11 months ago
August 23, 2023
काठमाडौं (हाम्रो खेलकुद) – नेपालले चार देश सम्मिलित महिला टि२० आई सिरिज अन्तर्गत दोस्रो खेलमा आज कुवेतसँग खेल्दैछ । खेल नेपाली समय अनुसार मध्याहन्न ११ : ४५ मा मलेसियाको बायोमास ओभलमा सुरु हुनेछ । नेपाल लगातार दोस्रो जितको सोचमा हुनेछ । नेपालले पहिलो खेलमा हङकङलाई ६ विकेटले हराएको थियो ।
नेपाल आजको खेलमा विजयी हुँदा फाइनल यात्रापक्का पक्की जस्तै हुनेछ । कुवेत पहिलो खेलमा मलेसियासँग ८ विकेटले पराजित भएको थियो । पहिलो खेलमा हङकङलाई हराउन स्पिनर सीता रानामगरले पाँच विकेट लिएकी थिइन् ।
नेपालकी सर्वाधिक अनुभवी स्पिनर सीता आफ्नो अनुभवको भरपूर्ण फाइदा उठाएकी थिइन् । उनीबाट नेपाल ब्याटिङ र बलिङ दुबैमा सानदार प्रदर्शन चाहन्छ । उनलाई ब्याटिङ भने नेपालले तल्लोक्रममा खेलाएको थियो । यसअघि उनले शीर्षक्रममा खेल्ने गर्दथिइन् ।
नेपालको लागि डेब्यू गरेकी पुजा महतोले पनि राम्रो प्रभाव छाडेकी थिइन् । उनले ओपनिङसँगै तीव्र गतिमा बलिङ गर्ने गर्दछिन् । नेपालले आजको खेलमा टोलीमा कुनैपनि परिवर्तन गर्ने सम्भावना छैन ।
पहिलो खेलको टोलीलाई नै निरन्तरता दिने देखिन्छ । बेन्चमा तीव्र गतिकी बलर ईश्वरी विष्ट, स्पिनर खुशी डंगोल र विकेटकिपर रुवि पोदारलाई राखेको थियो । यी तीन खेलाडीलाई मौका दिन कुनै एकलाई बेन्चमा राख्नु पर्ने हुन्छ । पहिलो खेलबाट परिवर्तन गर्ने सम्भावना देखिदैन ।
नेपाललाई जिताउन युवा ब्याटर सम्झना खड्काले ३६ बलमा ५ चौकासहित ३६ रन बनाएकी थिइन् । पछिल्लो समय उनले मध्यक्रममा राम्रो प्रदर्शन गर्दै आएकी छिन् । कप्तान रुविना क्षेत्री बेलबासे, इन्दु बर्मा, सीता र सम्झना प्रमुख ब्याटर हुन् । ओपनर पुजा महतोबाट पनि ठूलो अपेक्षा राख्नेछ ।
नेपालको तीव्र गतिको बलिङ आक्रामण उत्कृष्ट छ । कविता कुँवर, अश्मिना कर्माचार्य र पुजा महतो हुनेछन् । पार्टटाइम बलर इन्दु बर्माले पनि राम्रो बलिङ गर्दै आएकी छिन् ।
पहिलो खेल वर्षाको कारण मलेसिया र कुवेतबीच ५–५ ओभरको भएको थियो । कुवेतले ५ ओभरमा ७ विकेट गुमाउँदै २२ रन बनाएको थियो । चार देश सम्मिलित सिरिजमा कुवेत, हङकङ, मलेसिया र नेपाल छन् । नेपालले अन्तिम खेल शुक्रबार मलेसियासँग खेल्नेछ ।
शीर्ष दुईमा रहन सके शनिबार फाइनल खेल्नेछ । पराजित भएमा तेस्रो स्थानको लागि खेल्नेछ । नेपालले आगमी सोमबार थाईल्यान्डसँग पनि अभ्यास खेल खेल्नेछ । त्यसपछि नेपालले आइसिसी महिला टि२० विश्वकप एसिया क्षेत्र छनोट खेल्नेछ । एसिया क्षेत्र छनोट अगष्ट ३१ देखी ९ सेप्टेम्बरमा मलेसियामा खेल्नेछ ।
नेपालको समूहमा युएई, कतार, मलेसिया, भुटान र बहराइन छन् । समूह बी मा चीन, हङकङ, कुवेत, म्यानमार र थाईल्यान्ड छन् । शीर्ष दुई टोली सेमिफाइनल खेल्नेछन् ।
फाइनल पुग्ने दुई टोलीले २०२४ मा ग्लोबल महिला टि२० विश्वकप खेल्न पाउनेछन् । नेपालले पहिलो खेलमा ३१ अगष्टमा मलेसिया, १ सेप्टेम्बरमा बहराइन, ३ सेप्टेम्बरमा भुटान, ४ सेप्टेम्बरमा कतार र ६ सेप्टेम्बरमा युएईसँग खेल्नेछ ।
नेपालको टोली :
रुविना क्षेत्री (कप्तान), सीता रानामगर, इन्दु बर्मा, विन्दु रावल, कविता कुँवर, कविता जोशी, पुजा महतो, सम्झना खड्का, ईश्वरी विष्ट, काजोल श्रेष्ठ, रुवी पोदार, अप्सरी बेगम, अश्मिना कर्माचार्य र खुशी डंगोल ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]