default_image

11 months ago

August 31, 2023

मलेसियामाथि नेपालको नाटकीय जित

8344 views

0 Bookmark

काठमाडौं (हाम्रो खेलकुद) – नेपालले आइसिसी महिला टि२० विश्वकप एसिया क्षेत्र छनोटमा घरेलु टोली मलेसियामाथि पाँच रनको नाटकीय जित हात पारेको छ । मलेसियासँगको जितसँगै नेपालको सेमिफाइनल सम्भावना मजबुत बनेको छ ।

जितको लागि ८५ रनको मध्यम विजयी लक्ष्य पछ्याएको मलेसियाले निर्धारित २० ओभरमा ९ विकेट गुमाउँदै ७९ रन बनायो । मलेसियाको लागि कप्तान विनीफ्रेड दुराईसिंघमले ३९ बलमा १ चौकासहित सर्वाधिक २८ रन बननाइन् । ओपनर ऐना आमिजाह १४, वान जुलिया वान रोशी २ र मास एलिसा १० रनमा आउट भइन् ।

एक समय मलेसिया सहज जिततर्फ अघि बढेको थियो । मलेसियालाई २४ बलमा जितको लागि १७ रन चाहिँदा हातमा ७ विकेट विकेट थियो । १७ औं ओभरको तेस्रो बलमा महिमाह ९ रनमा रन आउट भइन् । लगत्तै अर्को बलमा विनीफ्रेड आउट भएपछि मलेसिया दबाबमा परेको थियो ।

उक्त ओभरमा कविता जोशीले मात्रै दुई रन दिइन् । १८ बलमा जितको लागि १५ रन चाहिँएको थियो । १८ औं ओभरमा इन्दु बर्माले दुई रन दिएपछि १२ बलमा १३ रन बनाउनु पर्ने अवस्था आएको थियो । १९ ओभरमा कविताले एकरन आउटसहित दुई विकेट दिएर ३ रन दिएपछि नेपाल जिततर्फ अघि बढेको थियो । अन्तिम ६ बलमा जितको लागि मलेसियालाई १० रन आवश्यक परेको थियो ।

कविता कुँवरले नेपालको जित पक्का गरिन् । नेपालकी कविता जोशीले २ ओभरमा ५ रन खर्चेर २ विकेट लिएकी थिइन् । कविता कुँवरले ४ ओभरमा १० रन खर्चेर २ विकेट लिइन् । रुविना क्षेत्री र अश्मिना कर्माचार्यले एक एक विकेट लिए ।

त्यसअघि बायोमास ओभलमा टस हारेर पहिला ब्याटिङको निम्तो पाएको नेपालले निर्धारित २० ओभरमा ५ विकेट गुमाउँदै ८४ रन बनाएको थियो । नेपाली सीता रानामगरले ५४ बलमा १ चौकासहित सर्वाधिक ३८ रनमा रहिन् ।

सुरुवाती तीन बलमै तीन विकेट गुमाउँदै लज्जास्द सुरुवात गरेको अवस्थाबाट सीताले परिपक्क प्रदर्शन गर्दै नेपाली बलरलाई झिनो आशा देखाएकी थिइन् ।

छैटौं विकेटका लागि सीता र अप्सरी बेगमले ५१ रनको महत्वपूर्ण साझेदारी गरेका थिए । अप्सरी बेगम ३८ बलमा १ चौकासहित १७ रनमा आउट भइन् । अप्सरी र सीता बाहेक अन्य कुनैपनि नेपाली ब्याटरले राम्रो गर्न सकेका थिएनन् ।

नेपालले पहिलो ओभरको सुरुवाती तीन बलमै ओपनर काजोल श्रष्ठ, सम्झना खाड्का र इन्दु बर्मालाई शून्यमा गुमाएको थियो । पहिलो बलमै ओपनर काजोल श्रेष्ठ ऐना हामिजाहको बलमा मास एलिसाबाट क्याच आउट भइन् । लगत्तै अर्को बलमा सम्झना खड्का बोल्ड आउट हुन पुगेकी थिइन् ।

तेस्रो बलमा प्रमुख ब्याटर इन्दु बर्मा रन आउट हुन पुगेकी थिइन् । चौथो ओभरको पहिलो बलमा महिराह इजाती इस्मालले पुजा महतोलाई ५ रनमा बोल्ड आउट गरिन् ।

कप्तान रुविना क्षेत्री बेलबासे १३ बलमा २ चौकासहित १२ रनमा आउट भइन् । मलेसियाको ऐना हामिजा ४ ओभरमा १ मेडनसहित १४ रन खर्चेर २ विकेट लिइन् । महिराह इजाती, ऐश्या एलिसा र निक नुरले एक एक विकेट लिए ।

नेपालले अव शुक्रबार बहराइन, आइतबार भुटान, मंगलबार कतार र बुधबार युएईसँग खेल्नेछ । समूह बी मा चीन, हङकङ, कुवेत, म्यानमार र थाईल्यान्ड छन् । शीर्ष दुई टोली सेमिफाइनल खेल्नेछन् । फाइनल पुग्ने दुई टोलीले २०२४ मा ग्लोबल महिला टि२० विश्वकप खेल्न पाउनेछन् ।

July 14, 2024

भारतद्वारा जित सहित जिम्बाब्वे भ्रमण अन्त्य

एजेन्सी – लगातार चौथो जित सहित भारतले विश्वकप पछिको पहिलो भ्रमण अन्त्य गरेको छ । पाँच खेलको टि-ट्वान्टी शृंखलाको अन्तिम खेलमा ४२ रनले जिम्बाब्वेलाई हराउँदै ४-१ ले जितेको हो । आईतवार भारतले दिएको १६८ रनको लक्ष्य पछ्याएको जिम्बाब्वे १८.३ ओभरमा १२५ रनमा समेटियो । जिम्बाब्वेका लागि डिअन मायर्सले सर्वाधिक ३४ रन बनाए । मारुमानीले र […]

July 13, 2024

सिन्धुपाल्चोकमा क्रिकेट प्रशिक्षक प्रशिक्षण

सिन्धुपाल्चोक (हाम्रो खेलकुद)- सिन्धुपाल्चोकका सामुदायिक तथा संस्थागत विधालयका खेल शिक्षकका लागि विद्यालय क्रिकेट प्रशिक्षक प्रशिक्षण तथा अनुशिक्षण कार्यक्रम सम्पन्न भएको छ। सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रिकेट एकेडेमीको समन्वयमा प्रशिक्षण भएको थियो। ग्रस रुट क्रिकेट विकासको पहिलो खुड्किला विद्यालय बाट नै क्रिकेटको सुरूवात गर्नुपर्ने र शिक्षकले त्यसमा महत्वपूर्ण भुमिका रहने भएकोले प्रशिक्षण […]

July 13, 2024

भारतलाई एक खेल अगावै श्रृंखला

एजेन्सी – लगातार तेस्रो खेलमा सफलता निकालेको भारतीय क्रिकेट टोलीले जिम्बाब्वे विरुद्धको टि-ट्वान्टी श्रृंखला एक खेल अगावै जितेको छ । पहिलो खेलमा हार बेहोरेको भारतले लगातार तीन खेल जित्दै शृंखला ३-१ ले जितेको हो । हरारेमा शनिबार भएको चौथो खेलमा भारतले घरेलु टोलीलाई १० विकेटले पराजित गरेको हो । १ सय ५३ रनको लक्ष्य भारतले […]

Success

Thank you for your time.