default_image

11 months ago

August 30, 2023

नेपाल एसिया कप खेल्ने आठौं टोली बन्दै

3556 views

0 Bookmark

एजेन्सी – नेपाल एसिया कप खेल्ने आठौं टोली बन्ने भएको छ । नेपालले एसिया कपको उद्धघाटन खेलमा आज घरेलु टोली पाकिस्तानसँग खेल्दैछ । पाकिस्तानसँगको खेलसँगै नेपाल एसिया कप खेल्ने आठौं टोली बन्नेछ ।

नेपाल भारत, श्रीलंका, पाकिस्तान, बंगलादेश, अफगानिस्तान, हङकङ र युएईपछि एसिया कप खेल्ने नेपाल आठौं टोली बन्नेछ । एसोसिएट टोलीमा नेपाल हङकङ र युएईपछि तेस्रो टोली बन्नेछ ।

एसियन क्रिकेट काउन्सिल एसिसीले आफ्ना टोलीलाई विश्वकप अघि तयारीको लागि एसिया कप आयोजना गर्दछ । एसिया कप एकदिवसीय वा टि२० भने विश्वकपमा भरपर्ने गर्दछ । यस पटक आगमी अक्टोबर नोभेम्बरमा भारतमा एकदिवसीय विश्वकप हुँदैछ । त्यसैले एसिया कप पनि एकदिवसीय हुन लागेको हो ।

विश्वका पावर हाउससँग एक एसोसिएट टोलीलाई समेत खेल्ने अवसर दिन्छ । युएईले २००४, २००८ र २०१६ मा एसिया कप खेलेको थियो । हङकङले २००४, २००८, २०१८ र २०२२ मा एसिया कप खेलेको थियो ।

एसिया कपको उपाधि हालसम्म भारत, पाकिस्तान र श्रीलंकाले जितेका छन् । भारतले १९८४, १९८८, १९९०÷९१, १९९५, २०१०, २०१६ र २०१८ गरि ७ पटक एसिया कपको उपाधि जितेको छ ।

श्रीलंकाले १९८६, १९९७, २००४, २००८, २०१४ र २०२२ को संस्करण गरि ६ पटक उपाधि जितेकोछ । पाकिस्तानले २००० र २०१२ मा एसिया कपको उपाधि जितेको थियो । बंगलादेश २०१२, २०१६ र २०१८ को फाइनलमा पुगेर हार्न पुगेको थियो । अफगानिस्तानले सुपर फोरसम्म मात्रै स्थान बनाउन सकेको छ ।

समूह ए मा नेपाल, भारत र पाकिस्तान छन् । समूह बी मा बंगलादेश, श्रीलंका र अफगानिस्तान छन् । हरेक समूहको शीर्ष दुई टोली सुपर फोरमा पुग्नेछन् । सुपर फोरमा ६ सेप्टेम्बर देखी १५ सम्म हुनेछन् । नेपालले आफ्नो समूह चरणको अन्तिम खेल भदौ १८ मा भारतसँग श्रीलंकाको कान्डीमा खेल्नेछ ।

July 14, 2024

भारतद्वारा जित सहित जिम्बाब्वे भ्रमण अन्त्य

एजेन्सी – लगातार चौथो जित सहित भारतले विश्वकप पछिको पहिलो भ्रमण अन्त्य गरेको छ । पाँच खेलको टि-ट्वान्टी शृंखलाको अन्तिम खेलमा ४२ रनले जिम्बाब्वेलाई हराउँदै ४-१ ले जितेको हो । आईतवार भारतले दिएको १६८ रनको लक्ष्य पछ्याएको जिम्बाब्वे १८.३ ओभरमा १२५ रनमा समेटियो । जिम्बाब्वेका लागि डिअन मायर्सले सर्वाधिक ३४ रन बनाए । मारुमानीले र […]

July 13, 2024

सिन्धुपाल्चोकमा क्रिकेट प्रशिक्षक प्रशिक्षण

सिन्धुपाल्चोक (हाम्रो खेलकुद)- सिन्धुपाल्चोकका सामुदायिक तथा संस्थागत विधालयका खेल शिक्षकका लागि विद्यालय क्रिकेट प्रशिक्षक प्रशिक्षण तथा अनुशिक्षण कार्यक्रम सम्पन्न भएको छ। सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रिकेट एकेडेमीको समन्वयमा प्रशिक्षण भएको थियो। ग्रस रुट क्रिकेट विकासको पहिलो खुड्किला विद्यालय बाट नै क्रिकेटको सुरूवात गर्नुपर्ने र शिक्षकले त्यसमा महत्वपूर्ण भुमिका रहने भएकोले प्रशिक्षण […]

July 13, 2024

भारतलाई एक खेल अगावै श्रृंखला

एजेन्सी – लगातार तेस्रो खेलमा सफलता निकालेको भारतीय क्रिकेट टोलीले जिम्बाब्वे विरुद्धको टि-ट्वान्टी श्रृंखला एक खेल अगावै जितेको छ । पहिलो खेलमा हार बेहोरेको भारतले लगातार तीन खेल जित्दै शृंखला ३-१ ले जितेको हो । हरारेमा शनिबार भएको चौथो खेलमा भारतले घरेलु टोलीलाई १० विकेटले पराजित गरेको हो । १ सय ५३ रनको लक्ष्य भारतले […]

Success

Thank you for your time.