2 years ago
August 28, 2023
काठमाडौं (हाम्रो खेलकुद) – वर्षाको कारण नेपाल र थाईल्यान्ड महिला क्रिकेट टोलीबीचको टि२० अभ्यास खेल रद्द भएको छ । आइसिसी महिला टि२० विश्वकप एसिया क्षेत्र छनोट अघि अन्तिम अभ्यास खेलमा नेपालले बलियो लक्ष्य पाएपनि वर्षाको कारण खेल रद्द हुन पुगेको थियो ।
टस जितेर पहिला ब्याटिङ रोजेको थाईल्यान्डले निर्धारित २० ओभरमा ५ विकेट गुमाउँदै १ सय २७ रन बनाएको थियो । थाईल्यान्डकी कप्तान नथाकन चान्थमले सर्वाधिक ७८ रनको अविजित इनिङ खेलेकी थिइन् ।
नेपालकी कविता कुँवरले ४ ओभरमा २३ रन खर्चेर २ विकेट लिएकी थिइन् । पुजा महतोले ३ ओभरमा २१ रन खर्चेर १ विकेट लिइन् ।
खुसी डंगोलले ४ ओभरमा १५ रन खर्चेर १ विकेट लिइन् । सीता रानामगरले ४ ओभरमा १६ रन खर्चेकी थिइन् । इन्दु बर्माले ३ ओभरमा ३५ रन खर्चेर १ विकेट लिएकी थिइन् ।
उक्त विजयी लक्ष्य पछ्याएको नेपालले तीन बल खेल्दा वर्षाको कारण खेल रोकिएको थियो । सीता रानामगर शून्यमा रन आउट भएकी थिइन् ।
शनिबार नेपालले चार देशसम्मिलित महिला टि२० आई खेलको फाइनलमा हङकङलाई डकवर्थ लेविस पद्धतिको आधारमा १३ रनलो हराउँदै उपाधि जितेको थियो ।
आइसिसी महिला विश्वकप टि२० एसिया क्षेत्र छनोट अगष्ट ३१ देखी ९ सेप्टेम्बरमा मलेसियामा हुनेछ । नेपालको समूहमा युएई, कतार, मलेसिया, भुटान र बहराइन छन् । समूह बी मा चीन, हङकङ, कुवेत, म्यानमार र थाईल्यान्ड छन् । शीर्ष दुई टोली सेमिफाइनल खेल्नेछन् ।
फाइनल पुग्ने दुई टोलीले २०२४ मा ग्लोबल महिला टि२० विश्वकप खेल्न पाउनेछन् । नेपालले पहिलो खेलमा ३१ अगष्टमा मलेसिया, १ सेप्टेम्बरमा बहराइन, ३ सेप्टेम्बरमा भुटान, ४ सेप्टेम्बरमा कतार र ६ सेप्टेम्बरमा युएईसँग खेल्नेछ।
May 17, 2025
एजेन्सी – साविक विजेता कोलकाता नाइट राइडर्स इन्डियन प्रिमियर लिग (आइपिएल) को जारी सिजनबाट बाहिरिएको छ। रोयल च्यालेन्जर्स बैंगलुरु (आरसिबी) सँग शनिवारको खेल वर्षाका रद्द भएसँगै कोलकाता आइपिएलबाट बाहिरिएको हो। वर्षाका कारण टस पनि नभई खेल रद्द भएको हो । रद्दपछि दुबै टोलीले समान १ अंक बाँडेका थिए । १३ खेलमा १२ अंक छोडेपनि कोलकाता […]
May 17, 2025
सुमन अधिकारी, बुटवल लुम्बिनी प्रदेश क्रिकेट संघका अध्यक्ष संजय गुरुङविरुद्ध विशेष साधारण सभामार्फत अविश्वासको प्रस्ताव पारित भएको छ । संघको शनिवार कपिलवस्तुमा भएको विशेष साधारण सभामा गुरुङविरुद्ध दर्ता भएको अविश्वासको प्रस्ताव पारित भएपछि उनी पदमुक्त भएका छन् । २०८१ चैत्र २२ गते संघका उपाध्यक्ष विनय राजभण्डारी प्रस्तावक बस्दै ३१ जना प्रतिनिधिले हस्ताक्षर गरेर गुरुङविरुद्ध अविश्वासको […]
May 17, 2025
एजेन्सी – इन्डियन प्रिमियर लिग (आइपिएल) १० दिनपछि आज पुनः सुरु हुँदैछ। भारत र पाकिस्तानबीच चुलिएको तनावका कारण आइपिएल स्थगित भएको थियो। अहिले तनाव कम भइसकेको छ । दुवै देशले युद्धविरामको घोषणा गरेका छन् । आइपिएलको चर्चा विस्तारै पुनः सुरु भएको छ । विदेशी खेलाडीहरु आ-आफ्नो देश फर्किए पनि, यात्रा तालिका अचानक फेरिनु, उडान रद्द […]
