2 years ago
August 29, 2023
काठमाडौं (हाम्रो खेलकुद) – नेपालले आफ्नो क्रिकेट इतिहासमा पहिलो पटक रिभ्यु लिन पाउने भएको छ । एसिया कपमा भारत र पाकिस्तानसँग खेल्दा यदि अम्पायरको निर्णयमा यदि चित्त नबुझे नेपालका कप्तान रोहित पौडेल र ब्याटरले रिभ्यु लिन पाउनेछन् ।
बुधबारदेखी पाकिस्तान र श्रीलंकामा हुने एसिया कपमा डिआरएस (डिसिजन रिभ्यु सिस्टम) उपलब्ध हुनेछ । ओडिआईमा हरेक टोलीलाई इनिङमा दुई रिभ्यु दिइनेछ । अम्पायरको निर्णय आफूलाई गलत लागेको खण्डमा १५ सेकेन्ड भित्र रिभ्यु लिइसक्नु पर्ने हुन्छ ।
१५ सेकेन्ड पछि भने रिभ्यु लिन पाइदैन । यदि कप्तानको रिभ्यु लिने निर्णय सहि भएमा उक्त रिभ्यु बच्छ । तर रिभ्यु गलत सावित भएका काटिने गर्दछ । फिल्डिङमा कप्तानले रिभ्यु लिनु पर्ने हुन्छ । ब्याटिङमा जुन ब्याटरलाई आउट दिएको हो त्यसैले लिनुपर्ने हुन्छ ।
नेपालले आफ्नो क्रिकेट इतिहासमा पहिलो पटक रिभ्यु लिन पाउनेछ । अम्पायरको गलत निर्णयको सामना गर्नुपर्ने छैन । थुप्रै पटक नेपाली खेलाडी अम्पायरको गलत निर्णयको शिकार बन्दै आएका छन् । नेपाल मात्रै होइन एसोसिएट क्रिकेटमा रिभ्यु नहुँदा ठूलो मारमा पर्दै आएका छन् ।
२०१८ मा ओडिआईमा डेब्यू गरेको नेपालले हालसम्म ५७ खेल खेलेको छ । ५७ ओडिआई खेलमा ३० मा जित, २५ मा हार, १ मा जित र १ मा नजिता विहीन अवस्था छ । नेपालले हालसम्म कुनैपनि प्रतियोगिता र खेल रिभ्यु भएको खेलेको छैन ।
रिभ्यु लिने प्रविधि प्रयोग गर्न निकै महँगो हुने हुँदा एसोसिएट टोलीले त्यो सुविधा पाउन सकेका छैनन् । तर एसिया कपमा भने त्यो सुविधा हुनेछ । पहिलो पटक नेपाली खेलाडी र ब्याटरसँग रिभ्यु उपलब्ध हुनेछ ।
नेपालले बुधबार पाकिस्तानसँग मुल्तान रंगाशालमा दिउँसो ३:१५ मा खेल्नेछ । भारतसँग भदौ १८ मा कान्डीमा खेल्नेछ । नेपालले पहिलो पटक भारत र पाकिस्तानसँग खेल्न लागेको हो ।
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
December 16, 2025
काठमाडौं (हाम्रो खेलकुद)- लिग चरणमा संघर्ष गर्दै अघि बढेको लुम्बिनी लायन्सलाई सुरुमा नेपाल प्रिमियर लिग (एनपिएल) को दाबेदारका रूपमा हेरिएको थिएन। लिग चरणका ४ खेल सकिँदा मात्र २ अंक जोड्न सकेको लुम्बिनीमाथि प्रश्नचिन्ह खडा भइसकेको थियो। तर पाँचौँ खेलबाट जितको लय समातेपछि लुम्बिनीले पछाडि फर्केर हेर्नु परेन। शनिवार क्रिकेट मैदानबाट टियु रंगशालामा रूपान्तरण गरिएको फ्लडलाइटमा […]
December 15, 2025
काठमाडौं (हाम्रो खेलकुद)- लगातार दोस्रो हारसँगै नेपाली युवा टोली युएईमा जारी एसिसी यु १९ एसिया कपबाट बाहिरिएको छ । समूह चरणको आफ्नो दोस्रो खेलमा नेपालले बंगलादेशसँग ७ विकेटले हार बेहोरेको थियो। समूह लगातार दुई खेल हारेको अफगानिस्तान पनि प्रतियोगिताबाट बाहिरिएको छ। बंगलादेशले र श्रीलंका दुवै टोलीले नेपाल र अफगानिस्तानलाई हराएका छन्। आज नेपालले दिएको १ […]
