default_image

9 months ago

August 21, 2023

न्युजिल्यान्डलाई सिरिज उपाधि, च्यापम्यान सर्वोत्कृष्ट

1752 views

0 Bookmark

एजेन्सी – न्युजिल्यान्डले तेस्रो तथा निर्णायक टि२० आई खेलमा घरेलु टोली युएईलाई ३२ रनले हराउँदै सिरिज उपाधि जितेको छ । तीन खेलको सिरिज न्युजिल्यान्डले २–१ ले जितेको हो ।

जितको लागि १ सय ६७ रनको मध्यम विजयी लक्ष्य पछ्याएको युएईले निर्धारित २० ओभरमा ७ विकेट गुमाउँदै १ सय ३४ रन बनाएको थियो । युएईका आयन खानले ३६ बलमा ४ चौका र १ छक्कासहित सर्वाधिक ४२ रन बनाए ।

बासिल हामिद २८ बलमा २ चौका र १ छक्कासहित २४ रनमा अविजित रहे । ओपनर अर्यांश शर्मा १६, मोहम्मद वासिम ८, वृत्य अरविन्द १२ र आसिफ खान ११ रनमा आउट भए ।

न्युजिल्यान्डका तीव्र गतिका बलर बेन लिस्टरले ४ ओभरमा ३५ रन खर्चेर ३ विकेट लिए । काइल जेमिसन, मिचेल सान्टनार र आदित्य अशोकले समान एक विकेट लिए ।

त्यसअघि दुबई इन्टरनेशल क्रिकेट स्टेडियममा टस हारेर पहिला ब्याटिङको निम्तो पाएको न्युजिल्यान्डले निर्धारित २० ओभरमा ५ विकेट गुमाउँदै १ सय ६६ रन बनाएको थियो ।

न्युजिल्यान्डका विल योंगले ४६ बलमा ७ चौका र १ छक्कासहित सर्वाधिक ५६ रन बनाए । मार्क च्यापम्यान ३२ बलमा ५ चौका र २ छक्कासहित ५१ रनमा आउट भए । तीन खेलमा १ सय २९ रन बनाएका च्यापम्यान नै सिरिजका सर्वोत्कृष्ट खेलाडी चुनिए । मिचेल सान्टनार २०, डेन फक्सक्रोफ्ट १०, टिम सिफर्ट १३ र चाद बोवेस ९ रनमा आउट भए ।

युएईका तीव्र गतिका बलर जुनैद सिद्दिकले ४ ओभरमा २६ रन खर्चेर ३ विकेट लिए । मोहम्मद जवादुल्लाह र जहुर खानले समान एक विकेट लिए ।

न्युजिल्यान्ड पहिलो खेलमा १९ रनले विजयी भएको थियो । दोस्रो खेलमा भने न्युजिल्यान्ड ७ विकेटले पराजित हुँदै स्तब्ध भएको थियो । युएईले आफ्नो इतिहासमा पहिलो पटक न्युजिल्यान्डलाई हराएको थियो । न्युजिल्यान्डले आफ्नो इतिहासमा पहिलो पटक एसोसिएट टोलीसँग हार्न पुगेको थियो ।

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

May 26, 2024

ह्युस्टनसँग चलेन नेपालको ब्याटिङ

ह्युस्टन (हाम्रो खेलकुद)- नेपाली क्रिकेट टोलीले दोस्रो टि ट्वान्टी अभ्यास खेलमा ह्युस्टन हरिकेन्सलाई १ सय २४ रनको मध्यम लक्ष्य दिएको छ । प्रेरी भ्यू कम्प्लेक्स ह्युस्टनमा टस जितेर पहिला ब्याटिङ रोजेको नेपालले २० ओभरमा ६ विकेट गुमाउँदै १ सय २३ रन बनाएको थियो । नेपालका कप्तान रोहित पौडेलले ४० बलमा १ चौकासहित सर्वाधिक ३७ रन […]

Success

Thank you for your time.