्तर्राष्ट्रिय एर्पोट, सुरक्षा र फाइभस्टार होटल भएमा अन्तर्राष्ट्रिय मैदान हुन्छ । भारत नेपाल आएर खेल्न राम्रो स्टेडियम र सुरक्षा खोजेको छ’, उनले भने ।

चन्द पुन अध्यक्षमा लड्ने मनासय बनाउँदै जिल्ला दौडमा छन् । पुन अध्यक्ष बने पुर्वाधार विकास पहिलो प्राथमिकतामा हुने दाबी पनि गरे ।

‘अवको कार्यकाल मैले नेतृत्व गर्ने अवसर पाएभने पुर्वाधार विकासमा केन्द्रित हुनेछ । आइसिसीले नेपाललाई यति धेरै विश्वास गरेको छ । पुर्वाधार छैन तर २०२७ को यू१९ महिला विश्वकप आयोजना गर्न दिएकोछ’, उनले भने ।

‘हामीले उत्कृष्ट आलोचना र प्रतिरक्षाको बाबजुद पछिल्लो समय नेपाली क्रिकेट स्वर्ण युगमा पुगेको छ । जिम्बावेमा भएको विश्वकप छनोट नेपालले खेलेको अहिले सम्मको ठूलो प्रतियोगिता हो । हामी यहि महिना भारत र पाकिस्तानसँग खेल्दै छौं । धेरै नेपालीको सपना भारत र पाकिस्तानसँग आधिकारीक रुपमै पुरा हुँदै ऐतिहासिक खेल खेल्नेछौं’, चन्दले एसिया कप बारे भने ।

‘यो अहिलेको कार्यकालमा क्रिकेटका म्यानेजमेन्ट र पदाधिकारीले केहि गरेनन् भन्ने कोहिबाट आउँछ भने त्यो मिथ्या हो । अहिलेको प्रशिक्षक मोन्टी देशाई नल्याएको भए र सन्दीप लामिछानेलाई खेल्नबाट बन्चित गरेको भए कुनैपनि हालतमा नेपाली क्रिकेटले यो उचाई लिने सम्भावना थिएन । ब्यक्ति नभएर राष्ट्रको लागि बोर्डले निर्णय लिएकै कारण नेपाली क्रिकेट यहाँसम्म पुगेको छ’, चन्दले भने ।

चन्दसहित क्यानका पदाधिकारी चुनावको दौडमा छन् । बिहीबार कैलालीको निर्वाचनसँगै सबै ४५ जिल्लाको चुनाव सम्पन्न भएको छ । अव आगमी तीन सातामा सातै प्रदेशको चुनाव हुनेछ । त्यसपछि असोज पहिलो साता क्यानको केन्द्रिय चुनाव हुनेछ । क्यान अध्यक्षमा रोशनसिंह र चन्द उठ्ने चर्चा चल्दै आएकोछ ।

June 16, 2024

अष्ट्रेलियाको जितसँगै इङ्ल्यान्ड सुपर ‘एट’मा

एजेन्सी – अष्ट्रेलियाले स्कटल्यान्डलाई हराएपछि इङ्ल्यान्ड आइसिसी टि-२० विश्वकपको सुपर ‘एट’ मा प्रवेश गरेको छ । आइतबार बिहान भएको खेलमा अष्ट्रेलियाले स्कटल्यान्ड माथि ५ विकेटको जित निकालेपछि इङ्ल्यान्ड नेट रन रेटका आधारमा स्कटल्यान्ड भन्दा अगाडि रहँदै अन्तिम आठमा पुग्ने पक्का भएको हो । गएराति अर्को खेलमा इङ्ल्यान्डले डकवर्थ लुइसका आधारमा नामिबियालाई ४१ रनले पराजित गरेको […]

June 15, 2024

१ रनले हारेसँगै नेपाल विश्वकपबाट बाहिरियो

किङ्गसटाउन (हाम्रो खेलकुद) – दक्षिण अफ्रिका विरुद्ध १ रनले पराजीत भएसँगै नेपाल आइसिसी टि-२० विश्वकपबाट बाहिरिएको छ । दक्षिण अफ्रिका विरुद्धको पहिलो भेटमा नेपाल १ रनको झिनो अन्तरले पराजित हुँदै विश्वकपबाट बाहिरिएको हो । दक्षिण अफ्रिकाले दिएको ११६ रनको मध्यम लक्ष्य पछ्याएको नेपालले ७ विकेटको क्षतिमा ११४ रन मात्र बनाउन सक्यो । अन्तिम दुई ओभरमा […]

June 15, 2024

नेपाललाई १ सय १६ रनको विजय लक्ष्य

किङ्गसटाउन (हाम्रो खेलकुद) – स्पिनरहरुको उत्कृष्ट बलिङ प्रदर्शन सहित नेपालले आइसिसी टि-२० विश्वकपमा दक्षिण अफ्रिकालाई मध्यम योगफलमा रोकेको छ । टस हारेर पहिला ब्याटिङ गरेको दक्षिण अफ्रिकाले निर्धारित २० ओभरमा ७ विकेटको क्षतिमा १ सय १५ रन बनायो । नेपालले पिचमा स्पिनका लागि सहायता भएका कारण चार स्पिनर प्रयोग गर्दै दक्षिण अफ्रिकालाई दबाबमा राखेको थियो […]

Success

Thank you for your time.