काठमाडौं (हाम्रो खेलकुद) – सुनिल कुमार महासेठ मधेश प्रादेशिक क्रिकेट संघको अध्यक्षमा निर्वाचित भएका छन् । उनले अर्का अध्यक्षका प्रत्याशि हिरा भगतलाई हराउँदै अध्यक्षमा निर्वाचित भएका हुन् । महासेठले ३२ र हिराले १२ भोट प्राप्त गरे ।

त्यस्तै पवनकुमार गुप्ता उपाध्यक्षमा निर्वाचित भएका छन् । गुप्ताले मुर्तुजा हवारीलाई पराजित गर्दै उपाध्यक्षमा निर्वाचित भएका हुन् । गुप्ताले ३२ र हवारीले १२ भोट प्राप्त गरे ।

आयुष श्रेष्ठ सचिव र सुभाष जयसवाल कोषाध्यक्षमा सर्वसम्मत रुपमा निर्वाचित भए । सदस्यहरुमा सतिशकुमार सिंह, सत्रुधन प्रसाद साह, प्रमोद साह, राजिवकुमार झा, मुकेश कुमार साह, आकाश पाण्डे, विकल कुमार विष्ट, बाबुजान अन्सारी र अनिल कुमार चौलागाई सदस्यमा निर्वाचित भएका छन् ।

नेपाल क्रिकेट संघ (क्यान) को केन्द्रिय चुनाव आगमी असोज पहिलो साता हुँदैछ । ४५ जिल्ला र चार प्रदेशको चुनाव पनि सम्पन्न भएको छ । अव तीन प्रादेशिक क्रिकेट संघको चुनाव हुन बाँकी छ ।

कोशी प्रादेशिक क्रिकेट संघमा सर्वजित पाण्डे, गण्डकी प्रादेशिक क्रिकेट संघमा सञ्जय कान्त सिंग्देल र सुदूरपश्चिम प्रादेशिक क्रिकेट संघको अध्यक्षमा बासुदेव जोशीले जितेका थिए ।

बागमती प्रदेशको चुनाव भदौ १५ माहुँदैछ । नेपालका सर्वाधिक सफल कप्तान पारस खड्का अध्यक्षमा बागमतीबाट लड्दै छन् । क्यानको केन्द्रिय चुनावमा कुला ८६ भोट छ । अध्यक्ष जित्न ४४ भोट आवश्यक पर्दछ । सबै भोटको बारे जानकारी यस प्रकार छ ।