default_image

11 months ago

September 1, 2023

बागमतीको अध्यक्षमा पारस र उमेश भिड्दै

2149 views

0 Bookmark

काठमाडौं (हाम्रो खेलकुद) – बागमती प्रादेशिक क्रिकेट संघको अध्यक्षमा पूर्वकप्तान पारस खड्का र उमेश पियाबीच निर्वाचन हुने भएको छ । ललितपुरको धोबीघाटमा जारी बागमती दोस्रो अधिवेशनबाट निर्विरोध अध्यक्ष चयन हुन नसकेपछि चुनाव हुने भएको छ ।

चुनाव केहि समयमा सुरु हुँदैछ । पारस काठमाडौँ जिल्ला क्रिकेट संघबाट सदस्य हुँदै र पिया चितवनबाट प्रतिनिधिको रुपमा आएका हुन् । उपाध्यक्षमा प्रेम बहादुर क्षेत्री र रुपक रञ्जित भिड्नेछन् ।

सचिव पदमा पारस पक्षबाट ललितपुरका प्रशन्न शाक्य र पिया पक्षबाट प्रज्वल सापकोटा भिड्दैछन् । त्यस्तै कोषाध्यक्षमा भक्तपुरका सञ्जय बस्नेत र चितवनका विजय बोहोरा भिड्नेछन् ।

सदस्यहरुमा अजय विर पाण्डे, अनिल अधिकारी, सन्जोग पोखरेल, सुजन महर्जन, नीराराजोपाध्याय, धिरज श्रेष्ठ, शेखर श्रेष्ठ, वसन्तराज सत्याल, अर्जुन केसी, सुरज ज्ञवाली, ध्रुब शर्मा, अरुण खतिवडा, अनुपमान श्रेष्ठ, सुरज शिलवाल, रामधन ढकाल र पारस अधिकारी छन् ।

बागमती प्रदेशका सदस्यता मान्यता प्राप्त जिल्ला काठमाडौं, भक्तपुर, ललितपुर र मकवानपुरले एक साताअघि पारसलाई समर्थन गर्ने बताएका थिए । चितवन र नुवाकोट भने पारसको विपक्षीमा लड्ने जनाएका थिए ।

बागमती प्रदेशमा कुल ३७ मत छ । हरेक जिल्लाबाट ४ प्रतिनिधिले भोट हाल्न पाउनेछन् । बागमती प्रदेश कार्यसमितिका १३ जनाले भोट हाल्न पाउनेछन् ।

बागमती प्रदेशका अध्यक्ष राजु बस्नेत, उपाध्यक्ष प्रेम क्षेत्री र कोषाध्यक्ष अनिल अधिकारीसहित ७ सदस्यले पारसलाई अध्यक्षको लागि साथ दिने बताएका थिए । यदि पारसले चार जिल्ला र प्रदेशबाट प्रतिवद्धता अनुसार भोट पाएमा २३ मत प्राप्तका साथ विजयी हुने सम्भावना देखिन्छ ।

July 23, 2024

आइसीसी निर्णयले नेपालको विश्वकप यात्रा सहज

काठमाडौं (हाम्रो खेलकुद) – अन्तर्राष्ट्रिय क्रिकेट परिषद (आइसीसी) को सोमबार बसेको बोर्ड बैठकले महिला तथा पुरुष विश्वकपको छनोट प्रतियोगितामा गरेको परिवर्तनले नेपाललाई केही सहज हुने देखिएको छ । आइसीसीले सन् २०२६ मा हुने आइसीसी मेन्स टि२० विश्वकपका लागि क्षेत्रीय छनोटबाट विश्वकप पुग्ने ८ टोलीको छनोट प्रक्रियामा थोरै परिवर्तन गरेको छ । जसअनुसार अब युरोप र […]

July 23, 2024

 नेपाल र भारत भिड्दै 

काठमाडौँ (हाम्रो खेलकुद) – एसिसी महिला एशिया २०२४ अन्तर्गत समूह चरणको अन्तिम खेलमा आज नेपाल भारत विरुद्ध खेल्दैछ । खेल नेपाली समय अनुसार बेलुका ७:१५ बजे श्रीलंका स्थित दाम्बुला स्टेडियममा सुरु हुनेछ । १-१ खेल बाँकी रहँदा समूह ए मा नेपाल र पाकिस्तानको समान २-२ अंक छ । भारतले २ खेल जितिसकेको छ । युएईले […]

July 21, 2024

नेपाल पाकिस्तानसँग पराजित

काठमाडौं (हाम्रो खेलकुद) – एसिसि महिला एशिया कप २०२४ अन्तर्गत समूह चरणको आफ्नो दोस्रो खेलमा नेपाल पाकिस्तान विरुद्ध ९ विकेटले पराजित भएको छ । प्रतिस्पर्धात्मक लक्ष्य पाएको पाकिस्तानले लक्ष्य १ विकेट गुमाएर पुरा गरेको हो । नेपालले दिएको १०९ रनको लक्ष्य पाकिस्तानले ११.५ ओभरमा पुरा गर्यो । पाकिस्तानका लागि ओपनर गुल फेरोजाले ३५ बलमा १० […]

Success

Thank you for your time.