default_image

9 months ago

August 25, 2023

नेपालले उपाधिको लागि हङकङसँग खेल्ने

1204 views

0 Bookmark

काठमाडौं (हाम्रो खेलकुद) – नेपालले चार देश सम्मिलित महिला टि२० आई सिरिजको फाइनल हङकङसँग खेल्ने भएको छ । नेपाल र हङकङबीचको फाइनल शनिबार हुनेछ ।

नेपाल अन्तिम खेलमा मलेसियासँग ६ विकेटले पराजित भएपनि नेटरनरेटको कारण शीर्षस्थानमा रहँदै फाइनलमा स्थान बनाएको हो ।

हङकङले मलेसियालाई नेटरनरेटले पछिपार्दै दोस्रो स्थानमा रहँदै फाइनलमा स्थान बनाएको हो । नेपाल ३ खेलमा २ मा जित र १ मा हारसहित ४ अंकका साथ शीर्षस्थानमा रह्यो । नेपालको नेटरनरेट ०.८५३ रह्यो । नेपालले कुवेतलाई ३४ रन र हङकङलाई ६ विकेटले हराएको थियो ।

हङकङ ३ खेलमा २ मा जित र १ मा हारसहित ४ अंकका साथ दोस्रो स्थानमा रह्यो । हङकङको नेटरनरेट ०.१९२ रह्यो । हङकङले कुवेतलाई १६ रन र मलेसियालाई १० विकेटले हराएको थियो ।

मलेसिया ३ खेलमा २ मा जित र १ मा हारसहित ४ अंक नै भएपनि नेटरनरेटका कारण तेस्रो स्थानमा रहेर फाइनल खेल्न सकेन । मलेसियाको नेटरनरेट ०.००७ रह्यो । कुवेत भने ३ खेलमा तीनै मा हारका साथ अंक बिहीन हुँदै पुछारमा रहेर बाहिरियो । तेस्रो स्थानको लागि शनिबार मलेसिया र कवेतबीच प्रतिस्पर्धा हुनेछ ।

आइसिसी महिला टि२० विश्वकप एसिया क्षेत्र छनोट अघि तयारीको लागि यी चार देशले सिरिज खेलेका हुन् । एसिया क्षेत्र छनोट अगष्ट ३१ देखी ९ सेप्टेम्बरमा मलेसियामा खेल्नेछ । नेपालको समूहमा युएई, कतार, मलेसिया, भुटान र बहराइन छन् ।

समूह बी मा चीन, हङकङ, कुवेत, म्यानमार र थाईल्यान्ड छन् । शीर्ष दुई टोली सेमिफाइनल खेल्नेछन् । फाइनल पुग्ने दुई टोलीले २०२४ मा ग्लोबल महिला टि२० विश्वकप खेल्न पाउनेछन् ।

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

May 26, 2024

ह्युस्टनसँग चलेन नेपालको ब्याटिङ

ह्युस्टन (हाम्रो खेलकुद)- नेपाली क्रिकेट टोलीले दोस्रो टि ट्वान्टी अभ्यास खेलमा ह्युस्टन हरिकेन्सलाई १ सय २४ रनको मध्यम लक्ष्य दिएको छ । प्रेरी भ्यू कम्प्लेक्स ह्युस्टनमा टस जितेर पहिला ब्याटिङ रोजेको नेपालले २० ओभरमा ६ विकेट गुमाउँदै १ सय २३ रन बनाएको थियो । नेपालका कप्तान रोहित पौडेलले ४० बलमा १ चौकासहित सर्वाधिक ३७ रन […]

Success

Thank you for your time.