default_image

10 months ago

August 28, 2023

एसिया कपमा नेपालको सम्भावित उत्कृष्ट प्लेइङ–११

6137 views

0 Bookmark

काठमाडौं (हाम्रो खेलकुद) – नेपालले आफ्नो क्रिकेट इतिहासमा पहिलो पटक भारत र पाकिस्तानसँग खेल्दैछ । एसिया कपमा नेपालले विश्व क्रिकेटका दुई पावर हाउससँग खेल्ने अवसर पाएको हो ।

नेपाल भारत र पाकिस्तानविरुद्ध आफ्नो सानदार प्रदर्शन देखाउन चाहन्छ । कुनैपनि टोलीको प्लेइङ–११ सधैं महत्वपूर्ण हुन्छ । टोलीले प्लेइङ–११ टिमको आवश्यकता, विपक्षी टोलीको कमजोरी, पिच कन्डिसन र आफ्नो रणनीति अनुसार टुङ्गो लगाउने गर्दछ । १७ सदस्य टोली एसिया कपमा छन् ।

नेपालले भारत र पाकिस्तानविरुद्ध उत्कृष्ट क्रिकेट खेल्न आफ्नो सहि प्लेइङ–११ मैदान उतार्न खोज्नेछ । आफ्नो उत्कृष्ट प्लेइङ ११ का साथ खेल्न खोज्नेछ । एसिया कपमा नेपालको सम्भावित उत्कृष्ट प्लेइङ ११ यस प्रकार देखिन्छ ।

१. कुशल भुर्तेल

ओपनर कुशल भुर्तेलले ओपनिङ गर्नेछन् । नेपालको ओपनर जोडीमा कुशल भुर्तेल र आसिफ शेख हुने पक्काछ । जस्तो सुकै प्रदर्शनमा पनि यी दुई ओपनरले दुबै खेल खेल्ने पक्काछ । कुशलको भूमिका पावरप्लेमा आक्रामक क्रिकेट खेल्ने हुनेछ । त्यसपछि इनिङ ठूलो खेल्दै जतिसक्यो क्रिजमा समय बिताउने रणनीति हुनसक्छ ।

दुई महिना अघि जिम्बावेविरुद्ध ९९ रनमा अल आउट भएका कुशल दुई ठूला टोलीविरुद्ध आफ्नो उत्कृष्ट क्रिकेट देखाउन चाहन्छन् । कुशलले ४४ ओडिआई खेलमा १ शतक र ६ अर्धशतकसहित कुल ९ सय ८६ रन बनाएका छन् । एसिया कप मार्फत आफ्नो ओडिआई एक हजार रन पूरा गर्ने सम्भावना छ ।

२. आसिफ शेख

नेपालको दोस्रो ओपनरको रुपमा आसिफ शेख हुने पक्काछ । आसिफको भूमिका टोलीको इनिङ विकास गर्ने हुनेछ । कुशल भुर्तेलले आक्रामक रुपमा रन जोड्दा आसिफ एक एण्डबाट विकेट जोगाउँदै ठूलो इनिङका लागि जानसक्छन् । आसिफले ४१ ओडिआई खेलमा १ शतक र ९ अर्धशतकसहित कुल ११ सय ८७ रन बनाई सकेका छन् ।

नेपालबाट ओडिआई इतिहासमा सर्वाधिक ठूलो साझेदारी कुशल र आसिफले नै गरेका छन् । विश्वकप छनोटमा जिम्बावेविरुद्ध पहिलो विकेटका लागि १ सय ७१ रनको शतकीय साझेदारी गरेका थिए । यी दुई ओपनरले तीन पटक शतकीय साझेदारी गरि सकेका छन् । नेपाल ओपनरबाट त्यस्तै सुरुवात चाहन्छ ।

३. अर्जुन साउद (विकेटकिपर)

तेस्रो नम्बर ब्याटिङमा नेपालले भीम सार्की र अर्जुन साउद मध्य एकलाई खेलाउने देखिन्छ । अर्जुन साउदको सम्भावना बलियो देखिन्छ । अर्जुन विकेटकिपिङ राम्रो गर्दछन् । आसिफ शेखको भन्दा अर्जुनको किपिङ राम्रो छ ।

अर्कोतर्फ अर्जुनले आयरल्यान्डविरुद्ध र पाकिस्तान ए विरुद्ध राम्रो सुरुवात दिलाएका थिए । सर्ट बल खेल्ने खुबी राख्ने हुँदा अर्जुनलाई खेलाउन सक्ने सम्भावना देखिन्छ ।

४. रोहित पौडेल (कप्तान)

कप्तान रोहित पौडेल चौथो नम्बरमा खेल्नेछन् । चौथो नम्बरका नेपालका भरपर्दा ब्याटर हुन् । ओडिआईमा चौथो नम्बरको ब्याटरको प्रदर्शन सधैं महत्वपूर्ण हुन्छ ।

नेपाल रोहितबाट कप्तानी प्रदर्शन चाहन्छ । रोहित टिमको अवस्था र आवश्यकता अनुसार खेल्नुपर्ने हुन्छ । खराब सुरुवातमा इनिङ अघि बढाउने र राम्रो अवस्थामा आक्रामक ब्याटिङ गर्नुपर्ने हुन्छ ।

५. कुशल मल्ल

नेपालले पाँचौं नम्बरमा युवा अलराउन्डर कुशल मल्ललाई खेलाउने देखिन्छ । कुशल बायाँ हाते ब्याटरसँगै स्पिन बलिङ गर्ने गर्दछन् । नेपाल कुशलबाट आक्रामक अन्त्य चाहन्छ ।

एसिसी प्रिमियर कपमा कुशलले ५९ बलमै ओडिआई शतक पूरा गरेका थिए । भारत र पाकिस्तानविरुद्ध राम्रो प्रदर्शन गर्न सके कुशललाई आइपिएलसहित अन्य विदेशी लिगको बाटो खुल्नेछ । पार्टटाइम स्पिनमा कुशलको भूमिका निकै महत्वपूर्ण हुनेछ ।

६. आरिफ शेख

नेपालका भरपर्दा ओडिआई ब्याटर आरिफ शेखलाई नेपालले छैटौं नम्बरमा ब्याटिङ गराउने देखिन्छ । आरिफको भूमिका टोलीको इनिङ विकास गर्ने हुनेछ । आरिफपछि आउने सबै हिटर हुनेछन् । त्यसैले आरिफले फिनिसरलाई विष्फोटक अन्त्य गर्ने वातावरण मिलाउनु पर्ने हुन्छ ।

७. दीपेन्द्रसिंह ऐरी

नेपालले दीपेन्द्रसिंह ऐरीलाई फिनिसरको रुपमा खेलाउँदै आएको छ । दीपेन्द्रबाट नेपाल राम्रो अन्त्य चाहन्छ । खराब सुरुवात गरेको अवस्थामा दीपेन्द्रले तल्लोक्रम सम्हाल्नुपर्ने हुन्छ । दीपेन्द्रले स्पिन आक्रामणमा सन्दीप लामिछानेलाई साथ दिनुपर्ने हुन्छ ।
नेपालको प्लेइङ–११ मा ललितनारायण राजवंशीले स्थान पाउने सम्भावना कम छ ।

यो अवस्थामा स्पिन आक्रामण दीपेन्द्र र सन्दीपले निर्वाह गर्नुपर्ने हुन्छ । आवश्यक परेमा कुशल मल्ल, कुशल भुर्तेल र रोहित पौडेल हुनेछन् । कुशल भुर्तेलले अघिल्लो महिना युएई ए विरुद्ध ६ विकेट लिएका थिए । नेपालले पार्टटाइममा उनलाई विश्वास राख्न सक्छ । दीपेन्द्र ब्याटिङ, बलिङ र फिल्डिङ तीनै क्षेत्रमा राम्रो प्रदर्शन गर्न सक्ने खुबी राख्ने ब्याटर हुन् ।

८. गुलशन झा

गुलशन झा आठौं नम्बरमा खेल्ने सम्भावना देखिन्छ । गुलशन आक्रामक ब्याटिङका लागि चिनिन्छन् । उनीबाट नेपाल राम्रो अन्त्य चाहन्छ । आवश्यक परेको खण्डमा गुलशनलाई मध्यक्रममा पनि खेलाउन सक्छ । टिमको आवश्यकतामा गुलशनको ब्याटिङक्रम निर्भर रहन सक्छ ।

गुलशनले देब्रे हातले ब्याटिङ गर्ने हुँदा विपक्षी बलिङ आक्रामणमा उनको स्थान निर्भर हुनसक्छ । सामान्य अवस्थामा उनी आठौं नम्बरमा खेल्ने देखिन्छ । गुलशन नेपालको तेस्रो तीव्र गतिको बलरको रुपमा समेत खेल्ने छन् । गुलशनले टोलीमा आक्रामक ब्याटिङसँगै बलिङमा पनि त्यतिनै महत्वपूर्ण भूमिका निर्वाह गर्नुपर्ने हुन्छ ।

९. सोमपाल कामी

नेपालको ब्याटिङमा गहिराई छ । सोमपाल कामी नेपालका प्रमुख तीव्र गतिका बलर हुन् । उनीबाट नेपाल पावर प्लेमा सानदार बलिङ सुरुवात चाहन्छ । अर्कोतर्फ सोमपाल उत्कृष्ट ब्याटिङका लागि चिनिन्छन् ।

नेपालले उनलाई मध्यक्रम र तल्लोक्रम कुनैपनि स्थानमा खेलाउन सक्छ । टोलीले आवश्यकता अनुसार सोमपाललाई ब्याटिङमा प्रयोग गर्ने देखिन्छ ।

१०. करण केसी

नेपालले दोस्रो तीव्र गतिका बलरमा करण केसीलाई खेलाउनेछ । करण केसी खेल्दा स्पिनर ललितनारायण राजवंशीको स्थान कठिन हुन्छ । आइसिसी विश्वकप छनोटमा करणले नयाँ बलका साथ सानदार प्रदर्शन गरेको हुँदा निरन्तरता दिने देखिन्छ ।

मोन्टी देशाईले विदेशी भूमिका करण र टियुमा ललित रणनीति अपनाउँदै समेत आएका छन् । करणबाट नेपाल पावर प्लेमा उत्कृष्ट सुरुवात चाहन्छ । करण नेपालका क्लिनहिटर हुन् । उनी विष्फोटक ब्याटिङका लागि चिनिन्छन् । टोली राम्रो अवस्थामा हुँदा करण माथिल्लोक्रममा आएर ब्याटिङ गर्न सक्छन् । सामान्य अवस्थामा तल्लोक्रममा नै खेल्ने देखिन्छ ।

११. सन्दीप लामिछाने

स्पिनर सन्दीप लामिछाने नेपालका प्रमुख बलिङ हतियार हुन् । आइपिएल देखी विश्वका विदेशी लिग खेलेका सन्दीपलाई स्टार खेलाडीविरुद्ध खेल्दाको दबाब राम्रोसँग थाहा छ । उनीबाट नेपाल सानदार प्रदर्शन चाहन्छ । सन्दीपलाई नेपालले पावर प्लेपछि बलिङमा प्रयोग गर्नेछ । लेगस्पिनर हुँदा साझेदारी तोड्न सन्दीपको भूमिका निकै महत्वपूर्ण हुनेछ । अर्कोतर्फ सन्दीप तल्लोक्रममा राम्रो ब्याटिङको साझेदारी निर्वाह गर्नसक्छन् ।

एसिया कपका नेपालको सम्भावित उत्कृष्ट प्लेइङ-११ :

कुशल भुर्तेल, आसिफ शेख, अर्जुन साउद (विकेटकिपर), रोहित पौडेल (कप्तान), कुशल मल्ल, आरिफ शेख, दीपेन्द्रसिंह ऐरी, गुलशन झा, सोमपाल कामी, करण केसी र सन्दीप लामिछाने ।

June 16, 2024

अष्ट्रेलियाको जितसँगै इङ्ल्यान्ड सुपर ‘एट’मा

एजेन्सी – अष्ट्रेलियाले स्कटल्यान्डलाई हराएपछि इङ्ल्यान्ड आइसिसी टि-२० विश्वकपको सुपर ‘एट’ मा प्रवेश गरेको छ । आइतबार बिहान भएको खेलमा अष्ट्रेलियाले स्कटल्यान्ड माथि ५ विकेटको जित निकालेपछि इङ्ल्यान्ड नेट रन रेटका आधारमा स्कटल्यान्ड भन्दा अगाडि रहँदै अन्तिम आठमा पुग्ने पक्का भएको हो । गएराति अर्को खेलमा इङ्ल्यान्डले डकवर्थ लुइसका आधारमा नामिबियालाई ४१ रनले पराजित गरेको […]

June 15, 2024

१ रनले हारेसँगै नेपाल विश्वकपबाट बाहिरियो

किङ्गसटाउन (हाम्रो खेलकुद) – दक्षिण अफ्रिका विरुद्ध १ रनले पराजीत भएसँगै नेपाल आइसिसी टि-२० विश्वकपबाट बाहिरिएको छ । दक्षिण अफ्रिका विरुद्धको पहिलो भेटमा नेपाल १ रनको झिनो अन्तरले पराजित हुँदै विश्वकपबाट बाहिरिएको हो । दक्षिण अफ्रिकाले दिएको ११६ रनको मध्यम लक्ष्य पछ्याएको नेपालले ७ विकेटको क्षतिमा ११४ रन मात्र बनाउन सक्यो । अन्तिम दुई ओभरमा […]

June 15, 2024

नेपाललाई १ सय १६ रनको विजय लक्ष्य

किङ्गसटाउन (हाम्रो खेलकुद) – स्पिनरहरुको उत्कृष्ट बलिङ प्रदर्शन सहित नेपालले आइसिसी टि-२० विश्वकपमा दक्षिण अफ्रिकालाई मध्यम योगफलमा रोकेको छ । टस हारेर पहिला ब्याटिङ गरेको दक्षिण अफ्रिकाले निर्धारित २० ओभरमा ७ विकेटको क्षतिमा १ सय १५ रन बनायो । नेपालले पिचमा स्पिनका लागि सहायता भएका कारण चार स्पिनर प्रयोग गर्दै दक्षिण अफ्रिकालाई दबाबमा राखेको थियो […]

Success

Thank you for your time.