एजेन्सी – नेपालले चार देश सम्मिलित महिला टि२० आई सिरिजमा घरेलु टोली मलेसियाविरुद्ध मध्यम ब्याटिङ प्रदर्शन गरेकोछ । मलेसियाको बायोमास ओभलमा टस हारेर पहिला ब्याटिङको निम्तो पाएको नेपालले १० ओभरमा २ विकेट गुमाउँदै ४४ रन बनाएको छ ।

नेपालकी उपकप्तान इन्दु बर्मा २३ बलमा १३ रनमा क्रिजमा छिन् । उनलाई सीता रानामगरले १२ बलमा ९ रनमा साथ दिएकी छिन् ।

वर्षाको कारण खेल केहि समय प्रभावित हुँदा १८-१८ ओभरको हुनेछ । ओपनर पुजा महतो भने पहिलो ओभरको पाँचौं बलमा ऐना हामिजाह हासिमको बलमा एक रनमा एलबीडब्लू आउट भइन् । काजोल श्रेष्ठ २१ बलमा १ चौकासहित १८ रनमा आउट भइन् ।

नेपालले सुरुवाती ६० बलमा बाउन्ड्रीको रुपमा एकमात्रै चौका प्रहार गरेको छ । कुवेतविरुद्ध नेपाल ६० बलसम्म बाउन्ड्री विहीन थियो ।

नेपालले टोलीमा एक परिवर्तन गरेको छ । तीव्र गतिकी बलर अश्मिना कर्माचार्य टोलीमा फर्किदा ईश्वरी विष्ट बेन्चमा बसेकी छिन् । नेपालले पहिलो खेलमा हङकङलाई ६ विकेट र दोस्रो खेलमा कुवेतलाई ३४ रनले हराएको थियो ।

नेपाल २ खेलमा ४ अंकका साथ शीर्ष स्थानमा छ । आजको खेलमा विजयी भएमा नेपाल ६ अंकका साथ अपराजित रहँदै फाइनल खेल्नेछ । यदि नेपाल पराजित भएमा भने नेटरनरेटमा निर्भर रहनेछ । हङकङ ३ खेलमा४ अंकका साथ दोस्रो स्थानमाछ ।

नेपालको प्लेइङ ११ :

रुविना क्षेत्री (कप्तान), सीता रानामगर, इन्दु बर्मा, विन्दु रावल, कविता कुँवर, कविता जोशी, पुजा महतो, सम्झना खड्का, काजोल श्रेष्ठ र अश्मिना कर्माचार्य र खुशी डंगोल ।