default_image

9 months ago

August 20, 2023

कालिसको उत्कृष्ट ब्याटिङ

1502 views

0 Bookmark

एजेन्सी – दक्षिण अफ्रिका तथा विश्व क्रिकेटकै महान् अलराउन्डर ज्याक्स कालिसले ४८ वर्षको उमेरमा पनि उत्कृष्ट ब्याटिङ प्रदर्शन गरेका छन् । अमेरिकामा जारी युएस मास्टर्स टि टेन प्रतियोगितामा क्यालिफोर्निया नाइट्सलाई टेक्सास चाजर्सविरुद्ध ७ विकेटको जित दिलाउन उनले उत्कृष्ट ब्याटिङ गरेका हुन् ।

टस जितेर पहिला ब्याटिङ रोजेको नाइट्सले निर्धारित १० ओभरमा १ विकेट गुमाउँदै १ सय ५८ रन बनायो । ज्याक्स कालिस ३१ बलमा ८ चौका र ३ छक्कासहित ६४ रनमा नटआउट रहे । मिलिन्द कुमार २८ बलमा ७ चौका र ६ छक्कासहित ७६ रनमा नट आउट रहे ।

पहिलो ओभरको दोस्रो बलमै तीव्र गतिका बलर फिर्डेल एडवार्ड्सले आरोन फिन्चलाई शून्यमा आउट गरेका थिए । त्यसपछि कालिस र कुमारले पुरै इनिङ खेलेका थिए ।

जितका लागि १ सय ५९ रनको विजयी लक्ष्य पछ्याएको चार्जसले निर्धारित १० ओभरमा ८ विकेट गुमाउँदै १ सय १० रन बनायो । मुख्तर अहमदले १० ओभरमा १ चौका र ४ छक्कासहित ३३, मोहम्मद हफिज २, बेन डक १८ र उपुल थरंगा २७ रनमा आउट भए । नाइट्सका असेला नर्सले २ ओभरमा १२ रन खर्चेर ३ विकेट लिए ।

कालिस विश्व क्रिकेटकै महान् अलराउन्डर हुन् । उनले १ सय ६६ टेस्ट खेलमा ४५ शतक र ५८ अर्धशतकका साथ १३ हजार २ सय ८९ रन बनाएका थिए । उनले टेस्टमा २ सय ९२ विकेट लिएका थिए ।

त्यस्तै ओडिआईमा ३ सय २८ खेलमा १७ शतक र ८६ अर्धशतकसहित ११ हजार ५ सय ७९ रन बनाएका थिए । उनले ओडिआईमा २ सय ७३ विकेट लिएका थिए ।

२५ टि२० आई खेलमा ६ सय ६६ रन बनाउनुको साथै १२ विकेट लिएका छन् । विश्व क्रिकेटमा आक्रामक क्रिकेटको सुरुवात गराउन कासिलको योगदान निकै महत्वपूर्ण मानिन्छ ।

May 19, 2024

नेपाली टोली तेस्रो अभ्यास खेलमा पराजित

एजेन्सी – टि ट्वान्टी विश्वकपको तयारीका लागि वेस्ट इन्डिजमा रहेको नेपाली क्रिकेट टोली तेस्रो खेलमा शनिबार पराजित भएको छ। सुरुवाती २ खेलमा विजयी हुँदै श्रृंखला जितिसकेको नेपालले विनवार्ड्स भोलक्यानोजसँगको‌ तेस्रो खेलमा ७४ रनको हार बेहोरेको हो । २ सय ६ रनको लक्ष्य पछ्याएको नेपालले १७.२ ओभरमा अलआउट हुँदै जम्मा १ रनमा ३८ रन सिमित भयो […]

May 19, 2024

चेन्नाईलाई हराउँदै आरसीबी प्लेअफमा

एजेन्सी – चेन्नाई सुपर किंग्सलाई पराजित गर्दै रोयल च्यालेनजर्स बेंगलूरु (आरसीबी) इंडियन प्रिमियर लिग (आईपिएल) को प्लेअफमा पुग्न सफल भएको छ । लिग चरणको आफ्नो अन्तिम खेलमा शनिबार चेन्नाई माथि २७ रनको जित दर्ता गर्दै आरसीबी प्लेअफका लागि छनोट भएको हो । पहिलो ८ खेलमा १ खेल मात्र जितेको आरसीबीले त्यसपछिका लगातार ६ खेल जित्दै […]

May 18, 2024

तेस्रो अभ्यास खेलमा नेपाल टस हारेर फिल्डिङ गर्दै

काठमाडौं (हाम्रो खेलकुद) – विश्वकप तयारीका लागि सेन्ट भिन्सेन्ट एण्ड द ग्रेनाडिन्स पुगेको नेपाली टोलीले विनवार्ड्स भोलक्यानोज विरुद्धको तेस्रो तथा अन्तिम अभ्यास खेलमा टस हारेको छ । घरेलु टोलीका कप्तानले टस जितेर ब्याटिङ गर्ने निर्णय गरेपछि नेपालले पहिला फिल्डिङ गर्ने भएको छ । नेपालले टोलीमा तीन परिवर्तन गरेको छ । पछिल्लो खेल खेलेका ललित राजवंशी, दीपेन्द्र […]

Success

Thank you for your time.