काठमाडौं (हाम्रो खेलकुद) – नेपालले चार देश सम्मिलित महिला टि२० आई खेलमा हङकङविरुद्ध राम्रो बलिङ प्रदर्शन गरेको छ । मलेसियाको बायोमास ओभलमा टस हारेको हङकङले ५ ओभरमा २ विकेट गुमाउँदै १३ रन बनाएकोछ ।

सिंह यान चान १० बलमा १ रनमा क्रिजमा छिन् । का यिग चान ३ बल खेल्दा खाता खोल्न सकेकी छैनिन् । नेपाललाई तेस्रो ओभरको पहिलो बलमै तीव्र गतिकी बलर कविता कुँवरले ओपनर तथा प्रमुख ब्याटर मारिको हिललाई ६ रनमा सीता रानामगरबाट क्याच गराउँदै महत्वपूर्ण सफता दिलाइन् ।

डेब्यू खेल खेलेकी तीव्र गतिकी बलर पुजा महतोले चौथो ओभरको तेस्रो बलमा अर्की ओपनर यासमिन दासवानीलाई ६ रनमा बोल्ड आउट गरिन् ।

पुजा महतोले २ ओभरमा १ मेडनसहित २ रन खर्चेर १ विकेट लिएकी छिन् । कविता कुँवरले ३ ओभरमा १ मेडनसहित ११ रन खर्चेर १ विकेट लिएकी छिन् । नेपालले आजको खेलमा युवा अलराउन्डर पुजा महतोलाई डेब्यू दिएको छ । उनी तीव्र गतिसँगै शीर्षक्रममा ब्याटिङ गर्ने गर्दछिन् । भारतको दिल्लीमा क्रिकेट सिकेकी उनी घरेलु क्रिकेट नखेलेपनि ठूलो आशा राखिएको छ । उनले ओपनिङ वा तेस्रो नम्बरमा ब्याटिङ गर्नेछिन् ।

आइसिसी महिला टि२० विश्वकप एसिया क्षेत्र छनोट अघि नेपाल, मलेसिया, हङकङ र कुवेतले चार देश सम्मिलित टि२० आई सिरिज खेल्नेछन् ।

नेपालको प्लेइङ ११ :

रुविना क्षेत्री (कप्तान), सीता रानामगर, इन्दु बर्मा, विन्दु रावल, कविता कुँवर, कविता जोशी, पुजा महतो, सम्झना खड्का, काजोल श्रेष्ठ, अप्सरी बेगम र अश्मिना कर्माचार्य