एजेन्सी – इंग्ल्यान्डका युवा ब्याटर ह्यारी ब्रुकले द हन्ड्रेड एन एस चार्जसबाट वेल्स फायरविरुद्ध विष्फोटक शतक प्रहार गरेका छन् । उनले विष्फोटक शतक प्रहार गरेपनि टोली ८ विकेटले पराजित हुन पुग्यो ।

लिड्समा टस जितेर पहिला ब्याटिङ रोजेको चार्जसले १ सय बलमा ७ विकेट गुमाउँदै १ सय ५८ रन बनायो । ह्यारी ब्रुकले ४२ बलमा ११ चौका र ७ छक्कासहित १ सय ५ रनमा नट आउट रहे ।

उनी बाहेक अन्य कुनैपनि ब्याटरको प्रदर्शन सम्झन लायक रहेन । एडम होसले १५ रन बनाउँदा अन्य ९ खेलाडीले दोहोरो अंकमा रन बनाउन सकेनन् । ओपनर एडम लायथ २, म्याथ्यु सर्ट र टम ब्यान्टन डक आउट भए ।

डेविड विल्लीले १५ बलमा १० रन खर्चेर २ विकेट लिए । म्याट हेनरी, डेविड पेन, ल्यूक वेल्स र रोलेफ भान डर मर्वेले एक एक विकेट लिए ।

जितको लागि १ सय ५९ रनको मध्यम विजयी लक्ष्य वेल्स फायरले ९० बलमा २ विकेट गुमाउँदै पूरा गर्यो । जोनी बेयरस्टो ४४, स्टेफन एस्किानाजीा ५८ र जो क्लार्कले ४२ रन बनाए ।

ह्यारी ब्रुक आगमी महिना न्युजिल्यान्डसँग हुने चार ओडिआई खेलको सिरिजमा इंग्ल्यान्डको टोलीमा छैनन् । उक्त टोलीलाई भारतमा हुने विश्वकपको अस्थायी टोलीको रुपमा समेत हेरिएको छ । बेन स्टोक्स सन्न्यासपछि टोलीमा फर्किएपछि ह्यारी ब्रुक टोलीबाट बाहिरिनु परेको थियो ।

ब्रुकले इंग्ल्यान्डको टि२०, ओडिआई र टेस्ट तीनै संरचनामा सानदार प्रदर्शन गर्दै आएका छन् । अघिल्लो वर्ष टि२० विश्वकप जित्दा उनी टोलीका सदस्य थिए । उनी विष्फोटक ब्याटरको रुपमा चिनिन्छन् । त्यसैले सनराइजर्स हैदराबादले अक्सनमा १३ करोड २५ लाख भारु खर्चेको थियो । कोलकाताविरुद्ध ब्रुकले ५५ बलमा १ सय रनको अविजित इनिङ खेलेका थिए ।