default_image

10 months ago

August 29, 2023

‘हामी नेपाललाई सहज रुपमा लिदैनौं’- बाबर आजम

4709 views

0 Bookmark

काठमाडौं (हाम्रो खेलकुद) – पाकिस्तान क्रिकेट टोलीका कप्तान बाबर आजमले एसिया कपमा आफूहरुले नेपाललाई सहज रुपमा नलिने बताएका छन् । बुधकार उद्धघाटन खेलमा नेपालसँग खेल्नुअघि पाकिस्तानका कप्तान बाबरले आफ्नो प्रतिक्रिया दिएका छन् ।

‘हेर्नुस् क्रिकेटमा कुनैपनि टोलीलाई सहज रुपमा लिन सकिदैन । एउटा खेलाडीको हिसाबमा मैले सिकेको छु की क्रिकेटमा जो सुकै विपक्षी भएपनि सहज लिन हुँदैन । हामी पुरा योजना बनाउने छौं । बाँकी टोली अनुसार नै योजना बनाएर अघि बढ्ने छौं । हामीले नेपालविरुद्ध योजना बनाएका छौं । नेपालको टोली देखेका छौं । नेपालको कमजोरी र बलियो पक्षमा कुराकानी गरेका छौं । सहज रुपमा लिँदैनों । पहिलो खेल हो । महत्वपूर्ण खेल हो हाम्रो लागि । हामीले राम्रो सुरुवात गर्न चाहन्छौं’, बाबरले नेपालबारे भने ।

बाबरले नेपाली क्रिकेटको बारे जानकारी भएको बताएका छन् । ‘मलाई अन्तिम पटक खेलेको वर्ष ठ्याक्कै याद भएन । तर हामीलेसँगै खेलेका छौं । धेरै खेलाडी तिनीहरु नै छन् । उनीहरु राम्रो छन् । हामी उनीहरुलाई कहिल्यै सहज रुपमा लिने छैनौं । नेपालविरुद्ध हामी उत्कृष्ट क्रिकेट खेल्ने प्रयास गर्ने छौं’, बाबरले भने ।

नेपालले पाकिस्तान ए सँग एक अभ्यास खेल खेलेको थियो । पाकिस्तानले उक्त खेलमा ५० ओभरमा ६ विकेट गुमाउँदै ३ सय २६ रन बनाएको थियो । बाबरले मध्यक्रममा उक्त खेलमा २९ बलमा ४३ रन बनाएका थिए । उक्त खेलमा नेपालले ५० ओभरमा ५ विकेट गुमाउँदै २ सय ५ रन बनाएको थियो ।उक्त खेल खेल्दाका सोमपाल कामी र करण केसी अहिले पनि टोलीमा छन् ।

नेपाल र पाकिस्तानबीचको खेल बुधबार दिउँसो ३ : १५ मा मुल्तान क्रिकेट रंगशालामा सुरु हुनेछ । नेपालले भदौ १८ मा भारतसँग खेल्नेछ । नेपालले पहिलो पटक भारत र पाकिस्तानसँग खेल्न लागेको हो ।

June 16, 2024

अष्ट्रेलियाको जितसँगै इङ्ल्यान्ड सुपर ‘एट’मा

एजेन्सी – अष्ट्रेलियाले स्कटल्यान्डलाई हराएपछि इङ्ल्यान्ड आइसिसी टि-२० विश्वकपको सुपर ‘एट’ मा प्रवेश गरेको छ । आइतबार बिहान भएको खेलमा अष्ट्रेलियाले स्कटल्यान्ड माथि ५ विकेटको जित निकालेपछि इङ्ल्यान्ड नेट रन रेटका आधारमा स्कटल्यान्ड भन्दा अगाडि रहँदै अन्तिम आठमा पुग्ने पक्का भएको हो । गएराति अर्को खेलमा इङ्ल्यान्डले डकवर्थ लुइसका आधारमा नामिबियालाई ४१ रनले पराजित गरेको […]

June 15, 2024

१ रनले हारेसँगै नेपाल विश्वकपबाट बाहिरियो

किङ्गसटाउन (हाम्रो खेलकुद) – दक्षिण अफ्रिका विरुद्ध १ रनले पराजीत भएसँगै नेपाल आइसिसी टि-२० विश्वकपबाट बाहिरिएको छ । दक्षिण अफ्रिका विरुद्धको पहिलो भेटमा नेपाल १ रनको झिनो अन्तरले पराजित हुँदै विश्वकपबाट बाहिरिएको हो । दक्षिण अफ्रिकाले दिएको ११६ रनको मध्यम लक्ष्य पछ्याएको नेपालले ७ विकेटको क्षतिमा ११४ रन मात्र बनाउन सक्यो । अन्तिम दुई ओभरमा […]

June 15, 2024

नेपाललाई १ सय १६ रनको विजय लक्ष्य

किङ्गसटाउन (हाम्रो खेलकुद) – स्पिनरहरुको उत्कृष्ट बलिङ प्रदर्शन सहित नेपालले आइसिसी टि-२० विश्वकपमा दक्षिण अफ्रिकालाई मध्यम योगफलमा रोकेको छ । टस हारेर पहिला ब्याटिङ गरेको दक्षिण अफ्रिकाले निर्धारित २० ओभरमा ७ विकेटको क्षतिमा १ सय १५ रन बनायो । नेपालले पिचमा स्पिनका लागि सहायता भएका कारण चार स्पिनर प्रयोग गर्दै दक्षिण अफ्रिकालाई दबाबमा राखेको थियो […]

Success

Thank you for your time.