default_image

9 months ago

August 30, 2023

बंगलादेशका स्टार ब्याटरले एसिया कप गुमाउने

373 views

0 Bookmark

एजेन्सी – बंगलादेशका स्टार विकेटकिपर ब्याटर लिटन दासले एसिया कप गुमाउने भएका छन् । भाइरल ज्वरोको कारण लिटन दासले एसिया कप गुमाउने बंगलादेशले जनाएको छ । योसँगै बंगलादेशलाई एसिया कपमा ठूलो झड्का लागेको छ ।

दास आक्रामक ब्याटिङका लागि चिनिन्छन् । २०१८ को एसिया कपमा फाइनलमा लिटन दासले १ सय १७ बलमा भारतविरुद्ध १ सय २१ रनको शतकीय इनिङ खेलेका थिए । गतवर्ष टि२० विश्वकपमा उनले भारतविरुद्ध २७ बलमा ६० रनको आक्रामक इनिङ खेलेका थिए ।

२८ वर्षीय उनलाई यस सिजनको आइपिएलमा कोलकाता नाइट राइडर्सले समेत किनेको थियो । उनले बंगलादेशबाट ३९ टेस्ट, ७२ ओडिआई र ७३ टि२० आई खेल खेलेका छन् ।

दासको स्थानमा बंगलादेशले अनामुल हकलाई टोलीमा समेटेको छ । ३० वर्षीय विकेटकिपर हकले बंगलादेशबाट ४४ ओडिआई खेल खेलेका छन् । जसमा ३ शतक र ५ अर्धशतक सामेल छ । उनी २०२२ डिसेम्बरपछि बंगलादेशको टोलीमा परेका हुन् ।

बंगलादेश, अफगानिस्तान र श्रीलंका समूह बी मा छन् । नेपाल, भारत र पाकिस्तान समूह ए मा छन् । बंगलादेशले ३१ अगष्टमा श्रीलंका र ३ सेप्टेम्बरमा बंगलादेशसँग खेल्नेछ । शीर्ष दुईमा रहन सके सुपर फोरमा स्थान बनाउनेछ ।

बंगलादेशको टोली :

सकिब अल हसन (कप्तान), नाज्मुल हसन सान्टो, तवहिद हृदोय, मुश्फिकुर रहिम, अफिफ हुसैन, मेहेदी हसन मिराज, तस्किन अहमद, हसन महम्मद, मुश्ताफिजुर रहमान, शोरिफुल इस्लाम, नासुम अहमद, शेख मेहेदी हसन, नैइम शेख, शमिम हुसैन, तान्जिद असन तमिम, तान्जिम हसन सकिब र अनामुल हक ।

May 24, 2024

बंगलादेशविरुद्ध अमेरिकाको लगातार दोस्रो जित

ह्युस्टन (हाम्रो खेलकुद) – बंगलादेशलाई लगातार दोस्रो खेलमा स्तब्ध पार्दै अमेरिकाले ३ खेलको टि ट्वान्टी शृंखला एक खेल अगावै जितेको छ । प्रेरी भ्यू क्रिकेट कम्प्लेक्समा बिहीबार भएको दोस्रो खेलमा अमेरिकाले बंगलादेशमाथि ६ रनको जित दर्ता गर्दै शृंखला कब्जा गरेको हो । अमेरिकाले दिएको १ सय ४५ रनको लक्ष्य पछ्याएको बंगलादेश ३ बल बाँकी छँदै […]

May 23, 2024

महिला क्रिकेटको प्रारम्भिक टोलीमा २८ खेलाडी

काठमाडौं (हाम्रो खेलकुद) – नेपाल क्रिकेट संघ (क्यान) एसीसी महिला एसिया कपका लागि प्रारम्भिक टोली घोषणा गरेको छ । क्यानले इन्दु वर्माको कप्तानीमा २८ जनालाई समेट्दै बुधबार नेपाली टोली घोषणा गरेको हो । ललितपुर मेयर्स कप खेलेका कोशी प्रदेशका बलर एलिसा खडिया, बागमती प्रदेशकी हेलिसा गुरुङ, सुदूरपश्चिमकी सावित्री धामी, एपीएफकी राजमती ऐरी पहिलो पटक राष्ट्रिय […]

May 23, 2024

सन्दीपलाई अमेरिकाको भिसा दिलाउन पहल सुरु

काठमाडौं (हाम्रो खेलकुद)- क्रिकेटर सन्दीप लामिछानेलाई‌ टि ट्वान्टी विश्वकपको लागि अमेरिकाको भिसा दिलाउन कुटनीतिक पहल हुने भएको छ।युवा तथा खेलकुद मन्त्रालयले परराष्ट्र मन्त्रालयमार्फत प्रक्रिया अघि बढाउने भएको हो । सन्दीपलाई बुधबार अन्तर्वार्तामा बोलाएर अमेरिकी दूतावासले भिसा अस्वीकार गरेको थियो । भिसा नदिइनुको स्पष्ट कारण खुलाइएको छैन । सन्दीपले सामाजिक सन्जालमा स्ट्याटस लेखेर आफूलाई भिसा दिन […]

Success

Thank you for your time.