default_image

11 months ago

August 26, 2023

नेपालले उपाधिको लागि हङकङसँग खेल्दै

1932 views

0 Bookmark

काठमाडौं (हाम्रो खेलकुद) – नेपालले चारदेश सम्मिलित महिला टि२० आई सिरिजको फाइनल खेलमा आज हङकङसँग खेल्दैछ । खेल नेपाली समय अनुसार मध्याहन्न ११ : ४५ मा मलेसियाको बायोमास ओभलमा सुरुहुनेछ । नेपाल शीर्ष र हङकङ दोस्रो स्थानमा रहँदै फाइनल खेलेका हुन् ।

नेपाल, मलेसिया र हङकङको समान ४ अंक थियो । तर नेटरनरेटको कारण अन्तिम खेलमा नेपाललाई ६ विकेटले हराएपनि मलेसिया फाइनलमा पुग्न सकेन ।

उता नेपालले हङकङलाई ६ विकेट र कुवेतलाई ३४ रनले हराएको थियो । नेपालसँग पराजित भएपनि हङकङले मलेसियालाई १० विकेट र कुवेतलाई १६ रनले हराउँदै फाइनलमा स्थान बनाएको हो ।

हङकङलाई हराउन अनुभवी अलराउन्डर सीता रानामगरले ४ ओभरमा १६ रन खर्चेर ५ विकेट लिएकी थिइन् । युवा ब्याटर सम्झना खड्काले ३६ बलमा ५ चौकासहित ३६ रन बनाएकी थिइन् । नेपालले कुवेत र मलेसियाविरुद्ध राम्रो प्रदर्शन गर्न सकेन । नेपाली ब्याटरले चौका र छक्का नै प्रहार गर्न संघर्ष गरेका छन् ।

प्रतियोगितामा सम्झना खड्काले ५, रुविना क्षेत्रीले ३, काजोल श्रेष्ठ र इन्दु बर्माले समान दुई चौका प्रहार गरेका छन् । रुविनाले एक छक्का हानेकी छिन् । अन्य कुनैपनि ब्याटरले बाउन्ड्री प्रहार गर्न सकेका छैनन् । कुवेतसँग नेपालले पहिलो चौका ८२ बल पछि हानेको थियो ।

नेपालको ब्याटिङक्रम भद्रगोलछ । ओपनर विन्दु रावललाई मलेसियाविरुद्ध नवौं नम्बरमा खेलाएको थियो । कुनैपनि ब्याटरको ब्याटिङक्रम पक्का छैन ।

नेपाली प्रमुख ब्याटर तथा ओपनर सीतालाई पहिलो खेलमा मलेसियाविरुद्ध छैटौं नम्बरमा खेलाएको थियो । पछिल्ला दुई खेलमा चौथो नम्बरमा खेलाएको छ । मध्यक्रमकी ब्याटर सम्झानालाई मलेसियाविरुद्ध आठौं नम्बरमा खेलाएको थियो ।

नेपालले उपाधि जित्न पहिला भ्रदगोल ब्याटिङक्रम मिलाउनुपर्छ । अर्कोतर्फ चौका र छक्का प्रहार गर्ने जोखिम पनि लिन आवश्यक देखिन्छ । कम्तिमा पावर प्लेमा आक्रामक क्रिकेट खेल्न सक्नुपर्छ । सीता, इन्दु, सम्झना र रुविना जस्ता प्रमुख ब्याटरले माथिल्लोक्रममा ब्याटिङ गर्न आवश्यक देखिन्छ ।

विन्दु रावलको स्थानमा अप्सरी बेगमलाई खेलाउन सक्छ । तीव्र गतिकी बलर कविता कुँवर र अश्मिना कर्माचार्यको जोडी हङकङलाई घातक बन्नसक्छन् । नेपालमा एकपनि घरेलु क्रिकेट नखेलेकी पुजाले अपेक्षा अनुसार प्रदर्शन गर्न सकेकी छैनिन् । सीता, इन्दु र रुविना प्रमुख खेलाडी हुन् । फाइनलमा यी तीन खेलाडीबाट नेपाल अलराउन्ड प्रदर्शन चाहन्छ ।

हङकङकी ओपनर मारिको हिलको विकेट नेपालको लागि उपाधिको निर्णायक बन्न सक्छ । हिल टिकेको खण्डमा भने नेपालको जित कठिन बन्न सक्छ । हिल बलिङ पनि त्यतिनै राम्रो गर्ने गर्दछिन् । कप्तान केरी चान, हिल र ओपनर यासमिन दास्वानी प्रमुख ब्याटर हुन् ।

हेड टु हेड :

नेपाल र हङकङबीच चार महिला टि२० आई खेल भएको छ । जसमा समान दुई मा जित र हार छ । नतिजा आएका पछिल्ला तीन खेलमा नेपाल दुईमा पराजित भएको छ ।

नेपालले सोमबार थाईल्यान्डसँग पनि अन्तिम अभ्यास खेल खेल्नेछ । नेपालले आइसिसी महिला टि२० विश्वकप एसिया क्षेत्र छनोट अघि अभ्यास खेल खेलेको हो । एसिया क्षेत्र छनोट अगष्ट ३१ देखी ९ सेप्टेम्बरमा मलेसियामा हुँदैछ ।

समूह ए मा नेपालसँगै युएई, कतार, मलेसिया, भुटान र बहराइन छन् । समूह बी मा चीन, हङकङ, कुवेत, म्यानमार र थाईल्यान्ड छन् । शीर्ष दुई टोली सेमिफाइनल खेल्नेछन् । फाइनल पुग्ने दुई टोलीले २०२४ मा ग्लोबल महिला टि२० विश्वकप खेल्न पाउनेछन् ।

नेपालको टोली :

रुविना क्षेत्री (कप्तान), सीता रानामगर, इन्दु बर्मा, विन्दु रावल, कविता कुँवर, कविता जोशी, पुजा महतो, सम्झना खड्का, ईश्वरी विष्ट, काजोल श्रेष्ठ, रुवी पोदार, अप्सरी बेगम, अश्मिना कर्माचार्य र खुशी डंगोल ।

July 14, 2024

भारतद्वारा जित सहित जिम्बाब्वे भ्रमण अन्त्य

एजेन्सी – लगातार चौथो जित सहित भारतले विश्वकप पछिको पहिलो भ्रमण अन्त्य गरेको छ । पाँच खेलको टि-ट्वान्टी शृंखलाको अन्तिम खेलमा ४२ रनले जिम्बाब्वेलाई हराउँदै ४-१ ले जितेको हो । आईतवार भारतले दिएको १६८ रनको लक्ष्य पछ्याएको जिम्बाब्वे १८.३ ओभरमा १२५ रनमा समेटियो । जिम्बाब्वेका लागि डिअन मायर्सले सर्वाधिक ३४ रन बनाए । मारुमानीले र […]

July 13, 2024

सिन्धुपाल्चोकमा क्रिकेट प्रशिक्षक प्रशिक्षण

सिन्धुपाल्चोक (हाम्रो खेलकुद)- सिन्धुपाल्चोकका सामुदायिक तथा संस्थागत विधालयका खेल शिक्षकका लागि विद्यालय क्रिकेट प्रशिक्षक प्रशिक्षण तथा अनुशिक्षण कार्यक्रम सम्पन्न भएको छ। सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रिकेट एकेडेमीको समन्वयमा प्रशिक्षण भएको थियो। ग्रस रुट क्रिकेट विकासको पहिलो खुड्किला विद्यालय बाट नै क्रिकेटको सुरूवात गर्नुपर्ने र शिक्षकले त्यसमा महत्वपूर्ण भुमिका रहने भएकोले प्रशिक्षण […]

July 13, 2024

भारतलाई एक खेल अगावै श्रृंखला

एजेन्सी – लगातार तेस्रो खेलमा सफलता निकालेको भारतीय क्रिकेट टोलीले जिम्बाब्वे विरुद्धको टि-ट्वान्टी श्रृंखला एक खेल अगावै जितेको छ । पहिलो खेलमा हार बेहोरेको भारतले लगातार तीन खेल जित्दै शृंखला ३-१ ले जितेको हो । हरारेमा शनिबार भएको चौथो खेलमा भारतले घरेलु टोलीलाई १० विकेटले पराजित गरेको हो । १ सय ५३ रनको लक्ष्य भारतले […]

Success

Thank you for your time.