8 months ago
August 26, 2023
काठमाडौं (हाम्रो खेलकुद) – नेपाली क्रिकेट टोलीकी उपकप्तान तथा अलराउन्डर इन्दु बर्मा चारदेश सम्मिलित महिला टि२० आई सिरिजमा सर्वोत्कृष्ट खेलाडी (प्लेयर अफ द सिरिज) चुनिएकी छिन् ।
नेपाललाई उपाधि जिताउन उत्कृष्ट अलराउन्ड प्रदर्शन गरेकी उपकप्तान इन्दु सिरिजको सर्वोत्कृष्ट खेलाडी बनेकी हुन् । उनको नेपाली महिला टोलीमा पहिलो प्लेयर अफ द सिरिज समेत हो ।
नेपालले फाइनलमा हङकङलाई डकवर्थ लेविस पद्धतिको आधारमा १३ रनले हराउँदै उपाधि जितेको थियो । इन्दुले प्रतियोगितामा ४ खेलमा ७१ रन बनाएकी थिइन् । सिरिजमा मलेसियाकी ऐना हामिजाह हाशिम ९१ रनका साथ शीर्ष र इन्दु दोस्रो स्थानमा थिए । इन्दुले ५ विकेट लिएकी थिइन् ।
हङकङलाई ९ विकेटले हराउन इन्दुले २ विकेट लिनुको साथै ९ रन बनाएकी थिइन् । उक्त खेलमा पाँच विकेट लिँदै सीता रानामगर प्लेयर अफ द म्याच चुनिएकी थिइन् । कुवेतलाई हराउन १९ बलमा २ चौकासहित सर्वाधिक २३ रन बनाउनुको साथै ४ ओभरमा १० रन खर्चेर ३ विकेट लिएकी थिइन् ।
कुवेतविरुद्ध इन्दु प्लेयर अफ द म्याच चुनिएकी थिइन् । नेपालले कुवेतलाई ३४ रनले हराएको थियो । नेपालले कुवेतविरुद्ध ८२ बलपछि पहिलो चौका हानेको थियो । त्यो इन्दुले नै हानेकी थिइन् । सुरुवातमा टेस्ट शैलीमा खेलेपनि तल्लोक्रममा उनले महत्वपूर्ण योगदान दिएकी थिइन् । मलेसियाविरुद्ध २० रन बनाएपनि नेपाल पराजित भएको थियो ।
हङकङविरुद्ध जितको लागि १ सय २ रनको विजयी लक्ष्य पछ्याउनेक्रममा ५.५ ओभरमा ३७ रन बनाउँदा खेल रोकिएको थियो । उक्त खेलमा इन्दु १९ रनमा अविजित थिइन् ।
मलेसियाले कुवेतलाई हराउँदै तेस्रो बनेको थियो । आइसिसी विश्वकप महिला टि२० एसिया क्षेत्र छनोट अघि नेपालसहित चार देशले सिरिज खेलेका हुन् । नेपालले अव सोमबार अन्तिम तयारीको रुपमा थाईल्यान्डसँग खेल्नेछ । आइसिसी महिला एसिया क्षेत्र छनोट अगष्ट ३१ देखी ९ सेप्टेम्बरमा मलेसियामा खेल्नेछ ।
नेपालको समूहमा युएई, कतार, मलेसिया, भुटान र बहराइन छन् । समूह बी मा चीन, हङकङ, कुवेत, म्यानमार र थाईल्यान्ड छन् । शीर्ष दुई टोली सेमिफाइनल खेल्नेछन् । फाइनल पुग्ने दुई टोलीले २०२४ मा ग्लोबल महिला टि२० विश्वकप खेल्न पाउनेछन् । नेपालले पहिलो खेलमा ३१ अगष्टमा मलेसिया, १ सेप्टेम्बरमा बहराइन, ३ सेप्टेम्बरमा भुटान, ४ सेप्टेम्बरमा कतार र ६ सेप्टेम्बरमा युएईसँग खेल्नेछ ।
May 7, 2024
काठमाडौं (हाम्रो खेलकुद)– एन्जल्स हार्ट स्कुलले जयकुमारनाथ शाह स्मृति यु १६ अन्तर स्कुल क्रिकेट प्रतियोगितामा मंगलबार केएमसीलाई हराएको छ । एन्जल्स हार्टले केएमसीलाई ६ विकेटले हराएको हो । १ सय ६३ लक्ष्य पछ्याएको एन्जल्स हार्टसले १९.३ ओभरमा ४ विकेटको क्षेतिमा जित हासिल गरेको थियो । टोलीका लागि युवराज खत्रीले ३६ बलमा ४९, जोय थापा २९ […]
May 7, 2024
एजेन्सी – सूर्यकुमार यादवको शतकको मद्दतमा मुम्बई इण्डियन्सले इन्डियन प्रिमियर लिग (आइपिएल) मा सोमबार सनराइजर्स हैदराबाद माथि सहज जित दर्ता गरेको छ । मुम्बईले हैदराबादलाई ७ विकेटले हराएको हो । हैदराबादले दिएको १ सय ७४ रनको लक्ष्य मुम्बईले १७.२ ओभरमै ३ विकेट मात्र गुमाएर भेट्टायो । मुम्बईका सूर्यकुमारले ५१ बलमा १२ चौका र ६ छक्का […]
May 6, 2024
काठमाडौं (हाम्रो खेलकुद)- राष्ट्रिय गौरवको आयोजनामा परेको मुलपानी क्रिकेट मैदानको डिजाइन आज युवा तथा खेलकुद मन्त्रालयमा प्रस्तुत गरिएको छ। युवा तथा खेलकुद मन्त्री बिराजभक्त श्रेष्ठ, राष्ट्रिय खेलकुद परिषदका सदस्य सचिव टंक लाल घिसिङ, मन्त्रालयका सचिव सुमनराज अर्याल लगायतको उपस्थितिमा मुलपानी मैदानको डिजाइन र संरचनाको बारेमा पुल्चोक इन्जिनियरिङ कलेजले डिजाइन प्रस्तुत गरेको हो। डिजाइन अनुसार हालको […]