default_image

10 months ago

August 29, 2023

‘हामी भन्दा बढी दबाब भारत र पाकिस्तानलाई हुन्छ’– टमाटा

4969 views

0 Bookmark

काठमाडौं (हाम्रो खेलकुद) – राष्ट्रिय क्रिकेट टोलीका पूर्व मुख्य प्रशिक्षक जगत टमाटाले एसिया कपमा नेपाललाई भन्दा बढी दबाब पाकिस्तान र भारतलाई हुने बताएका छन् । एसिया कपमा नेपालले पहिलो पटक भारत र पाकिस्तानसँग खेल्दैछ ।

‘अगाडिनै यो ब्याटर छ मैले कहाँ बलिङ गर्नी भनेर भन्दा पनि आफ्नो लेन्थ, लाइन र मानसिकतामा ध्यान दिनुपर्यो । मैले मेरो स्पेलमा यति रन दिन्छु भनेर खेल्यो भने हामी सफल हुन्छौं । हामी भन्दा बढी दबाब उनीहरुलाई नै हुन्छ । क्रिकेटमा के हुन्छ भन्न सकिदैन । हामी भन्दा दबाब उनीहरुलाई हुदा रमाएर क्रिकेट खेल्नु पर्यो । च्याम्पियन टोलीहरुलाई सम्मान त दिनुपर्छ । फिल्डिङ, बलिङ र ब्याटिङमा नेपाल पनि कोही भन्दा कम छैन भनेर देखाउनु पर्यो’, टमाटाले हाम्रो खेलकुदसँग भने ।

नेपालले बुधबार पाकिस्तानसँग मुल्तान क्रिकेट रंगशालामा दिउँसो ३ : १५ मा खेल्नेछ । पाकिस्तानको टोलीमा शाहिन शाह अफ्रिदी, नसिम शाह र हरिस रौफ जस्ता उत्कृष्ट तीव्र गतिका बलर छन् । नेपालले पहिलो पटक पाकिस्तानी विश्वस्तरीय बलरविरुद्ध खेल्दैछ । टमाटाले नेपाली ब्याटरले कमजोर बललाई धर्यता गरेर खेल्नु पर्ने बताउँछन् ।

‘हामीले एउटा राम्रो अवसर पाएका छौं । विश्वको नम्बर वान टोलीसँग खेल्दै छौं । खेलाडीमा फरक किसिमको जोश छ ,’उनले भने, ‘ खेलाडीले जिम्मेवारी लिनुपर्छ । उनीहरुको राम्रो बललाई सम्मान र नराम्रो बलमा रन बनाउनु पर्यो । ५० ओभर नै खेल्ने जिम्मेवारी लिएर खेलेपछि त्यति साह्रो गाह्रो नहोला।’

उनी नेपाली ब्याटरहरुले पाकिस्तानको तीव्र गतिको बलिङ आक्रामण खेल्न सक्ने बताउँछन् । ‘हाम्रो केटाहरुले पहिला पनि पेश खेलेको छ । वेस्टइन्डिजसँग खेलेको छ । त्यति पेश थिएन होला । तर १३०/३५ को पेश खेलेको छ । त्यहिँ हो हामी मुल्तानमा गएर खेल्दै छौं । विकेट सबै नयाँ छ । हामीलाई तीव्र गतिको पिचमा गाह्रो हुनसक्छ, उनले भने । त्यसैमा थपे ‘राम्रो बललाई सम्मान गरेर खेल्यौ भने हामी राम्रो खेल्न सक्छौं । तर अलिकति आक्रामक बन्न खोज्यौ भने समस्या आउन सक्छ । हामीले उनीहरु र तीव्र गतिको बलरलाई सम्मान त दिनै पर्छ । हामीले नराम्रो बलको धैर्यता गर्न सक्नुपर्छ’।

नेपाली ब्याटरले धैर्यता देखाउन सक्नुपर्ने उनले बताए । ‘खेलाडीमा धैर्यता हुनुपर्छ । हामीले ५० ओभर क्रिकेट खेल्ने सोचले खेल्नुपर्यो । हाम्रो ६–७ नम्बरसम्म ब्याटिङ छ । फिल्डमा उत्रेपछि जित्नको लागि खेल्ने हो । हामीले बोर्डमा राम्रो सम्मानजनक योगफल बनाउनुपर्छ । यति होकी नेपाली खेलाडी सोचे भन्दा कम छैनन् भनेर देखाउने हो । भोली त विश्वले हेर्ने हो । कुनै एउटा टिमले हेर्ने होईन । नेपाल के हो भनेर विश्वले हेर्ने हो । प्रमाणित गर्ने बेला पनि छ’, उनले भने ।

‘कुनै एक खेलाडीले ब्यक्तिगत रुपमा देखाउँदा विश्वमै देखिने कुरा हो । टिमले राम्रो गर्छ भने त्यो सबैलाई राम्रो कुरा हो । हामीले राम्रो अवसर पाएका छौं । त्यो हामीले फ्रिमा पाएका होईन । छनोट भएर पाएका हौं । हामी कमजोर छैनौ । हाम्रो लागि अनुभवको कुरा पनि हो’, उनले भने ।

June 16, 2024

अष्ट्रेलियाको जितसँगै इङ्ल्यान्ड सुपर ‘एट’मा

एजेन्सी – अष्ट्रेलियाले स्कटल्यान्डलाई हराएपछि इङ्ल्यान्ड आइसिसी टि-२० विश्वकपको सुपर ‘एट’ मा प्रवेश गरेको छ । आइतबार बिहान भएको खेलमा अष्ट्रेलियाले स्कटल्यान्ड माथि ५ विकेटको जित निकालेपछि इङ्ल्यान्ड नेट रन रेटका आधारमा स्कटल्यान्ड भन्दा अगाडि रहँदै अन्तिम आठमा पुग्ने पक्का भएको हो । गएराति अर्को खेलमा इङ्ल्यान्डले डकवर्थ लुइसका आधारमा नामिबियालाई ४१ रनले पराजित गरेको […]

June 15, 2024

१ रनले हारेसँगै नेपाल विश्वकपबाट बाहिरियो

किङ्गसटाउन (हाम्रो खेलकुद) – दक्षिण अफ्रिका विरुद्ध १ रनले पराजीत भएसँगै नेपाल आइसिसी टि-२० विश्वकपबाट बाहिरिएको छ । दक्षिण अफ्रिका विरुद्धको पहिलो भेटमा नेपाल १ रनको झिनो अन्तरले पराजित हुँदै विश्वकपबाट बाहिरिएको हो । दक्षिण अफ्रिकाले दिएको ११६ रनको मध्यम लक्ष्य पछ्याएको नेपालले ७ विकेटको क्षतिमा ११४ रन मात्र बनाउन सक्यो । अन्तिम दुई ओभरमा […]

June 15, 2024

नेपाललाई १ सय १६ रनको विजय लक्ष्य

किङ्गसटाउन (हाम्रो खेलकुद) – स्पिनरहरुको उत्कृष्ट बलिङ प्रदर्शन सहित नेपालले आइसिसी टि-२० विश्वकपमा दक्षिण अफ्रिकालाई मध्यम योगफलमा रोकेको छ । टस हारेर पहिला ब्याटिङ गरेको दक्षिण अफ्रिकाले निर्धारित २० ओभरमा ७ विकेटको क्षतिमा १ सय १५ रन बनायो । नेपालले पिचमा स्पिनका लागि सहायता भएका कारण चार स्पिनर प्रयोग गर्दै दक्षिण अफ्रिकालाई दबाबमा राखेको थियो […]

Success

Thank you for your time.