default_image

10 months ago

August 25, 2023

‘मेरो लक्ष्य नेपाली क्रिकेटको विकास हो’ – पारस खड्का

1175 views

0 Bookmark

काठमाडौं (हाम्रो खेलकुद) – नेपाली क्रिकेट टोलीका सर्वाधिक सफल कप्तान पारस खड्काले आफ्नो लक्ष्य सबै पक्षलाई एक ठाउँमा ल्याउँदै क्रिकेट विकास गर्ने रहेको बताएका छन् । भदौ १५ गते हुने बागमती प्रदेशको चुनावमा पारसले आफू अध्यक्षमा लड्ने बताएका छन् ।

पारसलाई बागमती प्रदेशका सदस्यता मान्यता प्राप्त जिल्ला काठमाडौं, भक्तपुर, ललितपुर र मकवानपुरले समर्थन गर्ने बताएका छन् । शुक्रबार पत्रकार सम्मेलनमा पारससँगै मकवानपुर जिल्लाका अध्यक्ष करण महत्रा क्षेत्री, काठमाडौंका अध्यक्ष दिवाकर घले, भक्तपुरका अध्यक्ष मनिषराज पाण्डे र ललितपुरका अध्यक्ष शेखर श्रेष्ठले पारसलाई साथ दिने बताएका थिए । पारसले बागमती प्रदेशलाई उदाहरणीय बनाउने बताएका छन् ।

बागमतीमा कुल ३७ मत रहनेछ । हरेक जिल्लाबाट चार चार प्रतिनिधि र वर्तमान बागमती प्रादेशिक संघको १३ सदस्य कार्यसमिति गरि कुल ३७ मत रहनेछ । पारसलाई चार जिल्लाबाट १६ र बागमती प्रदेशको कार्य समितिबाट ७ गरि २३ मत दिने प्रतिवद्धता आई सकेको छ । यदि विश्वासघात नभए पारसले बागमतीको अध्यक्ष जित्ने पक्कापक्की देखिन्छ ।

‘मैले बारम्बार भन्दै आएको यदि म क्यानको कुनै अंग हुन्छु भने मेरो एउटै लक्ष्य सबै पक्षलाई एक ठाउँमा ल्याउनेछ । क्यानलाई सामाजिक, आर्थिक सबै हिसाबले धनी बनाउने हो । आर्थिक स्रोत जुटाउनमा मैले ठूलो भूमिका खेल्न सक्छु । जिल्ला र प्रदेशको प्रतिनिधिहरु हुनुन्छ । नेपाली क्रिकेटका जति पनि दाँवधारी हुनुन्छ । वहाँहरुलाई एक ठाउँमा लिएर काम गर्छु’, पारसले भने ।

त्यसैमा थपे, ‘विगतमा कस्ले के गर्यो हामीलाई थाहा छैन । आगमी गन्तव्य भनेको नेपाली क्रिकेटको विकास हो । त्यो विकासको लागि पारस खड्का मात्रै अध्यक्ष वा कोषाध्यक्ष भएर हुँदैन । नेपाली क्रिकेट अघि बढ्नुछ भने हरेक ब्यक्ति र सम्बन्धित निकायले जिम्मेवारी लिनुपर्छ । मेरो लक्ष्य भनेको जसरी नेपाली राष्ट्रिय क्रिकेट टोलीको वाहवाही भएको छ । त्यसरी नै अवको दुई तीन वर्षमा क्यानको वाहवाही हुनेछ ।’

पारसले बागमती प्रदेशमा आफू अध्यक्ष यदि बनेमा सुशासन, आर्थिक पार्दशिता, घरेलु क्रिकेट र संरचनामा सुधार गर्ने बताएका छन् । बागमतीको महिला क्रिकेटलाई पारसले विशेष प्राथमिकतामा राख्ने जनाएका छन् । पारसले बागमती प्रदेशको पुरुषतर्फ बागमती इलिट ट्रफी टु डे, बागमती च्यालेन्जर्स ट्रफी एकदिवसीय, राष्ट्रिय स्तरको टि२० फ्रेन्चाइज लिग, बागमती प्रदेश आमन्त्रिण सिरिज र विदेशमा अभ्यास गर्ने बताएका छन् ।

बागमती यू१९ च्याम्पियनपसिप गर्ने जनाएका छन् । यू१९ महिला क्रिकेटतर्फ पारसले बागमती महिला प्रो ४० लिग, बागमती वुमन्स इलिट ट्रफी टि२०, बागमती प्रदेश आमन्त्रिण सिरिज (विदेशी) सिरिज गर्ने योजना बनाएका छन् । त्यस्तै बागमती जुनियर ट्रफी च्याम्पियनसिप ६ जिल्ला र ट्यालेन्ट हन्ट गर्ने जनाएका छन् ।

मैदानतर्फ पारसले काठमाडौंमा तल्लोमुलमानी, भक्तपुरमा सैनिक ग्राउन्ड, पुल्चोक ग्राउन्ड, चितवनमा गौतम बुद्ध इन्टरनेशल र मकवानपुरमा गौरिटार ग्राउन्ड बनाउने बताए । नुवाकोटमा भने मैदानको अभाव रहँदा राम्रो ठाउँको खोजी गर्ने बताए ।

पारसले हरेक जिल्लालाई आफूहरुले कार्यक्रम र योजना दिने बताए । त्यसै अनुसार काम गर्ने जिल्लाको वर्गीकरण समेत हुने जनाएका छन् । बागमती प्रदेशका खेलाडीलाई मासिक ग्रेडिङमा राख्दै मासिक तलब दिने योजना रहेको बताए । समग्रमा देशकै उदाहरणीय प्रदेश बनाउने बताए ।

‘म प्रति देखाएको आशालाई म जसरी हुन्छ विश्वासलाई कायम राख्न प्रयास गर्नेछु । पहिलो प्राथमिकता बागमती हो । आर्थिक कुरामा सबै जोडिएको छ । आन्तरिक रुपमा हामीले घोषणा छौं । १५ गते चुनाव जित्न सक्यौं भने कसैलाई तल र माथि राख्न आएका होईनौं । कागजी रुपमा जसले पनि लेख्न सक्छ । भोली चुनाव जितौला वा हारौला । नेपाली क्रिकेटलाई यो संरचना भन्दा राम्रो तरिकाले अघि बढाउ भनेर आएका हौं’, उनले भने ।

पारसले केन्द्रको चुनाव बागमतीपछि मात्रै सोच्ने पुन दोहोराए । ‘प्रदेशमा चुनाव लड्न कुराकानी गरेका छौं । एक एक जिल्लाबाट प्रतिनिधिहरु आउँछन् । एक एक ठाउँमा बसेर कुराकानी गछौं । अहिलेको ध्यान भनेको एक भएर अघि बढ्ने हो । यदि राम्रो मान्छे र क्रिकेटमा केहि गरौं भने सोच भएका प्रतिनिधि आएमा केन्द्रले पनि राम्रो कार्यसमिति पाउने सम्भावना छ । बागमतीको चुनावपछि बसेर छलफल गर्ने छौं’, उनले भने ।

बागमती प्रदेश विकास गर्न आफूहरुले क्यानबाट केहि आशा नगर्ने बताएका छन् । क्यानले दिने आर्थिक सहयोग आफूहरुको लागि एउटा बोनस मात्रै हुने बताए । ‘हामी आफैं आर्थिक स्रोत जुटाउँछौं । केन्द्रले के दिन्छ आशा गर्दैनौं । केन्द्रले दिने बोनस हुनेछ । कागजमा योजना लेख्न सजिलो छ । आफैं आफ्नो कोषलाई कसरी बलियो बनाउनी भन्ने हाम्रो योजनाछ । मेरो लक्ष्य भनेको नेपाली क्रिकेटको विकाश हो । क्रिकेट टिमको पदाधिकारी होईन । ब्यक्ति भन्दा संगठन बलियो हुनुपर्छ’, पारसले भने ।

पारसको पूरा भिडियो र योजना यहाँ हेर्नुहोस् :

June 14, 2024

सन्दीपसहित नेपाली क्रिकेट टोलीले अभ्यास गर्यो

प्रकाश तिमल्सिना, सेन्ट भिन्सेन्ट आइसिसी टि ट्वान्टी विश्वकपको समूह चरणको‌ आफ्ना अन्तिम २ का लागि बिहीबार सेन्ट भिन्सेन्ट आइपुगेको नेपाली टोली स्पिनर सन्दीप लामिछाने सहित अभ्यास गरेको छ। दक्षिण अफ्रिकासँग शुक्रबार स्थानीय समय अनुसार साँझ ७:३० बजे (नेपाली समय अनुसार शनिबार बिहान ५:१५ बजे) खेल‌ हुने मैदान आर्नस भेलमा बिहीबार साँझ ६:१५ बजेबाट अभ्यास सुरु […]

June 14, 2024

नेपाली क्रिकेट टोली सेन्ट भिन्सेन्ट आइपुग्यो

सेन्ट भिन्सेन्ट (हाम्रो खेलकुद)- आइसिसी टि ट्वान्टी विश्वकपको समूह चरणको‌ आफ्ना अन्तिम २ का लागि बिहीबार स्थानिय समय अनुसार दिउँसो ३:३० बजे सेन्ट भिन्सेन्ट आइपुगेको छ। नेपाली राष्ट्रिय क्रिकेट टोली अमेरिकाको‌ फ्लोरिडाको खराब मौसमका कारण बुधबार रोकिएको थियो।फ्लोरिडाबाट नेपाली‌ टोली बुधबार साँझ सेन्ट भिन्सेन्ट आउने तालिका रहेपनि लगातारको वर्षाका कारण उडान रद्द भएको थियो। लगातारको‌‌ […]

June 14, 2024

बंगलादेशको नेदरल्याण्ड्सविरुद्ध जित

एजेन्सी – आईसिसी टि-२० विश्वकपमा नेपाल रहेको समूह डी मा बंगलादेशले नेदरल्याण्ड्स माथि जित दर्ता गरेको छ । बंगलादेशले नेदरल्याण्ड्सलाई २५ रनले पराजित गरेको हो । बंगलादेशले दिएको १६० रनको लक्ष्य पछ्याएको नेदरल्याण्ड्सले निर्धारित २० ओभरमा ८ विकेटको क्षतिमा १३४ मात्र बनाउन सक्यो । राम्रो सुरुवात गरेको नेदरल्याण्ड्स जिततर्फ उन्मुख रहेको थियो । तर १५औं […]

Success

Thank you for your time.