default_image

11 months ago

August 20, 2023

भारतलाई एक खेल अगावै सिरिज

2177 views

0 Bookmark

एजेन्सी – भारतले दोस्रो टि२० आई खेलमा आयरल्यान्डलाई ३३ रनले हराउँदै एक खेल अगावै सिरिज जितेको छ । तीन खेलको सिरिजमा भारतले २–० को अग्रता लिएको छ ।

जितको लागि १ सय ८६ रनको विजयी लक्ष्य पछ्याएको आयरल्यान्डले निर्धारित २० ओभरमा ८ विकेट गुमाउँदै १ सय ५२ रन बनायो । आयरल्यान्डका ओपनर एन्ड्रयू बालबर्नीले ५१ बलमा ५ चौका र ४ छक्कासहित सर्वाधिक ७२ रनको योगदान दिए । मार्क आदिरले १५ बलमा ३ छक्कासहित २३ रनमा आउट भए ।

ओपनर पल स्टर्लिङ र लोर्कान टकर तीव्र गतिका बलर अर्शदीप सिंहको तेस्रो ओभरमै शून्यमा आउट भएका थिए । ह्यारी टेक्टर ७ रनमा रवि विश्रोईको बलमा बोल्ड भए । कर्टिस क्याम्फर १८, जर्ज डोकरेल १३ र ब्यारी म्याकार्थी २ रनमा आउट भए ।

भारतका प्रसिद्ध कृष्णाले ४ ओभरमा २९ रन खर्चेर २ विकेट लिए । रवि विश्रोईले ४ ओभरमा २९ रन खर्चेर २ विकेट लिए । जस्प्रित बुमराहले ४ ओभरमा १ मेडनसहित १५ रन खर्चेर २ विकेट लिए । अर्शदीप सिंहको नाममा एक विकेट रह्यो ।

त्यसअघि टस हारेर पहिला ब्याटिङको निम्तो पाएको भारतले निर्धारित २० ओभरमा ५ विकेट गुमाउँदै १ सय ८५ रन बनाएको थियो ।

भारतको जितमा ओपनर ऋतुराज गायकवाडले ४३ बलमा ६ चौका र १ छक्कासहित सर्वाधिक ५८ रनको योगदान दिए । ओपनर यशस्वी जैसवाल ११ बलमा २ चौक र १ छक्कासहित १८ र तिलक बर्मा १ रनमा आउट भए ।

सन्जु स्यामसन २६ बलमा ५ चौका र १ छक्कासहित ४० रनमा बेन्जामेन ह्वाइटको बलमा बोल्ड आउट भए । रिंकु सिंहले तल्लोक्रममा २१ बलमा २ चौका र ३ छक्कासहित ३८ रन बनाए । शिवम दुबे १६ बलमा २ छक्कासहित २२ रनमा नट आउट रहे ।
आयरल्यान्डका ब्यारी म्याकार्थीले ४ ओभरमा ३६ रन खर्चेर २ विकेट लिए । मार्क आदिर, क्रेग योंग र बेन्जामिन ह्वाइटले एक एक विकेट लिए । पहिलो खेलमा भारत डकवर्थ लेविस पद्धतिको आधारमा दुई रनले विजयी भएको थियो । तेस्रो तथा अन्तिम खेल बुधबार हुनेछ ।

July 14, 2024

भारतद्वारा जित सहित जिम्बाब्वे भ्रमण अन्त्य

एजेन्सी – लगातार चौथो जित सहित भारतले विश्वकप पछिको पहिलो भ्रमण अन्त्य गरेको छ । पाँच खेलको टि-ट्वान्टी शृंखलाको अन्तिम खेलमा ४२ रनले जिम्बाब्वेलाई हराउँदै ४-१ ले जितेको हो । आईतवार भारतले दिएको १६८ रनको लक्ष्य पछ्याएको जिम्बाब्वे १८.३ ओभरमा १२५ रनमा समेटियो । जिम्बाब्वेका लागि डिअन मायर्सले सर्वाधिक ३४ रन बनाए । मारुमानीले र […]

July 13, 2024

सिन्धुपाल्चोकमा क्रिकेट प्रशिक्षक प्रशिक्षण

सिन्धुपाल्चोक (हाम्रो खेलकुद)- सिन्धुपाल्चोकका सामुदायिक तथा संस्थागत विधालयका खेल शिक्षकका लागि विद्यालय क्रिकेट प्रशिक्षक प्रशिक्षण तथा अनुशिक्षण कार्यक्रम सम्पन्न भएको छ। सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रिकेट एकेडेमीको समन्वयमा प्रशिक्षण भएको थियो। ग्रस रुट क्रिकेट विकासको पहिलो खुड्किला विद्यालय बाट नै क्रिकेटको सुरूवात गर्नुपर्ने र शिक्षकले त्यसमा महत्वपूर्ण भुमिका रहने भएकोले प्रशिक्षण […]

July 13, 2024

भारतलाई एक खेल अगावै श्रृंखला

एजेन्सी – लगातार तेस्रो खेलमा सफलता निकालेको भारतीय क्रिकेट टोलीले जिम्बाब्वे विरुद्धको टि-ट्वान्टी श्रृंखला एक खेल अगावै जितेको छ । पहिलो खेलमा हार बेहोरेको भारतले लगातार तीन खेल जित्दै शृंखला ३-१ ले जितेको हो । हरारेमा शनिबार भएको चौथो खेलमा भारतले घरेलु टोलीलाई १० विकेटले पराजित गरेको हो । १ सय ५३ रनको लक्ष्य भारतले […]

Success

Thank you for your time.