default_image

11 months ago

August 28, 2023

नेपालले थाईल्यान्डसँग अभ्यास खेल खेल्दै

2300 views

0 Bookmark

काठमाडौं (हाम्रो खेलकुद) – नेपाली महिला क्रिकेट टोलीले अन्तिम अभ्यास खेलको रुपमा आज थाईल्यान्डसँग खेल्दैछ । खेल नेपाली समय अनुसार बिहान ८ : ४५ मा मलेसियामा सुरु हुनेछ । आइसिसी महिला टि२० विश्वकप एसिया क्षेत्र छनोट अघि नेपालले अन्तिम तयारी खेल खेल्न लागेकोा हो । यो खेल अभ्यास मात्रै हुनेछ ।

शनिबार नेपालले चार देशसम्मिलित महिला टि२० आई खेलको फाइनलमा हङकङलाई डकवर्थ लेविस पद्धतिको आधारमा १३ रनलो हराउँदै उपाधि जितेको थियो । नेपालले लिगमा हङकङलाई ६ विकेट र कुवेतलाई ३४ रनले हराएको थियो ।

मलेसियासँग ६ विकेटले पराजित भएको थियो । थाईल्यान्ड आइसिसी महिला टि२० विश्वकप एसिया क्षेत्र छनोट खेल्ने सवैभन्दा बलियो टोली हो । पछिल्लो समय टेस्ट टोलीविरुद्ध सानदार प्रदर्शन गर्दै आएको थाईल्यान्डसँग नेपाली महिला टोलीको असली परिक्षा हुनेछ ।

२०२० मा थाईल्यान्डले विश्वकप खेलेपछि विश्व क्रिकेटमा स्तरमा सुधार गरेको छ । तर नेपालको स्तर भने उस्तैछ । ओपनर नथाकन चन्थाम थाईल्यान्डकी प्रमुख ब्याटर हुन् । विदेशी लिगमा उनले लगातार सानदार प्रदर्शन गर्दै आएकी छिन् । उनको प्रदर्शन निकै महत्वपूर्ण हुनेछ ।

नेपालका लागि कप्तान रुविना क्षेत्री बेलबासे, उपकप्तान इन्दु बर्मा र सीता रानामगर प्रमुख ब्याटर हुन् । नेपालले भद्रगोल ब्याटिङक्रमलाई मिलाउनु पर्ने हुन्छ । फाइनलमा सीतालाई ओपनिङ गराएको थियो । सीतालाई ओपनिङ नै आवश्यक देखिन्छ । चार देश सम्मिलित महिला टि२० आई सिरिजमा सर्वोत्कृष्ट खेलाडी चुनिएकी इन्दुबाट नेपालले ठूलो अपेक्षा गर्नेछ ।

तीव्र गतिका बलरमा कविता कुँवर र अश्मिना कर्माचार्यको जोडी हुनेछन् । नेपाल अभ्यास खेलमा आफ्नो कमजोरी सुधार गर्न चाहन्छ । पावर प्लेमा आक्रामक ब्याटिङ र स्थिर ब्याटिङक्रम आवश्यक देखिन्छ ।

आइसिसी महिला विश्वकप टि२० एसिया क्षेत्र छनोट अगष्ट ३१ देखी ९ सेप्टेम्बरमा मलेसियामा हुनेछ । नेपालको समूहमा युएई, कतार, मलेसिया, भुटान र बहराइन छन् । समूह बी मा चीन, हङकङ, कुवेत, म्यानमार र थाईल्यान्ड छन् । शीर्ष दुई टोली सेमिफाइनल खेल्नेछन् ।

फाइनल पुग्ने दुई टोलीले २०२४ मा ग्लोबल महिला टि२० विश्वकप खेल्न पाउनेछन् । नेपालले पहिलो खेलमा ३१ अगष्टमा मलेसिया, १ सेप्टेम्बरमा बहराइन, ३ सेप्टेम्बरमा भुटान, ४ सेप्टेम्बरमा कतार र ६ सेप्टेम्बरमा युएईसँग खेल्नेछ ।

July 16, 2024

अभ्यास खेलमा नेपाली टोलीको जित

काठमाडौं (हाम्रो खेलकुद) – श्रीलंकामा हुने वुमन्स एसिया कपको तयारीमा रहेको नेपाली महिला टोलीले मंगलबार अभ्यास खेल जितेको छ । तेस्रो अभ्यास खेलमा नेपाली टोलीले श्रीलंका वुमन्स डेभलप्मेन्टलाई २ रनले हराएको छ । यसअघिका सोही टोलीसँगको दुवै अभ्यास खेलमा नेपाल पराजित भएको थियो । १ सय १३ रनको लक्ष्य पछ्याएको श्रीलंका वुमन्स १९.५ ओभरमा सबै […]

July 14, 2024

भारतद्वारा जित सहित जिम्बाब्वे भ्रमण अन्त्य

एजेन्सी – लगातार चौथो जित सहित भारतले विश्वकप पछिको पहिलो भ्रमण अन्त्य गरेको छ । पाँच खेलको टि-ट्वान्टी शृंखलाको अन्तिम खेलमा ४२ रनले जिम्बाब्वेलाई हराउँदै ४-१ ले जितेको हो । आईतवार भारतले दिएको १६८ रनको लक्ष्य पछ्याएको जिम्बाब्वे १८.३ ओभरमा १२५ रनमा समेटियो । जिम्बाब्वेका लागि डिअन मायर्सले सर्वाधिक ३४ रन बनाए । मारुमानीले र […]

July 13, 2024

सिन्धुपाल्चोकमा क्रिकेट प्रशिक्षक प्रशिक्षण

सिन्धुपाल्चोक (हाम्रो खेलकुद)- सिन्धुपाल्चोकका सामुदायिक तथा संस्थागत विधालयका खेल शिक्षकका लागि विद्यालय क्रिकेट प्रशिक्षक प्रशिक्षण तथा अनुशिक्षण कार्यक्रम सम्पन्न भएको छ। सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रिकेट एकेडेमीको समन्वयमा प्रशिक्षण भएको थियो। ग्रस रुट क्रिकेट विकासको पहिलो खुड्किला विद्यालय बाट नै क्रिकेटको सुरूवात गर्नुपर्ने र शिक्षकले त्यसमा महत्वपूर्ण भुमिका रहने भएकोले प्रशिक्षण […]

Success

Thank you for your time.