9 months ago
August 22, 2023
काठमाडौं (हाम्रो खेलकुद)– नेपालकी सर्वाधिक अनुभवी अलराउन्डर सीता रानामगरले सानदार प्रदर्शन गर्दै पाँच विकेट लिएपछि चार देश सम्मिलित महिला टि२० आई खेलमा हङकङले नेपाललाई ८५ रनको सामान्य लक्ष्य दिएको छ ।
मलेसियाको बायोमास ओभलमा टस हारेर पहिला ब्याटिङको निम्तो पाएको हङकङ १९.१ ओभरमा ८४ रनमा अल आउट भयो । हङकङलाई सस्तैमा रोक्न स्पिनर सीता रानामगरले ४ ओभरमा १६ रन खर्चेर ५ विकेट लिइन् ।
यो उनको महिला टि२० आई करिअरको उत्कृष्ट प्रदर्शन हो । सीता नेपाली महिला टि२० आई क्रिकेटमा पाँच विकेट लिने चौथो बलर हुन् । यसअघि २०१९ मा अन्जली चन्दले माल्दिभ्स र नेरी थापाले हङकङविरुद्ध ६-६ विकेट लिएका थिए । गतवर्ष अस्मिना कर्माचार्यले युएईविरुद्ध पाँच विकेट लिएकी थिइन् ।
हङकङको लागि का यिंग चानले २९ बलमा २ चौका र १ छक्कासहित सर्वाधिक ३४ रन बनाइन् । सीताले १३ औं ओभरको चौथो बलमा सिंह यान डोरोथेआ चानलाई १३ रनमा कविता कुँवरबाट क्याच गराउँदै नेपाललाई खेलमा फर्काएकी थिइन् । एक समय ३।३ ओभरमा १३-२ को अवस्थामा पुगेको हङकङलाई सिंह यान र का यिंग चानले तेस्रो विकेटका लागि ४२ रनको साझेदारी गरेका थिए ।
तर सीताले उक्त साझेदारी तोडेपछि नेपाल खेलमा हाबी बनेको थियो । एक समय १२.३ ओभरमा ५५-२ को अवस्थामा रहेको हङकङलाई उनले आफ्नो अनुभव र स्पिन दुबैले धरासयी बनाएकी थिइन् ।
कविता कुँवरले ४ ओभरमा १ मेडनसहित १८ रन खर्चेर १ विकेट लिइन् । डेब्यू खेल खेलेकी पुजा महतोले ३ ओभरमा ५ रन खर्चेर १ विकेट लिइन् । इन्दु बर्माले २.१ ओभरमा ४ रन खर्चेर २ विकेट लिइन् । कप्तान रुविना क्षेत्री बेलबासेले २ ओभरमा १५ रन खर्चेर १ विकेट लिइन् ।
May 19, 2024
एजेन्सी – चेन्नाई सुपर किंग्सलाई पराजित गर्दै रोयल च्यालेनजर्स बेंगलूरु (आरसीबी) इंडियन प्रिमियर लिग (आईपिएल) को प्लेअफमा पुग्न सफल भएको छ । लिग चरणको आफ्नो अन्तिम खेलमा शनिबार चेन्नाई माथि २७ रनको जित दर्ता गर्दै आरसीबी प्लेअफका लागि छनोट भएको हो । पहिलो ८ खेलमा १ खेल मात्र जितेको आरसीबीले त्यसपछिका लगातार ६ खेल जित्दै […]
May 18, 2024
काठमाडौं (हाम्रो खेलकुद) – विश्वकप तयारीका लागि सेन्ट भिन्सेन्ट एण्ड द ग्रेनाडिन्स पुगेको नेपाली टोलीले विनवार्ड्स भोलक्यानोज विरुद्धको तेस्रो तथा अन्तिम अभ्यास खेलमा टस हारेको छ । घरेलु टोलीका कप्तानले टस जितेर ब्याटिङ गर्ने निर्णय गरेपछि नेपालले पहिला फिल्डिङ गर्ने भएको छ । नेपालले टोलीमा तीन परिवर्तन गरेको छ । पछिल्लो खेल खेलेका ललित राजवंशी, दीपेन्द्र […]
May 18, 2024
काठमाडौं (हाम्रो खेलकुद) – उपाधि विजेता नेपाल एपिएफ क्लबकी कप्तान तथा अल-राउण्डर सिता राना मगर ललितपुर मेयर्स टि-२० च्याम्पियनसिप २०२४ को उत्कृष्ट खेलाडी घोषित भएकी छन् । एपिएफले चौथो पटक उपाधि प्रतियोगितामा सिता अल-राउण्ड प्रदर्शनका साथ उत्कृष्ट खेलाडी घोषित भएकी हुन् । सिताले प्रतियोगितामा ५ खेलमा १४२ रन प्रहार गर्नुका साथै ४ विकेट समेत लिन […]