11 months ago
August 28, 2023
काठमाडौं(हाम्रो खेलकुद) – पाकिस्तान तथा वर्तमान समयका विश्व क्रिकेटका एक उत्कृष्ट विकेटकिपर मोहम्मद रिजवानले नेपाली क्रिकेट टोलीका खेलाडीलाई भेटेका छन् । एसिया कपमा नेपालसँग खेल्नुअघि पाकिस्तानी स्टार ब्याटर रिजवानले नेपाली खेलाडीलाई भेटेका हुन् ।
रिजवानले भेटेर नेपाली खेलाडीसँग कुराकानी गरेका थिए । सोमपालसँगको कुराकानीमा उनले तिमीहरु योग्य भएको बताएका छन् । उनले नेपाली टोलीलाई शुभकामना दिँदै कुनै कुराको आवश्यकता परे आफूहरुसँग आउन बताएका छन् ।
सात महिनाअघि बलात्कार आरोपपछि नेपाली टोलीमा फर्किएका स्पिनर सन्दीप लामिछानेलाई भेट्न मोहम्मद रिजवान काठमाडौं नै आएका थिए । सन्दीपलाई हौसला प्रदान गर्न रिजवान नेपाल आएको बताइएको थियो । बलात्कार अरोपको कारण सन्दीप ९९ दिन हिरासतमा बस्नुपरेको थियो ।
रिजवान वर्तमान समयका टि२० क्रिकेटका प्रमुख ब्याटर हुन् । रिजवान र बाबर आजमको जोडीले विश्व क्रिकेटमा उत्कृष्ट प्रदर्शन गर्दै आएका छन् । दुई वर्षअघि टि२० विश्वकपमा पाकिस्तानले भारतलाई १० विकेटले हराउँदा रिजवानले ७९ रनको यादगार प्रदर्शन गरेका थिए ।
रिजवान क्लास, जिम्मेवारी र ठूलो इनिङका लागि चर्चित ब्याटरमा पर्दछन् । रिजवानको विकेट लिन विश्वका जुनसुकै बलरलाई कठिन पर्दै आएको छ ।
एसिया कप भदौ १३ देखी ३१ गते (३० अगष्ट देखी १७ सेप्टेम्बर) सम्म पाकिस्तान र श्रीलंकामा हुनेछ । समूह ए मा नेपाल, भारत र पाकिस्तान छन् । समूह बी मा बंगलादेश, श्रीलंका र अफगानिस्तान छन् ।
नेपालले दुई दिनपछि भदौ १३ मा पाकिस्तानको मुल्तानमा खेल्नेछ । नेपाल र पाकिस्तानबीचको खेल नेपाली समय अनुसार दिउँसो ३ : १५ मा मुल्तान क्रिकेट रंगशालामा हुनेछ ।
उक्त खेलपछि नेपाली टोली श्रीलंका जानेछ । नेपाल र भारतबीचको खेल भदौ १८ (सेप्टेम्बर ४) मा श्रीलंकाको कान्डीमा हुनेछ । नेपाल र भारतबीचको खेल नेपाली समय अनुसार दिउँसो ३ : १५ मा पालेकेले अन्तर्राष्ट्रिय क्रिकेट रंगशालामा सुरुहुनेछ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]